Државата ги ослободува компаниите од плаќање на износот на аконтациите на данокот на личен доход, како и аконтациите на данокот на добивка за март, април и мај оваа година, информираше директорката на Управата за јавни приходи, Сања Лукаревска на денешната прес-конференција.

Двете ослободувања како мерки се донесени со владина Уредба со законска сила во време на вонредна состојба поради корона-кризата.

Ослободувањето се однесува на правните лица кои вршат угостителска дејност, туризам или транспорт, како и други обврзници кои имаат претрпено штети поради спроведувањето на мерките за заштита од коронавирусот.

Да не исплатуваат дивиденда на сопствениците, награда за деловна успешност или друг вид на годишна награда на вработените или на органите на управување или надзор на даничниот обврзник од денот на стапување на сила на уредбата со законска сила до денот на траењето на ослободувањето, односно 15 јуни 2020г. Исто така да не го намалат бројот на вработени сметано до 26 март до три месеци по престанувањето на најзината важност освен во случаите на смрт, пензионирање или отказ од страна на вработените.,се дел од условите кои ги наброја Лукаревска, а кои треба да ги исполнат обврзниците за да ја искористат оваа мерка.

Даночните обврзници за искористување на ова право потребно е електронски да поднесат барање преку системот е-даноци на УЈП. Барањата автоматски се обработуваат, а обврзникот добива повратна порака како одговор на барањето.

УЈП

Речиси 32.000 симнувања има апликацијата #StopKorona. На свјот ФБ профил, министерот за здравство Венко Филипче вели дека на овој начин се помага за да се спречи ширењето на вирусот и се заблагодари на сите што ја симнале.

Апликацијата може да ја преземете на линкот: https://stop.koronavirus.gov.mk/

Живееме и работиме во вонредни услови кои се предизвик за секој од нас. Но, кризата предизвикана од COVID-19 несомнено најмногу влијае на компаниите. Сега, повеќе од кога било имаат потреба од користење на дигитални технологии како за да се забрза нивниот раст така и за да се иновираат процесите, производите и услугите. Охрабрува фактот што дури 63,3 отсто од компаниите на нашите простори сметаат дека дигитализацијата претставува можност за унапредување на нивниот начин на работа.

Во овие моменти кога сме сите дома и професионалните обврски ги завршуваме преку дигиталните алатки за комуникација, зголемена е потребата од видео конференциски услуги кои се пред се безбедни. Исто така во време кога бизнисите се соочуваат со оптеретеност на нивните веб страници и веб апликации кои ги нудат, според последните податоци за 1500 % споредено со претходно, потребни се сервери со голем капацитет.

Потребата од ИКТ услуги во бизнис сегментот ја препознава и А1 Македонија која во оваа предизвикувачка економска ситуација во која се наоѓа нашата земја, на сите деловни корисници кои ќе склучат нови договори, им овозможува промотивно бесплатно користење на cloud услуги до 30.06.2020 година.

Имено, сите корисници до 30.06.2020 може бесплатно да ја користат услугата за професионална видео конференција на „eyeson“ која овозможува безбедност при користењето, бидејќи податоците што ги пренесувате или споделувате во текот на повикот се заштитени согласно строгите европски закони за заштита на приватноста. Комуницирањето е безбедно, се избегнуваат состаноци во живо и на овој начин се придонесува кон јавното здравје и заштита од COVID-19.

Компаниите пак кои се соочуваат со капацитативни проблеми на нивните сервери, може да ја искористат и промоцијата со 100% попуст на месечната претплата за хардверски ресурси на А1 виртуелните приватни сервери (IaaS) и европската cloud платформа Exoscale (со локација во Минхен) како би обезбедиле континуитет во работата без да впуштање во нови инвестициски трошоци за хардвер. Исто така, компаниите кои имаaт потреба од масовно испраќање на SMS за да останат во контакт со своите клиенти, можат да потпишат договор за користење на SMS модул од услугата Cloud messaging на А1 и да добијат 100% попуст на месечната претплата.

А1 Македонија постојано ја збогатува понудата за деловните корисници со решенија кои значат уште поедноставно и поефикасно функционирање на бизнисите во вонредни услови.

Се запираат постапките за пензионирање на здравствените работници додека трае вонредната состојба.

Ваква одлука донесе денеска Владата на седница. 

На предлог на Министерството за здравство денеска Владата ја усвои и Уредбата за дополнување на Уредбата со законска сила за примена на Законот за здравствена заштита за време на вонредна состојба, со која се уредува престанокот на вработувањето по сила на закон, со престанок на Договорот за вработување или Договорот за продолжување на вработувањето на здравствен работник односно здравствен соработник, поради возраст, се одложува за време на траењето на вонредната состојба, во случај на стекнување право на старосна пензија, кога ќе наполни 64 години за маж, односно 62 години за жена согласно Законот за пензиско и инвалидско осигурување за време на вонредна состојба, или кога ќе наполни 64 години, односно кога со писмена изјава до работодавачот побарал да му се продолжи договорот за вработување најмногу до 67 години возраст согласно Законот за работните односи, соопштија од Владата.

Постапките за престанок на договор за вработување или договор за продолжување на вработувањето на здравствен работник, односно здравствениот соработник, поради возраст, се одложуваат.