И оваа година, децата во основното образование ја започнаа со искинатите и уништени учебници од предходната генерација. На социјалните мрежи многубројни се реакциите на родителите кои се жалат на искинатите и уништени учебници кои ги добиле нивните деца.

-Мојот син вчера ги донесе книгите само една е сочувана останатите се парталав, испокинат, пополнет, вели Марија, мајка на четвртооделенец.

Останатите ученици кои немаат добиено книги на часовите цртаат или го повториваат стариот метеријал, пишуваат загрижените родители.

-Решаваат на наствни ливчиња задачи, ќерката веќе трет ден оди само со тетратка и моливче. Останатите часови им се по физичко..

Учебна година започна со повисоки плати за наставниците, корекции во 24 учебници за кои нема прецизирано датум кога ќе стигнат до учениците. 

Но, изостанаа крупните реформи најавени од претходната министерка Дескоска, како и очекуваните нови закони за основно и средно образование.

Поради масовното иселување македонските компании се повеќе се соочуваат со недостигот на работни сила од секаков вид. Бизнисмените го вклучија алармот, велат дека проблемот мора да се решава под итно. 

Има можност да се спречи на национално ниво со тоа што може да се направи одредена национална стратегија, да може да се отворат нашите можности, нашите компании, нашата држава за увезување на потенцијална работна сила, што покасно анализите ќе ни покажат. Бугарија го направи со увоз на претставници на потенцијална работна сила од Индија и Кина. Значи може да го следиме тој чекор.

Македонските компании исто така бараат еднакви услови како и странските инвестиции во ТИРЗ-овите. 

Но за жал засега нема решение за најголемата причина за иселувањето, а тоа е ниската плата, која воопшто не е доволнa за пристоен живот.

Во интервју за Си-Ен-Би-Си, шефот на мобилниот бизнис на Самсунг Ди Џеј Кох открива дека компанијата ќе го претстави својот прв смартфон со дисплеј на преклопување до крајот на годината.

Според него премиерата може да биде во рамките на конференцијата на компанијата во ноември, но засега не е јасно кога ќе започнат реалните продажби, па може да почекаме и до следната година за да го видиме моделот во продавниците.

Студиите на Самсунг покажале дека постои пазар за слични производи, но компанијата ќе се обиде да го диференцира од таблетите. Од интервјуто станува јасно дека развојот на производот е комплициран, но Корејците се речиси завршени со него.

Овој потег доаѓа во услови на сериозен пад на испораки на смартфони на Самсунг во вториот квартал и посилна конкуренција од компании како Епл и Хуавеи.

На 4 септември 1998 година се роди компанијата Гугл чие име секогаш се поврзува со експлозивниот раст на популарноста на Интернетот и начинот на кој глобалната мрежа ги промени нашите животи.

По скромниот почеток во Стенфорд, компанијата стана еден од најголемите успеси на Интернет, но веќе се соочува со многу предизвици како што се зголемувањето на конкуренцијата, загриженоста за приватноста на корисниците и прекумерното потпирање на приходите од реклами.

Се започнува со случајна средба. Студентот од универзитетот во Мичиген Лари Пејџ одлучи да го посети Универзитетот Стенфорд за да провери дали ќе биде примен во престижната школа. Неговиот водич во кампусот на универзитетот е Сергеј Брин, кој во тоа време се обучува во одделот за компјутерски науки. Тие спорат и имаат различни мислења за речиси се, а една година подоцна, додека работат во студентскиот дом, создаваат пребарувач наречен „BackRub“, кој покажува резултати од Интернет сортирани по релевантност.

Потоа пребарувачот е преименуван во „Google“, збор кој доаѓа од терминот googol (математички број, еднаков на 1 со 100 нули). Наскоро Гугл го привлече вниманието на инвеститорите од Силиконската долина кои ја финансираа иницијативата, и така на 4 септември 1998 година, е родена компанијата Гугл.

Сергеј Брин и Лари Пејџ потоа се преселуваа во нивната прва канцеларија – гаражата на Сузан Вохџиски, која сега е извршен директор на Јутјуб. Инаку на почетокот на овој месец, Гугл постигна уште еден јубилеј – прелистувачот Хром наполни 10 години.