Согласно Уредбата донесена од Владата, како мерка за превенција од COVID -19 објавена во Службен весник бр.80/2020,се овозможува издавање на месечни сметки во електронска форма, сé со цел да се намали користењето на сметки во хартиена форма. На овој начин се зголемува заштитата на јавното здравје и се поттикнува користењето на дигиталните алатки од страна на корисниците, како што се користење на електронска сметка и електронско плаќање од дома без непосреден контакт.

А1 Македонија ги известува корисниците дека месечните сметки отсега ќе бидат доставувани по електронски пат.

Сите приватни корисници на А1, кои досега ја немаат активирано услугата Е-сметка, ќе добијат известување преку СМС порака која ќе содржи активен линк, од каде корисниците ќе можат бесплатно да ја преземат својата месечна сметка.  

На деловните корисници сметките ќе им бидат испратени електронски на нивната е-мејл адреса, односно преку услугата Е-сметка.

Со електронското доставување на месечните сметки, корисниците веднаш и навремено ќе имаат пристап до своите сметки во PDF формат, што придонесува кон зачувување на јавното здравје и превенција од COVID-19, како и зачувување на животната средина.

Електронското плаќање на сметките е достапно преку официјалната страница www.a1.mk и преку апликацијата Мојот А1, каде корисниците лесно, брзо и безбедно може да ги платат своите сметки и услуги од А1, со платежна картичка и во секое време.

Корисниците кои веќе ја имаат активирано услугата Е–сметка ќе продолжат да ги добиваат месечните сметки на истиот начин и во истиот формат како и досега.

Со приемот на електронските сметки, корисниците ги задржуваат истите права и обрски како и претходно.

Доколку корисниците сепак сакаат да продолжат да ги добиваат месечните сметки во хартиена форма, потребно е да се јават на бесплатниот број 1278, во рок од 10 дена по добивањето на СМС пораката за електронската сметка.

Повеќе информации можете да најдете на www.a1.mk или со јавување во Контакт центар на 077 1234.

Со вториот пакет мерки на Владата насочени кон надминување и ублажување на последиците од здравствено-економската криза, покрај заштита на работните места, една од клучните мерки е и паричната помош на лицата и семејствата на кои таа им е потребна, изјави денеска заменик министерот за труд и социјална политика, Ѓонул Бајрактар на заедничката прес-конференција во Владата со дополнителната заменик министерка Санела Шкријељ.

– Владата покажува темелен пристап, кон потребите на различните општетствени сегменти затоа што брзината на закрепнувањето по кризата зависи од мерките преземени за време на кризата. Затоа со вториот пакет мерки, покрај заштита на работните места, една од клучните мерки е и паричната помош на лицата и семејствата на кои таа им е потребна. Конкретно на лицата кои останеле без работа или биле дел од неформалната економија им овозможуваме брз влез во системот на социјална заштита преку остварување на правото на минимална гарантирана помош. За да ја добијат оваа помош материјалната необезбедност на лицата ќе се утврдува врз основа на вкупната просечна висина на сите приходи на сите членови на домаќинството, по сите основи сметано од последниот месец наместо досегашните три месеци. Мерката ќе трае два месеца – април и мај, рече заменик министерот Бајрактар.

На ваков начин, според него, се покажува дека системот на социјална заштита е така дизајниран што лесно се прилагодува на потребите на граѓаните, стигнува до оние на кои помошта им е најпотребна, а најранливите членови на заеднаицата ниту во најекстремни услови не се занемарени.

– Затоа предвидовме уште една мерка за поддршка на постоечките корисници на системот за социјална заштита, со која околу 30.000 лица ќе добијат износ од по 1.000 денари енергетски додаток за април и мај. Целта е домаќинствата во ризик да ги пребродат тешкотиите сега за да има можност кога работните процеси ќе се нормализираат и тие да бидат во состојба да се вклучат во активните програми за вработување на пазарот на трудот, истакна Бајрактар.

Дополнителната заменик министерка Шкријељ, пак, се осврна на мерките за заштита на децата кои се најранливи во вакви кризни состојби, при што нагласи дека за да се олесни пристапот до детските права Владата донесе Уредба со која условот за потврда за редовност за исплата на образовниот додаток за трет и четврти мерен период од учебната 2019/2020, претсанува да важи, а тоа значи дека ова право ќе продолжи да важи и да се исплаќа без разлика што не се одржува редовна настава.

