Управата за јавни приходи од први април, па сè до крајот на месецов, ќе ги доставува претпополнетите годишни даночни пријави. Даночните обврзници кои оствариле дополнителни приходи во текот на минатата година ќе имаат рок до крајот на мај да ја потврдат или коригираат пресметката.

Откако ќе добијат електронско известување дека годишната даночна пријава е пополнета од страна на УЈП, корисниците треба да влезат во својот профил што веќе го креирале во електронскиот систем за да ја проверат својата пресметка.

Доколку даночниот обврзник иманекои корекции, постои можност да ги коригира директно на самата претпополнета годишна даночна пријава. Таму постојат полиња каде што ќе ги запипат тие корекции, ќе ја достават до УЈП и потоа нашите служби ќе ја утврдат фактичката состојба и ќе донесат решение за даночниот обврзник. Доколку нема никаков одговор од даночниот обврзник до 31-ви мај, пријавата ќе се смета за потврдена. Значи, сите даночни обврзници ќе мора да ја отворат претпополнетата даночна пријава, да видат дали е сè во ред и да потврдат, објаснува Михајло Михаилов, раководител на контакт центар во Управата за јавни приходи.

Од УЈП не очекуваат проблеми со оглед на тоа што ова е нов начин на пресметка на годишните даночни пријави. Сепак, доколку се случи некој корисник да не добие такво известување до крајот на месецов, треба да пријави во Управата.

Доколку, пак, не ја добијат претпополнетата годишна даночна пријава, ќе се обратат до УЈП, ќе видиме каде настанал проблемот и ќе се отстранат тие грешки, вели Михајло Михаилов, раководител на контакт центар во Управата за јавни приходи.

Во електронскиот систем се регистрирале околу 700.000 граѓани кои лани оствариле дополнителни приходи.

Тагови: УЈП

Само 26 од 100 жители во Македонија се вработени, од кои 18 во приватниот, а 8 во државниот сектор. Тие 18 луѓе треба да заработат за плати, даноци и сите услуги за останатите 82 пензионери, деца, невработени, администрација и оние што се неактивни на пазарот на труд, покажуваат податоците на Светската банка.

Да се подобри ефикасноста на јавните трошења, да се зајакне продуктивноста, која е најниска во регионот, да се бараат различни начини за пристап до пари, да се инвестира во човечкиот капитал, да се подобри ефикасноста на трошењата во здравството, образованието и социјалата, а младите, жените и малцинствата повеќе да се вклучат во пазарот на труд за економскиот раст да биде инклузивен, односно да опфати што е можно повеќе луѓе за да биде одржлив, препорачува Светската банка.

Според нивните проценки, економскиот раст во Македонија годинава ќе биде 2,9 отсто, а догодина треба да биде 3,2 отсто.

Сања Маџаревиќ Шуистер од Светската банка вели дека има потреба за забрзување на растот, но во исто време да се не се зголемува долгот. Таа посочува дека просечниот работник во Македонија губи меѓу 25 и 30 години од продуктивниот работен век во невработеност или неактивност.

„На секои 100 луѓе кои живеат во земјата, само 26 се вработени. Од тие 26, упростено кажано, 8 работат во јавниот сектор и 18 во приватниот сектор. Тоа е екстремно голема зависност. Многу малку луѓе вистински заработуваат за плати и за даноци и се грижат за услугите за неактивните и за останатите невработени и ранливи категории“, вели таа.

На тие 26 луѓе сепак треба да се додадат и самовработените и неплатените домашни работници.

Светската банка очекува економскиот раст годинава да биде 2,9 отсто, а догодина да порасне на 3,2 отсто, а невработеноста годинава да биде 19,4 за догодина да се намали на 18 проценти. Буџетскиот дефицит е намален, но Светската банка очекува јавниот долг да се зголеми до 54,4 проценти од БДП во 2020 година. Платите растат главно под притисок на зголемувањето на минималната плата во трудово интензивните дејности.

