Кога бев со син ми, пред неколку недели по оценките, учителката беше облечена во краток фустан. Нозете, 80 проценти беа разголени. Фустан без прерамки. Јас разбирам дека таа е млада и дека сака да е убава. И да убаво изгледаше, само не за во училиште, туку за во дискотека. Тој фустан и одговараше на годините, бидејќи таа речиси и да нема 30 години, но не и одговараше на професијата...

-Пред неколку месеци, мојата тригодишна ќерка качи температура среде ноќ. Не можевме да чекаме да се раздени, ја однесовме во Ургентен. Не пречека средновечна сестра. Ноктите црвени, налакирани, долги 20 саниметри. Не изгледа убаво, медицинско лице да дава помош така, да удира инјекции...

За некои важи правилото дека каде и да се секогаш треба да бидат пристојно облечени. Но, секојдневно сме сведоци на една друга слика која е реалност. Медицински сестри со длабоко деколте, наставнички во кратки здолништа или вработени во јавни институции кои забораваат што значи пристојност и како треба да изгледаш кога си на работа.

И покрај тоа што постојано се апелира и секаде постои кодекс на облекување, за некои тоа правило не важи.

Секое училиште си има куќен ред, каде е нагласено дека наставниците треба да бидат пристојно облечени, за да бидат пример за своите ученици. Но, со чест на исклучоци, има и такви со килограми нападна шминка, непристојна гардероба, почнувајчќи од деколте, до кратки здолништа, па се до хеланки и тесни маички со прерамки. Каков пример се тие наставници за децата? Што можат децата да научат од нив? Училиштето од секогаш било место за образување на децата, а всушност се случува они кои ги образуваат да бидат недолични и непристојни.

На тој начин, наставникот остава една друга слика кон учениците, и тука доаѓа кога тие не го почитуваат и кога кон него не гледаат сериозност.

Нешто слична е и сликата со здравствените работници.

Се работи со болни пациенти, кои отишле таму да бараат помош за себе. Многу пати наидуваа на силни парфеми, многу шминка, долги нокти, кои не одговараат на таква професија, како и непристојно облекување.

Во јавноста неодмна излезе скандал, како вработена во Управа за јавни приходи, дошла на работа без гаќи. Некој од вработените се пожалил кај директорот па тој бил принуден до сите вработени да испрати кодекс на однесување,а пред се на облекување.

Управата за јавни приходи активно ја следи даночната дисциплина кај сите даночни обврзници ставајќи посебен акцент на даночните обврзници во туристичките места за време на лчетниот период, велат од таму.

Даночните обврзници што вршат дејност во туристичките места, како и субјектите кои се позиционирани на патните делници се предмет на засилен мониторинг од страна на Управата за јавни приходи, преку зголемено присуство на терен и ангажирање на сите расположливи капацитети. Апелираме даночните обврзници редовно да ги подмируваат даночните обврски и укажуваме на потребата од зголемување на даночната дисциплина особено за време на летната и туристичката сезона, со цел избегнување на даночни и прекршочни постапки со кои би се соочиле бизнисите, а со кои би се намалила нивната сезонска заработка и углед. Навременото и уредното плаќање на даноци е предуслов за создавање на еднакви услови на пазарот и лојална конкуренција, велат од УЈП.

Тагови: УЈП

Во изминатиот период ве информиравме дека преку различни програми богатите луѓе инвестираат во странски земји за да добијат државјанство.

Откако ќе добијат државјанство, тие веќе ги имаат истите основни права како и секој друг граѓанин на земјата.

Значи, колку чини да се има втор пасош денес? Најскапиот е во Австрија – 23,75 милиони долари, а земјата ја нуди оваа можност од 1985-та година, пишува „Bloomberg“.

По овој индикатор, само отстапува Свети Китс и Невис, земја која е во бизнисот од 1984-та година, но по цена од 150.000 долари.

И додека данокот на добивка во Австрија е 28%, тогаш на островската државата е 0. Од друга страна, корпоративниот данок е 35% или 10% повеќе од Австрија.

Вашиот пасош во Сент Китс и Невис може да биде подготвен за само 60 дена, и за тоа да се случи, доволно е да се купи имот.

Вториот најскап пасош е оној на Кипар (2.375 милиони долари). Даноците во земјата се односно 20% данок на добивка и 12,5% корпоративен данок, во однос на 12 и 35 отсто за Малта, каде државјанство може да се купи за 1.065 милиони долари.

Токму за 1 милион долари може да станете и државјанин на Турција, додека цената за пасошот на Вануату е 226.500 долари. Не се залажувајте, дури и при нулта стапки во земјата, треба да се има предвид дека неодамна Вануату беше прогласена за најранливата држава од природни катастрофи во светот.

Уште поевтино е во Гренада (208.250 долари), а исто така и во Света Луција, Доминикана и Антигва и Барбуда (по 100.000 долари).

Осум од десетте земји споменати погоре ММФ ги прогласи за оф-шор зони.

Кога ја избираме работата со која сакаме да се бавиме, голема улога има и фактот колкава заработка донесува таа професија.

Според истражувањето на „Business Insider“ меѓу 30-те професии кои носат голема заработка се наоѓаат и физиотерапевт, работник во погребална компанија, правен асистент, техничар за цивилен инженеринг.

Меѓу 30-те добро платени професии се наоѓаат и архитектонски техничар, техничар за механика, техничар за индустриски инженеринг, електромеханичар, кардиовасуларен технолог и техничар, како и физиотерапевт асистент.

Уште некои од професиите кои ветуваат многу високи плати се и геолошкиот техничар, асистент за работна терапија, радиолошки технолог, автотехничар, техничар за електроника, респираторен терапевт, техничар за електротехника, специјалист за компјутерски мрежи, техничар во областа на воздушно-космичкиот простор, како и веб дизајнер.

Според ова истражување, професиите кои гарантираат добра заработка се технолог за магнетна резонанца, медицинска сестра, оператор за медицинска дијагностика, организатор на погреби, нуклеарен техничар, технолог за нуклеарна медицина, стоматолог, радио-терапевт, и контролор на летови.