Се поизвесно е дека нафтените деривати ќе поскапат, и покрај тоа што бизнис заедницата и граѓаните бурно реагираа на предлогот на Стопанската комора за зголемување на акцизата за 2 денари.

Владини извори калкулираат и со раст од 3 денари, апретседателот на Регуларната комисја за енергетика (РКЕ), Марко Бислимовски вели дека последниот збор ќе го има Владата, но дека факт е оти цените на горивата поевтиниле за 20 денари во последниве 2-3 месеци, со што се намалиле и приходите од ДДВ во државната каса.

Во саботата министерката за финансии Нина Ангеловска потврди дека се прават опсежни анализи и акцизите на нафтените деривати ќе одат нагоре, но дека нема да се изедначи акцизата за екстралесното масло со дизелот. Тоа го побарала една од стопанските комори за да се спречат злоупотребите со екстралесното масло кое наместо во домаќинствата, се користи како погонско гориво.

Меѓутоа, стопанствениците се жалеа не само поради мерката пораст на акцизите, туку и поради двата сета мерки кои ги донесе Владата. Бараат поголема, односно целосна поддршка за исплата на минимални бруто плати.

Министерството за финансии, Народната банка и банките се подготвуваат за исплата на априлските пезнии со цел да не се повторат сцените од крајот на минатиот и почетокот на овој месец. Министерката за финансии Нина Ангеловска, денес на прес конференција за исплата на субвенциите за тутунопроизводителите најави дека исплатата на пензиите е планирана за последната недела од април и за таа цел се прават подготовки да се систематизира и дисперзира.

Денес на прес конференција во Владата беше соопштено дека субвенциите за над 19 илајди тутнопроизводители во вкупен износ од 30 милиони евра, ќе се исплаќаат од понеделник за имателите на платежни картички, а другите, околу 50 отсто кои немааата картиќки, парите ќе можат да ги подигнуваат поделени во четири групи, од вторник до петок според првата буква од презимето.

Ангеловска не прецизира дали истиот модел ќе се примени и кај пензионерите, или пак, како што е поизвесно, според висината на пензијата, но нагласи дека станува збор за многу поголем износ на средства и за 20 пати поголем број на граѓани отколку кај исплатата на субвенциите.

-Оваа поголема исплата е планирана за последната недела од месец април и исто така ќе се систематизира и дисперзира за да не се прават толпи и да не се загрозува здравјето на граѓаните. Ќе посочам дека ваквото организирање е неопходно и воедно добар пример дека ако пристапиме системски и координирано кон ситуацијата можеме да најдеме соодветни решенија коишто ќе го земат предвид, пред се, грижата за здравјето на граѓаните. Најважно е да го заштитиме здравјето и да се избегнат ризиците, рече Ангеловска.

Министерката дополни дека оваа криза не научи на многу нешта, а воедно можеби ќе придонесе и да промениме дел од долгогодишните навики кон подобри и посовремени.

„Плаќањето со картичка е многу побезбедно отколку со банкноти“, рече Ангеловска, порачувајќи да не се користи готовина. 

Од почетокот на годинава па до 15 април повратот на ДДВ кон фирмите е зголемен за 20 проценти, односно за 20 милиони евра, објави министерката за финансии Нина Ангеловска. 

Само во првата половина на овој месец, април, повратот на ДДВ е зголемен за 65 отсто во однос на истиот период лани. 

„Ова доволно говори за посветеноста на Владата да му помогне и да внесе ликвидност во стопанството“, нагласи Ангеловска.

Wizz Air, најголемата ниско-буџетна авиокомпанија во Централна  и Источна Европа, денес најави дека како резултат на продолжените рестрикции за патување наменети за сите странски летови од и до Република Северна Македонија, авиокомпанијата ја продолжува суспензијата на сите летови до земјата до 16ти Мај. 

Патниците со резервирани билети погодени од овие суспендирани летови кои ги направиле резервациите директно на wizzair.com или на мобилната апликација на авиокомпанијата, ќе бидат автоматски известени преку електронска порака. 120% од целата сума ќе им бидe автоматски префрлена на Wizz сметката на корисникот, и истите ќе можат да ги искористат во текот на наредните 24 месеци за купување на сите производи и услуги на Wizz Air. Патниците исто така можат да одберат опција за враќање на парите – за која треба подолго време да се реализира – и ќе бидат информирани за сите потребни чекори за трансфер на парите преку банка или преку картичка во посебна електронска порака. Во овој случај, патниците ќе можат да изберат 100% поврат на сумата. Патниците кои направиле резервација преку туристички агенции – вклучувајќи ги и онлајн туристичките агенции – треба да ја контактираат компанијата преку која ги купиле своите билети.

Wizz Air искрено се извинува за непријатностите со кои патниците се соочуваат како резултат на забраните за патување и ги уверува своите патници дека сигурноста и добро-состојбата на патниците и екипажот останува нивен приоритет.

За Wizz Air

Wizz Air, најголемата ниско-буџетна авиокомпанија во Централна и Источна Европа, работи со флота од 121 Airbus A320 и A321 авиони, е една од најмладите авионски флоти во светот и нуди повеќе од 710 рути од 25 бази, поврзувајќи 154 дестинации низ 45 држави. Тим од професионалци се задолжени за беспрекорна услуга и многу ниски цени, што го прави Wizz Air да биде првиот избор на 40 милиони патници во последните 12 месеци. 

Тагови: Wizz Air авио сообраќај