Продолжува голготата низ институциите на 59 годишниот Бане Најдовски од Ајватовци кој неколкупати го одбиваат за инвалидска пензија. Неговото семејство бара помош од Министерството за труд и социјална политика и денеска доставиле претставка адресирана лично до Мила Царовска.

Покрај решенија од ПИОМ дека Бане и покрај деменција, неколку прележани мозочни удари и дијабет е работоспособен, во документацијата до министерката има и нови медицински извештаи од специјалисти за неговата здравствена состојба.

-Претставката за овој предмет е стигната и ќе биде разгледана. Во вакви случаи, МТСП бара од Фондот да одговори за наводите во претставката или бара од Фондот да изврши увид во предметот, по што лицето ќе добие одговор со конкретни насоки и препораки за понатамошно постапување во остварување на правото за пензија, велат од Министерството.

Овие денови претставка до Министерството за труд и социјала најави и 52 годишниот Ацо Јовановски од Скопје, кој трипати го одбиваат за инвалидска пензија иако има тешки последици по прележан мозочен удар во 2013 година. Во меѓувреме, Јовановски го чека и одговорот од Управниот суд до кого поднесе тужба поради тврдењето на Комисијата дека е работоспособен и покрај медицинските извештаи за неговото отежнато движење.

Во меѓувреме никако да добиеме одговор од Фондот за пензиско и инвалидско осигурување и покрај неколкуте прашања поставени изминатите денови – Што предвидува правилникот според кој работат лекарите во Комисијата, во каква здравствена состојба треба да биде пациент за да добие инвалидска пензија и колкав е буџетот на годишно ниво за овие пензии.

Вкупниот број на укинати работни места што ги објавија банките во 2019 година се искачи на скоро 60.000, јави Блумберг.

Најновите информации доаѓаат од „Комерцбанк“, во кои се вели дека планираат да намалат 4.500 работни места како резултат на напорите за реструктуирање, што започна пред три години.
Тоа носи вкупен број од 58.200 намалени работни места во банкарскиот сектор, нагласува Блумберг.
Околу 90 отсто од тие позиции се укинати во Европа, каде економијата забавува и банките се борат со негативни каматни стапки. Дојче банка, ХСБЦ и Сантандер исто така укинаа илјадници работни места низ целиот континент.
Германските банки се во најлоша состојба и најавија најголеми намалувања на работните места досега. Дојче Банк е на врвот на списокот, објавувајќи во јули дека ќе намали 18.000 работни места до 2022 година, како дел од реструктуирање на банка од 8,3 милијарди американски долари.
Банките во Шпанија, Велика Британија и Франција, исто така, намалија работни места за да ја зголемат профитабилноста. Потребата да се зголемат профитите доаѓа од глобално ниските каматни стапки, дизајнирани да го катализираат обележувањето на економскиот раст. Трговската војна меѓу САД и Кина е одговорна исто така за голем дел од тоа забавување.
Во меѓувреме, американските банки оставруваат бизнис успеси на сметка на европските. Џеј-Пи Морган стекна милијарди долари имот од хеџ фондови кои претходно беа во сопственост на Дојче банк.  Морган Стенли, Голдман Сакс, Банк оф Америка и Ситигруп исто така стекнаа милијарди долари.

Англискиот„ London Economic“ изјавил дека  запленетите биткоини (BTC) вредни пола милион фунти стерлинзи, ќе ги продава британската полиција на аукција.

Како што известуваат, средствата се одземени од криминалците кој ги понудиле своите услуги за хакирање во замена за биткоините и незаконско крадење и продавање на лични податоци. Аукциската продажба е прва ваква од овој вид во кој одземените криптовалути се продаваат во име на владата на Соединетото Кралство, се наведува во извештајот.

Покрај биткоинот, полицијата го продава имотот кој припаѓа на криминалците, вклучувајќи автомобили, дијамантски накит и луксузен часовник Ролекс.

Аукцијата со која управува ирската аукциска куќа Wilsons Auctions, започнува денеска и ќе заврши утре.

Како што е порано објавено, аукциската куќа Wilsons Auctions во март продала преку 400.000 долари запленети биткоини и други криптовалути во име на белгиската влада.

Соединетите Држави биле правата држава која започнала организирање на аукции за продажба кои се незаконско стекнати криптовалути, коои власта ги запленила во 2014-та година, а биткоините се конфискувани од пазарот на Силк Роуд.

Америкаснкиот инвеститор Тим Дрејпер победил на аукцијата на Силк Роуд во 2014-та година за 29.656 запленети биткоини, како што тогаш било објавено.

Десет електрични тротинет со вкупна вредност од 217 илјади денари деновиве набави градот Скопје. Договорот за набавка склучен со штипската фирма Хамачи е објавен на електронскиот систем за јавни набавки.

Техничката спецификација прикачена во прилог на договорот покажува дека градот Скопје се одлучил да набави тротинети со номинална моќност од 400w, а максимална моќност од 800w. Максималната брзина која ќе ја развиваат тротинетите е 30 километри на час.

Според најавите тие ќе бидат  ставен во функција на градската администрација. Носителот на набавката е должен во рок од 30 дена од склучување на договорот да ги достави тротинетите.