Огласите за вработување, наместо пет, во иднина ќе траат само три дена, а пробната работа од шест ќе се намали на четири месеци. Новите измени на Законот за работни односи кои влегоа во собраниска процедура, ќе ги сменат и правилата за користење на годишниот одмор.

Доколку се усвојат во наредните недели, ова лето наместо 12 работни дена, рабониците ќе мора да користат годишен одмор од две непрекинати работни недели.

Работниците пред да добијат отказ, ќе имаат рок од 15 дена да се подобрат во работата, а за тоа писмено ќе бидат предупредени од своите работодавачи. Дали со ваквата измена работодавачите два пати ќе размислат преда да го поделат отказот?

Ние ова го толкуваме дека ни дава можност да бидеме попрецизни во известувањето  на работникот, оти во следна фаза на работен спор со погрешна процедура, работодавачот може да го игуби аспорот и да го врати работникот. – изјави Миле Бошкоски, Конфедерација на работодавачи.

Доколку работникот биде прогласен за технолошки вишок, работодавачот не смее две години да вработи нов на тоа место, а доколку има потреба од работник избрканиот да има предност пред останатите. Од Министерството за труд велат дека сегашната регулатива остава простор за манипулација, па работниците се прогласуваат за технолшки вишок, а веќе следниот ден на нивно место се вработува нов.

На 20.09.2017 година во сила стапи Законот за материјално обезбедување на невработените лица поради приватизација на претпријатијата со доминантна сопственост на државата со кој околу 3.000 лица ќе добиваат по 7.600 денари месечно.

Според постојното законско решение, невработено лице може да се стекне со правото на паричен надоместок доколку ги исполнува следните услови:

Било најмалку 15 години во работен однос во претпријатија со доминантна сопственост на државата, утврден со М1/М2 обрасци;
Му престанал работниот однос во претпријатие со доминантна сопственост на државата, по основ на стечај, ликвидација или технолошки вишок;
На денот на влегување во сила на овој закон е на возраст од најмалку 52 години (жена), односно 55 години (маж);

Работниот однос му престанал заклучно со 31 декември 2016 година;
Остварило право на паричен надоместок по 1 јануари 1995 година и кое по остварувањето на правото на паричен надоместок не било вработено на неопределено време, односно работниот однос не му престанал по негова волја или вина.
Сите заинтересирани лица кои ги исполнуваат горенаведените услови треба да поднесат лично барање до надлежните центри за вработување каде што се евидентирани, а рокот за поднесување истекува на 19.09.2018 година.

При поднесување на барањето, заинтересираните лица треба да поднесат единствено лична карта на увид, без дополнителна документација. АВРМ ќе ги прибавува сите потребни документи по службена должност од надлежните институции.

„Солунски конгрес”, „Разловечко востание”, „Смилевски конгрес”, „Кресненско востание“  се катните и подземните гаражи каде веќе важат новите повисоки цени. Од почетокот на овој месец месечниот билет за физичките лица, од илјада денари цената е качена на илјада седумстотини и седумдесет денари.

Месечните билети на катните гаражи ги утврдува Акционерското друштво за изградба и стопанисување со станбен и деловен простор. .

Директорот на институцијата се правда дека станува збор за порамнување на високите трошоци за одржување.

Економската исплатливост за одржување на тие гаражи. Трошоците за тие гаражи се исклучително високи и од таа причина пристапивме да ги израмниме цените со цената која е од 2014 година донесена за паркиралиштето спроти Холидеј Ин, изјави Кристијан Трајковски, директор на АДСДП.

Во првите три месеци од годинава во Македонија имало 8331 слободни работни места. Најмногу работници недостасувале во услужните дејности и продажба, а според регионот најбарани биле работници во пелагонискиот регион.

Државниот завод за статистика објави дека во првото тримесечје од 2018 година, стапката на слободни работни места изнесува 1,68 процент. Највисока стапка на слободни работни места има секторот  Административни и помошни услужни дејности 4,25 отсто, додека најмала е стапката во секторот Јавна управа и одбрана, задолжително социјално осигурување, каде што изнесува 0,20 отсто.

Најмногу работници се барале во деловните субјекти со број на вработени од три  до девет, каде стапката на слободни работни места изнесувала 1,91 отсто. Стапката на слободни работни места во пелагонискиот регион изнесува 3,15 проценти. Но според бројката најмногу слободни работни места имало во скопскиот 4.137.

Според објавените податоци во групат аработници во служни дејности продажба имало 2.929 слободни работни места.