Министерството за здравство сериозно подготвува мерки како да се подобри здравствениот систем со вработување на нов кадар. Како што појасни министерот за здравство Венко Филипче направена е една анализа, така што без градот Скопје потребно е да се вработат 380 доктори.

Во здравствениот систем во Република Македонија треба вкупно да се вработат околу 2.300 луѓе, а најмногу доктори. Во Агенцијата за вработување има регистрирано 1.100 невработени медицински сестри и нешто помалку од 200 доктори. Сите да можеме да ги вработиме и повторно ќе нема доволно. Затоа почнавме да истражуваме иновативни начини за тоа како да ја подобриме патронажната служба, како и сервисите кои сега се даваат во болница – објасни министерот Филипче и дополни дека сериозно работат на имплементирање на Акцискиот план за намалување на смртноста на новороденчињата, при што направен е план кој ги опфатил сите фактори што влијаат на новороденечката смртност.

Филипче нагласи дека сериозно размислуваат да го зајакнат капацитетот на целокупниот здравствен систем и да се подобри пристапот со здравствена заштита на Ромите, како и квалитетна здравствена заштита за сите граѓани.

Тој најави дека во моментов се спроведуваат превентивни редовни програми на Министерството за здравство, а се однесуваат на Ромите. Во нив ќе бидат опфатени бесплатни прегледи за време на бременост, бесплатни лабораториски испитувања доколку немаат здравствено осигурување, бесплатно породување… како и вклучување на патронажните сервиси кои исто така ја преземаат грижата за жената по породувањето.

Што се однесува пак на мерките што се преземаат за намалување на смртноста на мајките и новороденчињата, министерот Филипче информираше дека во соработка со експерти од УНФПА се спровела проценка на состојбата во родилиштата во Скопје и низ целата држава, резултатите се сумирани и врз основа на тоа ќе изградат стратегија за имплементирање на неопходните мерки.

Околу 30-ина гинеколози, неонатолози се тренираа да бидат тренери во своите области и со чија помош понатаму ќе ги спроведеме тренинзите низ другите родилишта во нашата земја. Таму каде што сметаме треба да се дополни кадар, опрема, а тоа ќе го направиме во клиничките болници во Штип, Битола и во Тетово, каде се спроведуваат мерки и во пресрет излегуваат агенции со донација, а делумно правиме план за набавка преку Министерството за здравство – објасни Филипче.

Сема Џеладини, вработена во кол-центарот на Клиничката болница Аџибадем – Систина, во петокот навечер околу 20,00 часот, жртвувајќи го својот живот во надојдените студени води на реката Вардар, помогна да се спаси животот на едно петтогодишно девојче, јавува порталот Алмакос.

Таа е многу среќна. Целиот настан го сподели со порталот Алмакос. Со големи емоции раскажуваше за тоа како успела да помогне да се спаси животот на едно девојче, кое таа квечерина возејќи велосипед заедно со нејзината мајка изгубила контрола и паднала во реката Вардар.

“ Во петокот вечерта бев излезена на пауза околу 20,00 часот. Седнав на клупите, кои гледаат кон кејот на реката Вардар. По поминати 10 – 15 минути, за изненадива кога слушнав извици. Се свртев кон кејот. Видов девојче, на возраст од околу пет години, како немаше контрола врз велосипедот, не можеше да закочи. И падна во реката Вардар.”

За да го спаси девојчето, прва во Вардар се фрлила нејзината мајка. Сема увидела дека мајката, поради надојдените води, брзиот тек и длабочината не може да го извади девојчето надвор од реката. Таа притрчала од клупата и се спуштила на работ од кејот.
Девојчето беше многу испаничено, многу уплашено, раскажува Сема, сеќавајќи се на несекојдневниот настан.

“ Се спуштив од работ. Девојчето беше многу испаничено, многу уплашена. Ми ја подаде раката за да ја спасам. Се бореше. Ја фатив за рака. Бидејќи работ беше многу лизгав, за да не ја испуштам од рака и јас заедно со неа влегов во вода.”

Сема сеуште се сеќава на извиците на девојчето, вели дека зборовите на малата ќе ги запамети цел живот.

“ Дадо, дадо, те молам спаси ме, и ми ја подаде раката. Дадо, те молам не ме оставај. Не ме оставај да умрам. Те молам помогни ми.”