– Целта е да се олесни пристапот на семејстрвата без приходи или со ниски приходи до детски права. Ова значи дека околу 17.000 семејства со деца, односно 17.000 деца ќе го добијат ова право на образовен додаток кое изнесува 700 денари по дете во основно училиште и 1.000 во средно. Со цел да се придржуваме до сите препораки на Владата за спречување на вирусот, продолжуваат и сите рокови за поднесување на барања за остварување или обнова на правата како што се еднократна парична помош за новороденче, барање за остравување или продолжување на родителски додаток за трето и четврто дете и тоа за три месеци од денот на истекот на вонредната состојба, рече Шкријељ.

МТСП, додаде таа, секојдневно комуницира со своите корисиници и токму затоа во изминатите период се поделени над 600 пакети со хигиенски продукти за семејствата во субстандардни услови, на што ќе продолжат да работат со подршка на партнерите од агенците на ОН.

На барање на лицата со попреченост се напарави дополнителни ослободувања на слепите лица, лицата кои имаат потреба од придружник на работното место и лицата кои се движат со количка, а со партнерите од ОН, МТСП работи на воспоставување сервис за лицата со попреченост токму на нивно барање.

Заменик министерот за труд и социјална политика Бајрактар ги повика жителите на Шуто Оризари, кои досега не аплицирале за социјална помош, да го сторат тоа, бидејќи со Уредбата на Владата се овозможува тие кои не се внесени во системот Корисник плус, да бидат внесени и да бидат опфатени со гарантирана минимална помош и со енергетскиот додадок.

– Затоа ја донесовме оваа Уредба, за да влезат во системот. Ги повикуваме да аплицираат да им помогнеме, рече заменик министерот за труд и социјална политика Ѓонул Бајрактар.

Градоначалникот на Скопје, Петре Шилегов на денешната прес-конференција ги соопшти конкретните мерки што ги презема Градот Скопје во интерес на полесно надминување на економските последици од пандемијата со коронавирусот за сите граѓани во земјава.

– Град Скопје нема ново задолжување во 2019 година, ниту пак користи дел од средствата кои биле префрлени како непотрошени од претходната 2018 година, напротив имаме кумулирано дополнителен вишок на приходи во износ од 364.424.419 денари – истакна Шилегов.

Тој додава дека за таа цел ја спуштаат комуналната такса за закуп на јавен простор од 15 на 5 денари по квадрат, (колкава што е минималната цена дозволена со закон) за цела 2020 година;

„Ја намалуваме фирмарината за стопанските субјекти од 7.000 на 4.000 денари за 2020 (што исто така е законски минимум);го откажуваме кредитот за изградбата на новиот Луна Парк; подигнуваме нов кредит на иста вредност за изградба и реконструкција на улици и друга инфраструктура (која ја работат домашните компании);комуналите ќе можат да се плаќаат на 18 наместо на 12 месечни рати (ова се однесува за градби со комуналии чиј износ надминува 1 милион евра) – рече Шилегов.

Парите ќе ви бидат исплатени и покрај кризата и вонредната состојба.

Не се разговара за целосно укинување или стопирање на проектот Мој ДДВ, сите граѓани што скенирале сметки ќе си ги добијат назад средствата, порача денеска министерката за финансии Нина Ангеловска.

-Пристигнаа доста предлози од граѓани што велеа дека треба да покажеме и ние солидарност и да се откажеме од овој дел, меѓутоа мотото на проектот е „Пари назад кај граѓаните“ што значи дека тоа се пари на граѓаните што скенирале сметки и сега треба да ги добијат назад. Доколку пристигнат повеќе предлози и доколу граѓаните сметаат дека треба овие средства да се насочат во други мерки или во солидарниот фонд, кој ќе биде отворен, секако за тоа можеме да разговараме, рече Ангеловска во одговор на прашање на денешната прес-конференција.

Најави дека се што пристигнува како предлог, забелешка, критика и сугестија ќе биде разгледано од економскиот тим во Владата и ќе се преземаат соодветни мерки кои, како што рече, се најдобри за земјата и за сите граѓани.

-Имаше одредени предлози, што сметам дека се уште посоодветни за да може секој граѓанин да ја прикаже својата солидарност, во кои се бара самата апликација да му даде можност на граѓанинот доколку сака овие средства да ги донира во солидарен фонд. Ќе ја разгледаме и таа опција, посочи Ангеловска.

Мерката МојДДВ почна од 1 јули 2019. Досега кон граѓаните е направен поврат на средства за првото тримесечје од јули до септември и за второто од октомври до декември. Вчера заврши третото тримесечје што го опфаќа периодот јануари-март.

Тагови: Мој ДДВ