Младите доктори - приватни специјализанти се уште немаат плата на своите сметки иако тоа како новина и вртење на нова страница им беше ветено уште во месец мај.

Ниту бројните средби со претставниците на Министерството за здравство не вродија со плод. Нивните сметки се празни а револтот е огромен. Од ресорното министерството им било кажано дека проблемот во Фондот за здравство, а не кај нив, по што стотината приватни специјализанти три пати со писмо се обратиле и до Фондот:

Повикуваме динамиката на процесот на изработка на податоците и усвојувањето на финансиските средства да се забрза, бидејќи за нас ова е многу важно. Чекаме одговор во што пократок рок! Обработката на податоците трае повеќе од планираното и повеќе отколку што беше ветено. За нас е многу важно ова прашање да биде затворено, особено кога ги имаме предвид нашите трошоци кои ги имаме. Само исплатата на вториот семестар за нас достигнува 1600 евра, гласи писмото упатено до Фондот за здравство.

Тие преку писмена изјава бараат ова прашање да биде решено и од премиерот Зоран Заев.

Специјализантите сакаат да знаат зошто во мај оваа година министерот за здравство Венко Филипче им рекол дека нивниот буџет веќе е во процес на усвојување.

Македонија има значителен недостиг на стручем медицински кадар. На територијата на државата има потреба од речиси 400 доктори, од кои само во Скопје недостигаат 150 лекари.

Македонија е со најмала просечна плата во регионот на поранешна Југославија, додека Словенија е на врвот на листата, јавува Анадолија.

Словенија со реализирана месечна нето плата од 1.077,77 евра за мај 2018. е земја во регионот, во која има највисоки примања и тоа е единствената плата во регионот, која изнесува над илјада евра. Просечната плата во Македонија во мај оваа година изнесувала 399,28 евра (24.509 денари), се наведува во истражувањето кое го објави Анадолија.

Највисоко зголемување на просечната нето плата е забележано во Хрватска. Таму платата се зголемила за 71,42 евра и достигнала 866,95 евра, во однос на истиот период лани.

Во Црна Гора просечната плата во јуни изнесувала 511 евра. Во Босна и Херцеговина во мај била на ниво од 448,59 евра, а во Србија 426 евра.

Во Црна Гора просечната нето заработувачка во јуни оваа година во однос на еден месец претходно забележала пад од 0,2 отсто, додека просечната нето заработувачка во јуни 2018 година во однос на истиот месец претходната година забележал раст од 0,2 отсто.

Повеќе од една третина од домаќинствата во Македонија во 2017 година не поседувале патнички автомобил, покажуваат податоците на Државниот завод за статистика (ДЗС).

Според извештајот за снабденост на домаќинствата со трајни потрошни добра во периодот 2015 - 2017 година, патнички автомобил имале 59.6 проценти од сите семејства.

Во државата бројот на автомобили е во постојан раст и од 383.833 во 2015 година достигнува вкупно 403.316 регистрирани автомобили во 2017 година, покажуваат податоците од МАКСтат.

Бројот на нови моторни возила, односно гледано по прва регистрација се намалува, па така во 2017 година бројот на патнички автомобили со прва регистрација изнесува 26.609 возила, што споредено со 2016 година е намалување за околу четири илјади, кога биле регистрирани 30.423 нови возила.

Во периодот 2015-2017 година, процентот на семејства кои имаат патнички автомобил, е во постојан раст. Од 56,5 проценти во 2015 и 59,4 во 2016, на 59,6 отсто во 2017.

Регуларно по две недели утре ќе ќе ја соопшти новата цена на горивата во Македонија.

Со минатата одлука поевтинија бензините за денар.

Со новата одлука, малопродажните цени на бензините ЕУРОСУПЕР БС-95 и ЕУРОСУПЕР БС-98, и на Екстра лесното масло за домаќинство (ЕЛ-1), се намалија за 1 денар во однос на цените утврдени со Одлуката од 10.07.2018 година и со тоа ЕУРОСУПЕР БС-95 изнесува 72,00 ден/лит, малопродажната цена на ЕУРОСУПЕР БС-98 изнесува 7,00 ден/лит.

ЕУРОДИЗЕЛ (Д-Е V) се намали за еден ипол денар и изнесува 62,50 ден/лит како и малопродажната цена Екстра лесното масло за домаќинство (ЕЛ-1) кое се намали за еден денар изнесува 51,50 ден/лит.

Малопродажната цена на мазутот М-1 изнесува 33,897 денари.