По вчерашното благо намалување, денеска нов скок на цената на суровата нафта на светските берзи. Во моментов барел северноморска нафта од типот „брент“ на берзата во Лондон се продава за 81,4 долари за барел. 

Цената ја проби границата од 80 долари уште во понеделникот со скок од над 2 долари во само 1 ден тргување.  Цените се највисоки во последните 4 години.

Минатиот понеделник кога регулаторот ја определи максималната малопродажна цена, барел нафта чинеше 77,2 долари во просек во претходните 2 недели. 
На пресметката во понеделник извесно е дека просекот ќе биде околу 80 долари за барел, што е за околу 3 долари повеќе.
Минатиот понеделник, кога просечната цена нафтата скокна за 2,7 долари по барел, во Македонија 98 октанскиот супер немаше промени во цената и остана на 74 денари. За половина денар поскапи 95 октанскиот супер и сега чини 72,5 денари за литар.
Најголемо поскапување имаше кај дизелот чија цена се зголеми за 1,5 денари по литар и сега се точи за 66 денари.
За очекување е во овие рамки да се движи и поскапувањето идниот понеделник, доколку нема посериозни промени на цената на нафтата на светските берзи.

А бројни експерти на меѓународните фондови предупредуваат за можноста за нова нафтена криза. Според нив, актуелните политички случувања и тензиите меѓу крупните играчи на светските пазари можат повторно да ја зголемат цената на нафтата на над 100 долари за барел, што ќе значи вистински ценовен шок за граѓаните и многу повисоки цени во малопродажба.

Грчката авиокомпанија „Ејџиан“ од 1 ноември повторно ќе лета од Атина до Скопје. На сајтот на „Ејџиан“ веќе може да се резервираат карти за летот меѓу двата главни града, а летови ќе има двапати неделно, во вторник и четврток. Со линијата ќе оперира „Олимпик Ер“, фирма ќерка на „Ејџиан“, која лета со помали авиони, каков што е АТР42 на летот Атина-Скопје, со 48 седишта, пишува СДК. 

„Ејџиан“ ја укина линијата Атина-Скопје во 2007 година, откако скопскиот аеродром беше преименуван во „Александар Велики“.

Македонската влада во февруари донесе одлука да го преименува скопскиот аеродром „Александар Велики“ во Меѓународен аеродром Скопје. Тогаш беше сменето и името на автопатот „Александар Македонски“ во „Пријателство“.

Согласно Законот за празници на Република Македонија, 28 септември (петок), Меѓународниот ден на Бошњаците е неработен ден за граѓаните припадници на бошњачката заедница во Македонија, соопшти Министерството за труд и социјална политика.

Министерството, на припадници на бошњачката заедница во Македонија им го честита Меѓународниот ден на Бошњаците.

Ова се сите неработни денови кои преостануваат до крајот на годината:

Програма на неработни денови за 2018 година

Согласно со Законот за празниците на Република Македонија во 2018 година неработни денови се:

За сите граѓани на РМ

• 11 октомври (четврток), Ден на народното востание,
• 23 октомври (вторник), Ден на Македонската Револуционерна Борба,
• 8 декември (сабота), “Св. Климент Охридски”

За граѓаните од католичка вероисповед

• 01 ноември (четврток), Празникот на сите светци
• 25 декември (вторник), првиот ден на Божик

За граѓаните припадници на албанската заедница во РМ

• 22 ноември (четврток), Ден на Албанската азбука

За граѓаните припадници на турската заедница во РМ

• 21 декември (петок), Ден на настава на турски јазик

Чести се пријателствата на родителите и наствниците на социјалната мрежа Фејсбук. Додека едните го одборуваат овој потег, другите наствници и професори сметаат дека приватниот живот треба да остане само за одреден круг луѓе, а родителите може да се информираат за своите деца ако дојдат во училиште.

Родителите и наставниците треба заеднички да соработуваат за доброто на дечињата. Јас немам проблем со прифаќање на понудите за пријателства од родителите на моите ученици. Покрај мојот Фејсбук профил има и Вибер група. Денешното време го наметнува овој тренд, па така ако родителот нема време може телефонски или со порка на Фејсбук да ми се обрати, вели Елена.М. учителка во основно училиште.

Таа вели дека ја разбира потребата на родителите за комуникација преку социјалните мрежи.

Нашето работно време почнува во 7:30 часот и е до 17 часот по потреба остануваме и подолго. И јас и сопругот не сме во можност да се сретнеме со наствничката. Комуникација по телефон, вибер и Фејсбук ја гледам како потреба и можност за оние родители кои не можат лично да се сретнат со учителката. Чисто информативно и се обраќам на наствничакат и прашувам како е моето дете, дали има некој проблем..., вели Наташа од Ченто.

Училиштето е местото за разговор помеѓу родителот и ученикот.

Сметам дека секој родител кој се интересира за своето дете треба да дојде во училиште и да си поразговара со професорот и наставникот. Сепак разговорот и комуникацијата во живо е сосема различна. Родителите и онака си имаат Вибер, Фејсбук групи и може да ги пренесуваат битните информации кои наствниците ги испраќаат. Секој треба да си ја почитвуа својата приватност, вели педагогот Зорица.П. од основно училиште.