Владата денеска на седница ќе расправа за, како што соопшти, потребата за донесување програма за определување средства потребни за доделување финансиска поддршка за поттикнување и развој на воздушниот сообраќај во Македонија на домашни и странски превозници за периодот од 2018-2021 година.

На предлог на Министерството за транспорт и врски, треба да се разгледа и уредбата за начинот, поблиските критериуми за доделување на финансиската поддршка на домашни и странски авиопревозници и потребната документација која треба да се достави од корисниците на финансиската поддршка.

Англиските медиуми пишуваат дека постои една невообичаена работа која голем број жени го прават пред самото интервју за работа.

Освен тоа што треба да дознаат се за компанијата каде што аплицирале, да одберат репрезентативна деловна комбинација за да можат да бидат убедени оти разговорот ќе помине во најдобро светло.

Меѓутоа, многу дами, според британски Мирор, пред самото интервју ја вадат бурмата.

Статистичките податоци покажуваат дека речиси секоја трета жена ја вади бурмата пред разговорот со работодавачот.

Оваа статиска се однесува само на оние жени кои се во брак, но таа покажува и дека 29 отсто од жените се плашат оти ќе бидат дискриминирани поради својот брачен статус.

Тагови: интервју за работа

Вработените во Универзална сала која две години не работи, редовно одат на работа и земаат плата оти работат на други проекти кои ги организира Градот, велат за САКАМДАКАЖАМ.МК од кабинетот на градоначалникот на Скопје Петре Шилегов.

Во Универзална сала вработени се 22 лица и директор. Мината недела градоначалникот Шилегов ја смени директорката Вера Бошковска и на нејзино место го постави Филип Аврамчев. Како што објаснуваат од Градот вработените и директорот имаат обврски односно во текот на годината се со целосен ангажман реализирајќи проекти од програмата за култура на Град Скопје. Годинава тие работат на седум проекти.

Јавната установа од областа на културата Универзална сала не функционира само во делот на изведбата на сценските активности. Вработените реализираат повеќе проекти, тешки повеќе од десет милиони денари на повеќе локации и во временски интервали кои опфаќаат по неколку месечна работа на секој од нив поединечно. За оваа година предвидени се седум големи проекти во вредност од 14,2 милиони денари кои веќе се одржани или се во тек подготовките за одржување. Така на пример дел од работната продукција на сите вработени и директорот ќе бидат фестивалите ‘Лица без маски‘, ‘Скопје креатива‘, изборот на улични музичари, новогодишниот базар, како и перманентната активност за промоција  на Скопје-Европска престолнина на културата и други, велат од кабинетот на градоначалникот Петре Шилегов.

Платите за вработените во концертната сала објаснуваат од Градот се обезбедуваат преку дотации од Министерството за култура кое ги префрла на Град Скопје, како што е за сите културни институции под надлежност на Град Скопје.

Универзална сала нема да проработи најмалку уште три години. Градоначалникот Петре Шилегов минатиот вторник најави дека рекoнструкцијата на салата ќе почне догодина. За финасирање на проектот Град Скопје потпиша договор со Министерството за култура. Шилегов при потпишување на договорот рече дека сеуште не е одреден проектот според кој ќе се гради салата и дека тој допрва ќе се доработува.

Постојат три проекти за Универзалната сала меѓу кои што дел се неразработени, дел се изведени надвор од каква било постапка и процедура и за нив не се обезбедени финансиски средства. Ги доразработуваме проектите да го најдеме оптималното решение за изградба на салата. Откако ќе биде завршен градежниот проект ќе се знае колку ќе чини, рече при потпишување на договорот  Шилегов.

Во Противпожарната  станица во Автокоманда, вчера свечено беше одбележан 20 мај-Денот на пожарникарите.

Прославата почна со свечено постројување на пожарникарите, а Командантот на Бригадата за противпожарна заштита Звонко Томески му поднесе рапорт на градоначалникот Шилегов.

Дозволете ми најнапред да ви го честитам Денот на пожарникарството и да ви се заблагодарам за посветеноста и пожртвуваноста која ја покажувате вршејќи ја оваа благородна професија. Од срце Ви благодарам што секојдневно спасувате животите на нашите сограѓани, ставајќи го вашиот живот во опасност – рече Шилегов.

Тој нагласи и дека Градот Скопје вложува во опремување и во модернизација на Противпожарната бригада.

Оваа година од буџетот на Град Скопје за Бригадата за противпожарна заштита одвоивме вкупно околу 134 милиони денари. Во овие средства предвидена е набавка на нова пп автомеханичка скала минимум 75 метри и набавка на две возила автоцистерни. Испорачан е нов симулатор за пламени удари што се користи за вежби преку симулација на реални услови на пожар. Набавен е нов разгласен систем и во целост се заменети гаражните врати. Ова се само дела од тековните потреби на една модерна Бригадата за противпожарна заштита – истакна Шилегов.

Во своето обраќање Шилегов посочи дека оваа опрема долго време ја очекувале и затоа  Градот ја набавува годинава, како и дека се свесни  за нивната потреба од нова и модерна опрема согласно  со европските стандарди.

Оваа година во Бригадата за противпожарна заштита предвидено е да бидат примени нови 50 пожарникари. Согласно со европските стандарди пропорцијата е еден пожарникар на 1.500 жители, додека моменталната состојбата во Скопје  е еден пожарникар на 3.500 жители. Со овие вработувања ќе се зголеми капацитетот на бригадата за справување со предизвиците при извршувањето на работните задачи, а истовремено ќе е чекор поблиску до исполнување на европските стандарди. Заштитата од пожари и безбедноста на граѓаните е од исклучително значење за Градот Скопје. Секој спасен живот на наш сограѓанин е бесценет, и без вас оваа хумана мисија би била невозможна – потенцираше Шилегов.

Пред неколку месеци потцентарот Ѓорче Петров доби нова зграда за противпожарна станица, а Градот Скопје и во иднина ќе посвети посебно внимание за развој на пожарникарството и со тоа ќе даде свој придонес ва оваа суштинска област која придонесува на хуман начин да се создадат услови за  поголема безбедност на граѓаните.