Во поголемите градови има поголем број на разводи, додека во дел од малите места во земјава воопшто немало разводи. 

Разведените бракови во второто тримесечје од 2018 година, бележат намалување од 19.4% во споредба со истиот период од 2017 година и изнесува 394 разведени бракови.

Од нив 58 разводи се во Скопје, 20 во Битола, 10 во Врапчиште, 23 во Гостивар, 23 во Кочани, по 8 во Крушево и Кавадарци. 

Во Куманово имало 6 разводи, во Липково, Конче, Зрновци, Могила, Росоман и Чучер Сандево по 1. 

Во наведениот период имало 44 разводи во Тетово, 4 во Теарце, 2 во Студеничани, 19 во Струмица и 11 во Струга, 4 во Свети Николе, 7 во Штип, 3 во Ресен, 17 во Радовиш, 36 во Прилеп, 2 во Петровец, 32 во Охрид, 5 во Ново Село, 6 во Неготино, 3 во Јегуновце, 2 во Илинден, 8 Желино, 5 Долнени, 2 Демир Хисар и 4 Дебарца, Гевгелија 5, Виница 2, Велес 7, Василево 2, Брвеница 3, Богданци 1. Има и рурални општини во земјава каде воопшто немало разводи во вториот квартал. 

Рокот за пријавување првачиња за еднократна парична помош од 3.500 денари што ги доделува Општина Аеродром на првоодделенчињата запишани во основните училишта на нејзината територија е продолжен до 15 септември.

Покрај оваа одлука за продолжување на рокот за пријавување, олеснети се и критериумите, така што е доволна лична карта на само еден од родителите.

Одлуката за доделување по 3.500 денари за првоодделенците првпат е донесена оваа година во Општина Аеродром. За оваа намена, Општината има издвоено околу 2.800.000 денари од сопствениот Буџет за околу 800 првачиња.

Образецот за барањето за доделување еднократна парична помош на семејствата со прваче во учебната 2018/2019 година на подрачјето на Општина Аеродром може да се подигне во Општината или да се симне на линкот http://aerodrom.gov.mk/dokumenti/formulari. Барањата можат да се поднесат во Општина Аеродром секој работен ден од 9 до 15 часот во канцеларија број 19, а исплатата на паричните средства е предвидена за почетокот на учебната година. 

Наплатата за здравствените придонеси е зголемена за речиси 10 отсто во првата половина од 2018-та во однос на истиот период  лани, според кварталната статистика на Управата за јавни приходи, и може слободно да се каже дека е најголем полугодишен раст на ефикасноста во последните години.

Од почетокот на годината до крајот на јуни наплатени се 13.237 милиони денари, додека истиот период лани собрани се 12.094 милиони денари, што е подобро за 9,45%.

Разликата во 1.143 милиони денари може и да ја намали зависноста на Фондот за здравствено осигурување од дополнителните средства од Основниот буџет на РМ.  Во првата половина од 2017-та Фондот за здравствено осигурување работеше со дополнителен трансфер од Основниот буџет на РМ во износ од 2,9 милијарди денари.

Во првите шест месеци поодбрена е наплатата и кај придонеситете за пензиско-инвалидско осигурување за 5,81 отсто, односно 18.126 милиони денари, како и приходите од придонесите за вработување за 6,31 отсто, односно 1.157 милиони денари.

Законот за сметководство на непрофитните организации ги пропишува сметководствените принципи и правила, како и основните финансиски информации по кои известуваат граѓанските организации.  15 години по неговото донесување и функционирање утврдена е потребата од измени и во Законот и во подзаконските акти.

Ова го покажува Анализата на Законот за сметководство на непрофитните организации изработена од Центарот за даночна политика (ЦДП) во рамки на проектот „Промени за одржливост“, финансиран од Европската унија, а спроведуван од Конект во партнерство со Фондација Аполонија и ЦДП. Анализата претставува основа за законски измени што ги бара Мрежата за финансиска одржливост на граѓанските организации која брои 79 членки. Препораките во анализата се подлога за започнување на дијалог со институциите за менување на Законот. Анализата е испратена до институциите за да им користи при дефинирањето на идните измени на Законот.

Дел од препораките за  законските и подзаконските измени се:

• усогласување на Законот со Правилникот за сметководството на непрофитните организации;
• редефинирање или донесување на нов правилник за формата и содржината на Сметковниот план;
• дополнување и промени во Сметковниот план;
• укинување на обврската за годишна ревалоризација на долгорочните средства;
• во насока на зголемување на транспарентноста на финансиските извештаи, покрај извештајот, се препорачува доставување и на наративен дел и белешки со објаснување;
• прецизно дефинирање на критериумите за утврдување на „микро“ непрофитни организации кои што не се обврзани да поднесуваат завршна сметка;
• пропишување на критериуми за утврдување на големи непрофитни организации и обврска за ревизија на нивните финансиски извештаи, итн.

Според анализата, ефикасноста на финансиските и на даночните контроли би се зголемила со подобрување на транспарентноста којашто е од клучно значење за привлекување на нови фондови и извори за финансирање. Преку зголемување на транспарентноста се подига довербата во мисијата и остварените резултати, а со тоа организацијата го зголемува својот капацитет за апсорбирање на нови финансиски средства. Дополнително ова е во согласност со насоките за поддршка на ЕУ на граѓанското општество во земјите од процесот на проширување 2014-2020.

Во рамки на Анализата беше спроведена и анкета помеѓу испитаници од 70 различни  граѓански организации преку која се овозможи идентификување на потенцијалните недостатоци и делови кои создаваат конфузија во примената на Законот.

Ова е прва Анализа на Законот за сметководство на непрофитните организации донесен 2003 година и поттикнува инволвирање и на други учесници за постигнување на подобра правна рамка.