Претприемачкото патување на Ели Дангерфилд започна со коментар од неговата мајка за време на семеен одмор во Тајланд кога тој имал 14 години.

“Таа ми рече, замисли си дека можеш да живееш вака секој ден. Тогаш почнав да мислам – сигурно луѓето живеат вака и сè што треба да направам е да најдам начин“, вели тој за news.com.au.

Тој одлучил дека клучот за добар живот е во работата за себе, без потреба од работа во канцеларија и друг да му биде шеф.

Така тој почнал да бара начини за заработка преку интернет, а набрзо се запознал со идејата за продажба на интернет. Денгерфилд ги истражувал онлајн-продавниците и брендовите што имале милионски заработки и одлучил да го следи нивниот пример. Тој почнал да продава квалитетни, но достапни часовници.

“Почнав да разгледувам подлабоко во сите овие онлајн продавници и брендови што создадоа десетици милиони, и си помислив, ако можам да бидам само еден процент паметен како нив, тоа ќе ми го смени животот“, вели тој.

Дангерфилд одлучил да се специјализира во квалитетни, достапни часовници

Тој го лансирал брендот Elmore Lewis (комбинација од неговото средно име и неговиот татко) во 2016 година, на 17-годишна возраст. Набрзо почнал соработка со агенција за рекламирање, но неколку месеци забележувал загуби. До крајот на 2017 година имал само 300 долари на својата сметка и мислел дека бизнисот му пропаднал. Ја откажал соработката со рекламната агенција и одлучил да организира последна распродажба и да ги искористи сите пари за рекламирање.

Таа вечер заработил над 1.200 долари, а следниот ден заработката изнесувала 7.000 долари. Денгерфилд вели дека го направил спротивното од она што го правела маркетинг-агенцијата, односно се рекламирал на места на кои претходно не го правел тоа, а тоа ја направило разликата. Таа недела заработил над 21.000 долари.

Денгерфилд вели дека го заработил првиот милион на 21-годишна возраст

“Сега заработувам 300.000 долари месечно преку мојот лаптоп, од дома. Не мора ниту да станам од креветот ниту да ги соблечам пижамите“, вели тој.

Следни чекори

Дангерфилд сега е фокусиран не само на развивање на сопствениот бизнис, но исто така им помага на другите да започнат бизнис во светот на е-трговијата преку менторство и услуга којашто тој ја нарекува Business in a Box пакет.

Вели дека клучот за започнување бизнис е да се идентификуваат главните можности на пазарот, да се најдат победнички докажани производи за продажба, да се изгради веб-страница на продавница, да се создаде маркетинг и рекламен материјал и видеа и да се постават содржини на социјални медиуми.

Туристите летово се добредојдени да ја посетат Грција, но мерките за социјална оддалеченост ќе останат на сила за да ги заштитат луѓето од коронавирусот, изјави грчкиот министер за туризам, Хари Теохарис.

„Ние сакаме луѓето да дојдат во Грција“, рече тој за радио Би-би-си, додавајќи:

„Секако, ќе ја преземеме секоја претпазливост во однос на мерките за патување, за начинот на кој ќе се патува и престојува. Социјалното растојание ќе се применува како мерка додека здравствените власти не одлучат поинаку“, рече Теохарис.

Грчкиот министер за туризам нагласи дека Грција повеќе од 50 години дочекува туристите и земјата сака да ја продолжи традицијата на гостопримството по кое е позната во светот. Тој додаде дека туристите треба да се чувствуваат безбедно во Грција бидејќи се преземаат строги мерки на претпазливост.

„Грција е безбедна земја и на многу начини побезбедна, жал ми е што можам да кажам, отколку вашата земја (мислејќи на Велика Британија)“, изјави тој за радио Би-би-си.

Теохарис се надева дека здравствените методи ќе напреднат до почетокот на летото и дека ограничувањата за патувања ќе бидат олабавени.

„Многу е веројатно дека ќе има некои мерки пред и во текот на патувањето“, рече тој, алудирајќи на фактот дека некои туристи ќе мора да поминат задолжително тестирање на коронавирус пред да влезат во одредени земји.

Тагови: туристи

Од денеска микро, малите и средни претпријатија од сите дејности ќе можат да аплицираат за новата линија бескаматни кредити Ковид 2 што е во висина од 8 милиони евра.

Јавниот повик за втората бескаматна линија веќе е објавен, додека аплицирањето започнува денеска. Максималниот износ на кредит за кој може да се аплицира е според формулата - 14.500 денари помножено со 3 месеци помножено со број на вработени

Износот не може да е помал од 184.500 денари и не може да е поголем од 5.535.000 денари. Бројот на вработени треба да е со состојба 31 јануари 2020 година.

Вкупно 631 бескаматни кредити се одобрени од Ковид 1 линијата од Развојната банка, во износ од 4,7 милиони евра. Во овие фирми работат 5.588 вработени.

По структура од вкупно одобрените кредити, 76 отсто се за микро претпријатија со до 10 вработени. Од вкупно одобрените 4,7 милиони евра, 2,1 милиони евра се за компании од транспортна дејност, 2,4 милиони евра за угостителство и 200.000 евра за туризам.

Уставните судии не сакале од гладни да станат уште погладни, кажа денеска претседателот на Уставен, Сали Мурати, па одлучија наместо минимална да си земаат цела плата за време на корона кризата. Покрај нив, цела плата ќе добијат и сите државни и локални функционери, министри, директори, пратеници и други. А надоместоци и додатоци ќе си делат во јавниот сектор. За рзлика од нив, без пари ќе останат вработените во СЈО.

Уставниот суд одлучи да поведе постапка за испитување на законитоста на три владини уредби со законска сила донесени за време на вонредната состојба. Истовремено, донесе времена мерка за стопирање на овие уредби додека не се донесат нови одлуки.

Ова значи дека доколку во меѓувреме не се донесе нова одлука, избраните функционери , судиите и обвинителите, наместо минималната, ќе си ја земат целата плата. Од Уставниот суд не даваат временска рамка кога ќе донесат конечна одлука дали ќе ги поништат, укинат или ќе ги потврдат одлуките на владата. Во пракса, кога уставниот суд поведува постапка тоа вообичаено значи дека се носат одлуки за укинување или поништување, што пак не правило.

Мурати се пожали дека тие биле ставени на милост, а биле разумни луѓе. Вели и дека во услови кога Собранието не работи, тие биле единствените кои ја контролирале Владата, па имале зголемен интензитет на работа, поради што си ги заслужувале целите плати. Уставните судии предложија запирање на скратувањето на платите кај избраните и именуваните функционери, за тие да не тужеле.

За уставните судии не е ниту во ред во Министерството за транспорт и врски да стојат пари кои не се користат, за субвенции за летови на „Визер“, а на Инфективните клиникии да нема пари за опрема. Сметаат дека со уредба може да се земе од тие ставки и да ги префрли во Министерството за здравство.

Во уредбата за СЈО покрај платите, предвидено е и републичкиот јавен обвинител Љубомир Јовески да може јавнообвинителските службеници, истражителите и другите вработени во Специјалното јавно обвинителство, да може да ги прераспредели на работни места во други Обвинителства. Јовески за Алфа вели дека досега ниту еден вработен од таму не добил ново работно место, а дали им биле пуштени платите не знаеше.

Од Уставниот суд кажаа и дека уште 129 уредби на Владата се оспорени од страна Светскиот македонски конгрес. На одлуките реагираше и Владата, велат со поведената постапка директно се удира на солидорнасота во нашата земја, директно се спречувало обезбедување на околу 240 милиони евра во буџетот за мерки за справување со Ковид 19.