Откако Сема заедно со девојчето, со големи маки стигнале до работ на кејот, на помош дошле и тројца мажи. Тие помогнале Сема и мајката на девојчето да излезат од Вардар. Девојчето ја прегрнала Сема и така прегрнати стигнале до Ургентниот центар на болницата.

Таму девојчето било прегледано. Немала никакви проблеми. По контролите, било пуштено дома.

Во овој момент дали би го направиле истото, Алмакос ја прашува Сема. Таа е категорична.

“Истото би го направила.”

Таа во тој момент чуствувала само едно, дека мора да го спаси девојчето. Не ни помислила на својот живот.

“Битно беше млад живот да се спаси“.

И нејзините родители биле горди со храброста на нивната ќерка.

“Моите така и ме пораснаа мене. Сепак, за живот се работи. Нашата клиничка болница истото лого го има. Сепак, за животот се работи.”

И нејзините претпоставени во болницата беа горди дека имаат вработена која без да се двоуми може да се жртвува за да спаси друг живот.

Сема и денес е на своето работно место, продолжува да им помага на пациентите што се јавуваат во кол центарот на болницата.

“Добар ден моето име е Сема како може да ви помогнам”.

Видеото на Алмакос на овој линк.

На снимката може да се слушне како кандидатката за работното место го прашува политичарот „што ќе биде со нејзиното вработување“ и во еден момент го прашува „Дали треба да имаме секс?“, по што тој одговара „Треба“.

Делегатот на Домот на народниот Парламент на Босна и Херцеговина и генерален секретар на партијата “SDA”, Адмир Хаџипашиќ од Бихаќ е снимен како од жена бара секусален однос во замена за работно место. Станува збор за видео снимка направена во 2013-та година која што дури сега протече во босанските медиуми.

Хаџипашиќ кој што не знае дека жената го снима со својот телефон, на нејзиното прашање „Дали треба да имаме секс“, веднаш и одговара „Треба“. На прашањето каде тоа би го направиле, босанскиот политичар вели дека може „веднаш, тука“.

На прашањето на жената за тоа кој ќе ѝ гарантира дека после тоа ќе биде вработена, тој одговара „Па, јас“. После тоа може да се види како се обидува да ја бакне жената, на што таа одговара да не го прават тоа во тој момент.

Сепак, босанскиот политичар Хаџипашиќ тврди дека жената со тоа се обидела да го намести и за тамошните медиуми порача дека ништо не се случило, а дел од видео снимата била исечена.

Исечен е делот кога ѝ реков дека сето тоа завршува и дека не сакам со неа да имам никаква комуникација. Ѝ реков дека сето тоа од моја страна беше шега, затоа што нејзиното прашање беше глупаво. После тоа имаше уцени, се водеше судска постапка, а актерите беа осудени на условна затворска казна и парична казна. Тие ја признаа вината на суд, изјави Хаџипашиќ за босанските медиуми.

Граѓаните може да се пријавуваат на јавниот оглас за обука на оџачари, соопшти Градот Скопје.

Градот во соработка со Министерството за труд и социјална политика и Агенцијата за вработување на Македонија ќе спроведе обука за оџачари на 25 невработени работоспособни лица, што ќе почне на 1 јуни, а ќе трае три месеци.

Кандидатите за времетраењето на обуката ќе добиваат надомест од 9 000 денари месечно. По завршувањето на обуката, на секој кандидат, покрај сертификат, ќе му бидат обезбедени основни материјали за отворање сопствен бизнис и извесно  вработување имајќи предвид дека чистењето на оџаците ќе биде субвенционирано од Градот. За таа цел, годинава Градот Скопје предвиде 10 милиони денари за субвенции за чистење на оџаците. Овие субвенции ќе се реализираат по успешно спроведената обука на новите 25 оџачари, соопшти Град Скопје.

За потсетување, во Скопје има само осум регистрирани оџачари, а 45 проценти од вкупниот број домаќинства во Скопје се греат на дрва, што е една третина од уделот во вкупното загадување на воздухот во градот. Според некои податоци, во Скопје има над 60 000 оџаци што многу ретко се чистат, а општо е познато дека неисчистен оџак загадува најмалку двојно повеќе во споредба со исчистен оџак.

Оваа мерка e дел од чекорите што ги презема Град Скопје за решавање на проблемот со аерозагадувањето во зимските месеци.