Од идниот месец патарина ќе се плаќа со паметна картичка. Така наречените смарт картички ќе се подигаат од бензинските, сегашните патарини или од граница, потоа ќе се надпополнуваат со толку пари колку што патникот сака.

Смарт картичките ќе може да се надополнат и преку телефон, лаптоп односно преку посебна апликација. Од есен пак ќе се воведе и принципот на траен налог.

Освен смарт картички за електронска наплата на патарини граѓаните ќе можат да користат и тагови.

Првично наплатата ќе се одвива и со кеш и електорнки, но постепено ќе се намали потребата од човечки фактор.

Очекувањата се дека до крајот на годинава на сите наплатни станици ќе има можност за електорнска наплата на патарините. А за период од две до 3 годни целосно да биде исврлен кешт за плаќање.  

Во февруари ќе бидат готови и двете патарини кои се планираат на новиот автопат Демир Капија – Смоквица.

Се уште се работи на новиот закон за возила со кој освен категоризација на автомобилите според емисијата на штетни гасови најверојатно ќе бидат воведени и „еколошки лепенки“ во различна боја кои ќе покажуваат кој колку загадува. Новите закони, како што велат во Царинската управа, се подготвуваат поради потребата да се усогласат со законодавството на Европската унија.

Ова во пракса ќе значи дека поголем данок ќе се плаќа за поскапи автомобили, со поголема кубижа, а секако, меѓу најпогодените ќе бидат купувачите на стари возила во кои нема вградено мотори кои ги задоволуваат најновите еколошки „евро 6“ стандарди. Значи колку повеќе загадува автомобилот, толку повисок данок ќе се плаќа при неговиот увоз.

Од пред една година Германија почна да ги чисти патиштата од старите дизелаши, последната понуда беше субвенција до 10.000 евра за купување нов автомобил, па така околу 6 милиони германски половни возила го преплавија европскиот пазар. Најголем дел од нив, речиси со сигурност завршија во посиромашните земји, како балканските, меѓу кои е и Македонија.

Според статистиката, по германските патишта во моментот возат околу 15 милиони дизел автомобили кои ги исполнуваат евро 4, евро 5 и актуелниот евро 6 еколошки стандард. Од нив, 6,7 милиони одговараат на евро 4 регулатива, други 6 милиони ги задоволуваат евро 5 прописите, а останатите се од највисоката еколошка класа

Луѓето од авто- салоните велат дека увозот на стари возила не само што предизвикува зголемено загадување на воздухот, што е голем еколошки проблем со кој се соочуваме секоја зима, туку последици од намалениот бизнис трпат и илјадниците вработени во секторот и во другите придружни дејности.

Од друга страна, сопствениците на плацеви за продажба на половни возила трљаат раце. Тие очекуваат зголемени испораки на дизел возила со евро 4 од Германија, за какви што е дозволен увозот кај нас.

Возила со евро 4 стандард можат слободно да се увезат кај нас, а поради големата понуда ќе бидат многу евтини да се купат во Германија. Нема да има проблем за продажбата, нашите луѓе сакаат коли донесени од Германија. Без разлика колку се стари сите се добро сочувани и сервисирани, коментира еден сопственик на авто- плац.

Според податоците на Царинската управа во првиот квартал од годинава биле увезени 1.371 нов и 6.458 половни автомобили што е за 77 односно за 1.710 повеќе во однос на истиот период лани.

Увозниците се оптимисти – пазарот се стабилизирал и полека се враќал на старите нивоа.

Предраг Томиќ е работодавец каков што секој би посакал да има. На секој вработен му подарува по 1.000 евра кога ќе му се роди дете.

Доколку се случи некој да добие близнаци или тројка, сумата се покачувала двојно или тројно.

Во летото 2017 се родија Неда, Мила и Искра, после 5 години чекање. На денот на тројното слаење, уште едно изненадување. Работодавецот вети дека ќе не награди парично и дека ќе ни помогне да ги пораснеме. Цифрата беше по 1.000 евра за дете, односно 3.000 евра – вели Мирослав Дрчелиќ, еден од вработените во компанијата.