Бојан Шимбов од Светска банка вели дека ова сценарио за раст е проследено со ризици, како што се забавениот раст во ЕУ, трговските војни во светот и политичката нестабилност во регионот. Влегувањето на НАТО и отворањето на преговори со ЕУ позитивно би влијаеле на структурните реформи во земјата, но изборните циклуси негативно се одразуваат на економијата, вели тој.

„Во овој период којшто следи треба да се искористи обновената политичка стабилност во земјата за интензивирање на структурните реформи и забрзување на конверзијата кон ЕУ“, вели Шимбов.

Светската банка смета дека се потребни сериозни анализи за тоа дели е можно уште едно покачување на минималната плата, со оглед на тоа што продуктивноста не е зголемена.

FASHION BRAND има потреба од АСИСТЕНТИ ЗА ПРОДАЖБА во салон за текстил во PALMA MALL - Тетово. Повеќе: https://kariera.mk/job/ZyqjbLVGcUeNMuWabzSUsg/asistent-za-prodazhba-fashion-brand-tetovo

Доколку имате познавања од Adobe пакетот програми и останати дизајнерски алатки, аплицирајте за ГРАФИЧКИ ДИЗАЈНЕР во ОПТИМУМ КРЕАТИВ СОЛУШНС. Повеќе: https://kariera.mk/job/zTcfjFUwoU2skZkcLNPM8Q/grafichki-dizajner

ДЕНИ ИНТЕРНАЦИОНАЛ имаат потреба од работници за повеќе работни места (ЕКОНОМИСТ, ВОДОИНСТАЛАТЕР, ВОЗАЧИ...). Повеќе: https://kariera.mk/company/bMpKpCuuzEayEcrjE95_ww/dmtsh-deni-internacional

Високо квалитетна,професионална и динамична компанија за мебел ТЕЛЕСЕТ, бара МОНТЕР НА МЕБЕЛ: https://kariera.mk/job/kLJSY-xQg0WtxHTw9xuh2w/monter-na-mebel

МЛАДИНСКА КНИГА вработува АГЕНТИ ВО ТЕЛЕФОНСКО СТУДИО: https://kariera.mk/job/vamOyvCeaUS81t1Zw7JxOQ/mladinska-kniga-vrabotuva-agenti-vo-telefonsko-studio

Универзитетска диплома од техничките науки - машински, електро или техничко-технолошки факултет: https://kariera.mk/job/Io3rjWyQNE6_Sv4fXMFiIQ/menadjer-za-logistika

Најпопуларната криптовалута се зголемува за 13,45% на 4.678,37 долари кратко предпладне, според „Coin Desk“.

Цената на биткоинот се зголеми изненадувачки денеска на највисоко ниво од ноември, што доведе до зголемување на вредноста на криптовалутите, објави „Bloomberg“. Ова става крај на кварталниот мир на виртуелниот девизен пазар, кој моментално вреди 160 милијарди долари.

Трејдерите се обидуваат да ја наведат причината за поскапувањето што го испрати биткоинот накратко над границата од 5.000 долари и зголеми вредноста на дигиталните валути со околу 17 милијарди долари за помалку од еден час. Најпопуларната криптовалута се зголемува за 13,45% на 4.678,37 долари кратко предпладне, според „Coin Desk“.

Рипл, етериум и лајткоин исто така забележија зголемување на цената, а движење во нагорна насока забележаа и акциите на компании во Азија, кои се поврзани со криптовалутите.

Иако ненадејната промена во цената на биткоинот не е нешто ново, движењата на виртуелната валута се релативно депресивни во оваа година. Причината е 74% од падот што го погоди биткоинот во минатата година и обесхрабрувањето на инвеститорите дека валутата не може да биде широко прифатена.

„Пазарот на биткоини и воопшто крипто-пазарот продолжува да биде мал во споредба со останатите пазари“, коментира Џехан Чу, управен директор во блокчејн инвестициската и консултантска компанија „Kenetic Capital“. Според него, ништо посебно не се случува денес, освен привремениот ентузијазам.

Џорџ Харап, извршениот директор на „Bitspark“, смета дека сѐ уште нема катализатор за ненадеен скок во цената и секој би можел да претпостави што е причината.