Министерството за внатрешни работи прави анализи на целокупниот процес за вадење лични документи, на телефонското закажување на терминот што сега се спроведува преку приватна фирма, на можноста целата оваа активност да ја преземат службите на МВР, со цел процесот да се забрза, поедностави, но и да биде финансиски поисплатлив, а се работи и на тоа патните исправи граѓаните да ги добиваат на домашна адреса.

Ова го посочи денеска министерот за внатрешни работи Оливер Спасовски, одговорајќи на прашање од пратеничката на ВМРО-ДПМНЕ Емилија Александрова. Таа побара од министерот да каже како ќе се поедностави процесот на вадење лични документи во помалите градови.

Закажувањето за вадење лични документи е сериозен проблем, имајќи предвид дека е направен договор со фирма, која го има кол центарот за вадење лични документи. Ова е затекната состојба. Тоа е добра идеја, која функционира во поголемите градови, рече Спасовски и додаде дека група во МВР работи на анализи во насока Министерството да ја преземе оваа активност.

Нагласи дека премногу пари и финансиски средства се одлеваат во приватна фирма, и додаде дека врз основа на анализите ќе биде дефиниран соодветниот начин и метод како целата оваа активност да биде преземена од МВР.

Се согласувам и во право сте дека во тој дел има несоодветност. Има градови во кои нема луѓе и можат веднаш да извадат исправа, но мораат да имаат термин, додаде Спасовски.

Во летниот период дневно се издаваат 1.200 до 1.500 пасоши, а потребите се околу 2.500. Спасовски рече дека целта на анализите е да се направи конзистентен, ефикасен и брз систем што ќе им овозможи на граѓаните брзо да бидат услужени.

Министерот за внатрешни работи додаде дека се работи на можноста патните исправи да бидат доставувани лично на домашна адреса, со цел да не мораат граѓаните да одат директно до Одделот за управни работи. Преку консултатни, дополни, се прават обиди за олеснување на потстапката за вадење пасоши во ДКП.

Република Македонија е една од државите која најлошо го има решено тој проблем, бидејќи мора вработени од МВР оттука со мобилни станици да поминат цел месец низ европските држави, да ги сликаат луѓето, да се вратат назад, да се изработуваат пасошите, рече Спасовски.

Многу пати сте посакале да го погледнете директорот во очи и да му речете: „Давам отказ“! Ако од разни причини се двоумите, еве неколку совети што ќе ви помогнат да откриете дали е навистина време да заминете!

1. Сте добиле подобра понуда

Подобра плата, повисока позиција, инспиративно опкружување и постојано вработување? Звучи нереално за нашата средина, но не и неостварливо. Малкумина го добиле тоа, но заслугата се препишува на сите оние кои сами се избориле за истото. Секогаш е тежок периодот на адаптација. За ваша среќа, не трае долго, а прекинот на рутината и реалноста дека нешто ново ви се случува, сигурно ќе ви го подобри расположението.

2. Сакате да го надоградите вашето знаење

Ако на помала возраст сте добиле работа и заради тоа сте го напуштиле образованието, време е да му се посветите. Ако со текот на времето интересите ви се промениле, сменете го правецот и насочете се таму каде што ви се интересите. Следете ги вашите соништа.

3. Работите во „отровна средина“

Колку и да е серизна работата со која се бавите, мора да си дозволите во текот на работното време барам накратко да се посмеете со колегите. Недостатокот на смеа и комуникација во опкружување во кое поминувате 8 часа дневно е многу загрижувачко, што е причина да се запрашате дали е вистинско време да го напуштите тоа заморно друштво.

4. Вашата позиција е нестабилна

Или вашата фирма е на ивица на егзистенција? Дури и ако сте таму од првиот ден на нејзиното отварање, не значи дека треба и вие да пропаднете со неа. Изборете се за вашето место во овој свет и не дозволувајте претпоставените поради тоа да ви наметнат чувство на вина.

5. Сакате да се посветите на себе

Без разлика дали вашата причина за отказ е основањето на семејство, патување околу светот или потреба за пауза, ве уверуваме дека никој нема да ви замери. Уживајте, бавете се со она што ве исполнува и наполнете ги батериите. Чувството на задоволство ја поткренува фантазијата, па кој би знаел, можеби наскоро сами ќе отворите фирма, па нема да мора да зависите од некој друг.

6. Немате мотивација

Едвај чекате да дојде крајот на работното време, сè ви е очекувано и досадно, а понеделник едвај го преживувате? Повеќе не се вложувате максимално на работата? Дефинитивно сте заразени со вирусот наречен „Време е за промена“!

Градоначалникот на град Скопје, Петре Шилегов во интервју за Канал 5 кажа дека наскоро ќе се почне со изградба на тунел под скопското Кале. Се очекува да биде финализиран за две години, вели градоначалникот.

Техничкиот дијалог со потенцијалните понудувачи за изработка на овој проект завршува денеска. Очекувам дека до година ова време веќе ќе може да зборуваме за распишување на тендер за изградба на овој објект. Потребни ќе бидат околу две години за негова изградба, кажа Шилегов.

Тунелот под Кале е дел од нацрт-верзијата на Деталниот урбанистички план за локалитетот Тетовска трошарина, како продолжение на булеварот “Свети Климент Охридски”, усвоен од страна на Советот на општина Центар. Тунелот постои во генералните урбанистички планови за Град Скопје уште од 1965 година, а потоа е потврден и во плановите од 1985 и 2002 година. Тој ќе има олеснителна функција во однос на сообраќајниот метеж.

Вип продолжува да ги збогатува содржините за сите млади на возраст од 18 – 26 години, овојпат со креирање на можноста да станат дел од Vip Spirit Club - от - достапен на веб страницата на компанијата www.vip.mk/spirit.

Сите млади кои се подготвени за предизвици и многу забава, можат да се регистрираат следејќи го упатството што го добиваат со пристапување на линкот позициониран во секцијата ЗА МЛАДИ каде е деталното упатство за стекнување уникатен код за идентификација како член на Vip Spirit Club со што и автоматски учествуваат во извлекување за 3 подароци– iPhone X. Добитните кодови ќе бидат објавени на 15 септември, на Facebook страницата на Вип.

Со самото регистрирање, како дел од Vip Youth заедницата, сите членови на клубот добиваат и уникатна можност за пристап до многу изненадувања, можност за присуство на музички настани, можност за специјални понуди за млади како и попусти за телефони.

Vip Spirit Club е уште еден доказ дека Вип е компанија која е постојано насочена кон истражување на потребите на своите корисници, сé со цел креирање на идеални понуди за непречена комуникација, но и многу содржини што го збогатуваат комуникациското искуство.

Повеќе информации за Vip Spirit Club можете да добиете на www.vip.mk