Предраг Томиќ – сопственик на компанијата “Србауто“ вели дека на овој начин ги мотивира вработените бидејќи неговата компанија размислува на долги патеки. Сака да ги задржи своите луѓе што е можно подолго за заеднички да успеат на пазарот.

Владата потрошила безмалку 208 милиони евра за исплата на додатокот за трето и четврто дете, за девет години. Во истиот тој период бројот на новородени деца паднал, анализира Фактор.

Анализата на Фактор покажува дека и покрај сумата која е издвоена да се помага родителството на повеќедетни семејства, мерката воопшто не го дала очекуваниот резултат. Од Министерството дури велат дека, ако се сакало да се помогнат посиромашни семејства, тоа не е постигнато затоа што пари добивале побогатите. Подготвуваат нов закон, но не се прецизира дали овој додаток ќе биде укинат.

СЕКОЈА ГОДИНА ПОВЕЌЕ

Во сумата од 208 милиони евра влегуваат и додатокот за трето и за четврто дете, сепак, над 95 отсто од парите се тие со кои се помогнати мајките за третото дете кое го родиле. Субвенциите за четврто дете се помалкубројни, а сумата изнесува по околу три отсто од вкупно исплатената на годишно ниво во просек.

Ако се анализира по години, секоја наредна сума потрошена за додатоци за трето и четврто дете расте. Мерката почна да се спроведува во 2009 година, што значи дека пари за оваа намена се одделуваат веќе девет години. Лани сумата изнесува речиси 43 милиони евра, претходната година за трето и четврто дете државата дала 38 милиони евра. Од 2012 до 2015 година се доделени речиси 102 милиони евра. Во 2010 Владата потрошила 9,3 милиони евра, следната година се 11,5 милиони евра. Првата година кога додатокот почнал да се исплаќа за оваа намена издвоени се 4,2 милиони евра. Таа година имало 1.898 корисници за трето дете, а 533 за четврто. Додека во 2017 година субвенција за трето дете добиле 26.778 мајки, а само 782 семејства се на листата кои примале субвенции за четврто дете.

Дали овие пари го постигнале ефектот?

Податоците на Државниот завод за статистика, покажуваат дека во Република Македонија во 2017 година се родени вкупнo 21 946 деца, од кои 21 754 живородени и 192 мртвородени деца. 

Бројот на живородените деца во 2017 година, во споредба со минатата година, е намален за 5.4 %. 

ДОДАТОКОТ ЌЕ ОТИДЕ ВО ИСТОРИЈАТА?

Додека за тоа има дилема во јавноста и во Министерството сметаат дека стимулацијата воопшто не била креирана како што треба.

Податоците покажуваат дека самата мерка нема никаков ефект врз наталитетот односно стапката на наталитет опаѓа, од 13,3 во 2001 година до 11,1 во 2016 година, но и дека истата била лошо дизајнирана од самиот почеток. Така, на пример, додаток за трето дете добивале семејства кои се во многу добра економска состојба и немало никакво ограничување во однос на ова, велат за Фактор од Министерството за труд и социјална политика.

Не планираат додатокот да се зголеми, напротив, најавуваат и комплетно нова реформа.

МТСП работи на целосна реформа на системот и воспоставување на нов, правичен и пред се ефикасен систем за социјална заштита. Новиот закон е во изработка и ќе биде предмет на широка консултација со јавноста, се со цел да обезбедиме еднакво општество за сите и враќање на парите кај граѓаните. Новиот закон ќе ги зголеми социјалните трансфери но и ќе ги насочи средствата кон оние граѓани на кои им се најпотребни, велат оттаму.

Сметаат дека новите реформи ќе ги извлечат од сиромаштија тие кои се во таква состојба, а не такви кои ќе креираат социјален мир.

Висината на правото на родителски додаток за дете (за трето дете) за 2018 година изнесува од 8.362 денари. 

Правото го остварува мајка која непосредно се грижи за детето за кое поднела барање,  чии деца од претходниот ред на раѓање не се сместени во установа за социјална заштита, згрижувачко семејство или не се дадени на посвојување и на која не и е одземено родителското право над децата од претходниот ред на раѓање.  Правото не може да се оствари ако мајката за време на бременоста не вршела здравствени прегледи и контроли кај избран лекар-специјалист по гинекологија и акушерство.