Понеделник, вториот ден на Велигден според православниот календар е неработен ден за сите граѓани на Република Северна Македонија.

Министерството за труд и социјална политика, соопштува дека согласно со Законот за празниците на РМ („Службен весник на РМ„ бр.21/98 и 18/07), 29 април 2019 година (понеделник), Велигден, вториот ден на Велигден според православниот календар е неработен ден за сите граѓани на Република Северна Македонија.

Истовремено, Министерството за труд и социјална политика, на граѓаните од православна вероисповед во Република Северна Македонија им го честита големиот христијански празник Велигден.

За 5 години ИТ секторот ќе се соочи со недостиг од квалитетен наставен кадар, алармираат од Здружението на студенти по електротехника. Веќе подолго време оваа индустрија се соочува со сериозен недостиг од стручен кадар и покрај фактот што професијата е меѓу најдоходовните. Последните податоци покажуваат дека просечната плата во образованието изнесува околу 24.100 денари, додека во ИТ секторот надминува 56.000 денари. Од Здружението велат дека токму тоа е причината квалитетните професори да преминат во приватниот сектор.

“Зошто некој професор во средно училиште би земал плата слична на платата на другите професори, а не слична на ИТ секторот? Ако знае да програмира најверојатно може да се вработи за дупла плата во приватниот сектор. И тоа ќе предизвика проблеми во средното образование, а тоа понатака ќе се рефлектира на целокупната индустрија бидејќи ниското ниво на кадарот во средното образование дефинитивно ќе значи симнување на нивото на факултетите бидејќи факултетите може да работат со тој кадар што го добиваат, не може да ги научат дупло во скратено време. За жал, тоа ќе се рефлектира и во индустријата. Мора да размислиме стратегиски во таа насока за да немаме проблеми за 5 години од сега”, вели Стефан Митески од Здружението на студенти по електротехника.

Податоците покажуваат дека на годишно ниво поголем е бројот на новоотворени ИТ компании отколку дипломирани студенти од техничкиот кампус. Од Здружението алармираат дека, пред сè, треба да се зголеми капацитетот на самите факултети. А дополнително, државата треба да најде системско решение за да ги спречи ваквите појави на пазарот на труд во иднина.

“Мислам дека треба за ИТ професионалците во јавната администрација да се размисли дали да се напушти идеата за систематизација што важи за другите вработени и да се размисли да се следи пазарот. ИТ индустријата е таква гранка која што е многу подоходовна од другите. Доколку тоа се случи во хемиската индустрија за 15 години веројатно треба да се следи и таму. Меѓутоа, во овој момент ова е ситуацијата”, вели Стефан Митески од Здружението на студенти по електротехника.

Во моментов ИKТ секторот во земјава вработува околу 13.000 лица.

Богатите луѓе во светот, со над 1 милион долари на своето конто, се и оние луѓе кои најчесто  ги напуштаат своите домови од сопствената земја и емигрираат во други држави.

Постојат повеќе причини за овие преселби. Некои од нив се преселуваат надвор од своите држави поради високите даноци, други пак за поголем спокој.

Анализите на Glоbаl Wеаlth Міgrаtіоn покажуваат зголемен број на емиграција на побогатите луѓе во светот, пишуваат бугарските медиуми.

За никого не е тајна дека во Азија, конкретно во Кина се создаваат најмногу нови богаташи во последните дваесет години. Меѓутоа, исто така од оваа азиска земја според анализата, голем е и бројот на милионери кои одлучиле да се преселат да живеат во сосема друга држава.

За 2018 година, повеќе од 150 000 богати кинези емигрирале, што претставува 2 проценти од богатите луѓе во Кина.

Високото прво место на емигрирани луѓе со над милион долари на својата сметка се Турците. 10 % од богатите во Турција минатата 2018 година одлучиле да емигрираат и да се преселат во некоја друга земја.

На второ место се русите. Минатата година 7000 руси или 6 % од богатите луѓе во најголемата држава во светот се имаат преселено во друга земја. На трето место според анализата се наоѓа Индија со 5000 луѓе или 2 отсто од жителите на Индија кои имаат повеќе од милион долари на своето конто, одбрале друга држава за да живеење.

Во топ десет земји од кои емигрираат богатите се и Франција, Велика Британија, Бразил, Саудиска арабија и Индонезија.

Анализата покажала и дека „магнет дестинација“ за емигрантите е Австралија, потоа САД, Канада, а додека од Европските земји најпривлечни за богатите луѓе кои емигрираат се Швајцарија, Португалија, Шпанија и Грција.

Фото Pochivka.blitz.bg

Во последните неколку години невладиниот сектор, но и државните статистики и истражувања покажуваат дека иако за исто сработена работа и исти одработени работни часови мажите се платениповеќе од жените во државава.

Иако работат исто трудот на дамите се вреднува помалку во однос на мажите, и тоа цели 18 % помалку, пишува неделната анализа на порталот Portalb.mk.

Според државната статистика од вкупниот број на работници во земјава 60,8% се мажи, а 39,2% се жени.

Од спроведената анализа загрижувачки е фактот што само 1 % од вработените жени во земјава земаат плата поголема од 40.000 денари. Податоците во анализата покажуваат дека вработни мажи коишто земаат плата повисока од 40 000 денари во Македонија се дупло побројни, т.е 2,1 %.

Исто така е поголем бројот на мажи во државата и како работодавачи, односно мажите имаат повеќе сопствени фирми од жените, или 1300 фирми односно околу 19,5% се компании на жени, а останатите 81% на сопствени фирми во Македонија се на мажи.

Разликите во платите можат да се забележат и за исти позиции и за исти сектори, говорат податоците на меѓународната организација на трудот. Стереотипите и конзервативните размислувања за улогата на жената во опшетството се уште се сметаат за главна причина, покажале истражувањата на граѓанскиот сектор.
Секторски, жените доминираат во образованието, администрацијата, финансиските дејности, здравствената и социјална заштита, преработувачката индустрија.

Анализа на Portalb.mk