Централниот Регистар на Република Македонија постапувајќи по пријавата за упис на статусна промена - присоединување на трговско радиодифузно друштво-оператор за кабелска мрежа „Астра плус“ како друштво што се присоединува и „Диги плус мултимедиа“ како друштво што се присоединува кон друштвото за комуникациски услуги „Оне.Вип“ донесе решение со кое се одобрува пријавата.

Со присоединувањето, двата субјекта се бришат од регистарот.

Следуваат неработни денови во кои граѓаните ќе можат да уживаат. Она што најпрво доаѓа е споен викенд од дури 4 дена за православните граѓани.

Споен викенд ќе имаме на 24 мај (четврток) кој е неработен ден за сите граѓани на Македонија, а денот потоа, 25. мај (петок) е Духовден, кој е неработен ден за граѓаните од православната вероисповед.

Ова се сите неработни денови кои преостануваат до крајот на годината:

Согласно со Законот за празниците на Република Македонија во 2018 година неработни денови се:

За сите граѓани на РМ

• 24 мај (четврток) „Св. Кирил и Методиј“ Ден на сесловенските просветители

• 15 јуни (петок), Рамазан Бајрам, првиот ден на Рамазан Бајрам,
• 02 август (четврток), Ден на Републиката
• 8 септември (сабота), Ден на независноста

• 11 октомври (четврток), Ден на народното востание,
• 23 октомври (вторник), Ден на Македонската Револуционерна Борба,
• 8 декември (сабота), “Св. Климент Охридски”

За граѓаните од православна вероисповед

• 25 мај (петок), Духовден, петок пред Духовден
• 28 август (вторник), Успение на Пресвета Богородица (Голема Богородица)

За граѓаните од католичка вероисповед

• 01 ноември (четврток), Празникот на сите светци
• 25 декември (вторник), првиот ден на Божик

За граѓаните од муслиманска вероисповед

• 21 август (вторник), Курбан Бајрам, првиот ден на Курбан Бајрам

За граѓаните припадници на албанската заедница во РМ

• 22 ноември (четврток), Ден на Албанската азбука

За граѓаните припадници на влашката заедница во РМ

• 23 мај (среда), Национален ден на Власите

За граѓаните припадници на еврејската заедница во РМ

• 19 септември (среда), Јом Кипур, првиот ден на Јом Кипур

За граѓаните припадници на бошњачката заедница во РМ

• 28 септември (петок), Меѓународен ден на Бошњаците

За граѓаните припадници на турската заедница во РМ

• 21 декември (петок), Ден на настава на турски јазик.

Без разлика дали кучето или кучињата се опасни или не, на вратата треба да стои табла, која ќе означува дека во тој дом се чуваат кучиња.

Сопствениците на кучиња се должни да ги пријават своите кучиња еднаш годишно во ветеринарните амбуланти, клиники и болници кои се овластени за спроведување на ветеринарно здравствена заштита од јавен интерес во нивното место на постојан престој, со цел да ги регистрираат и идентификуваат, како и да ги исполнат одредбите во однос на здравствената заштита согласно со прописите од областа на ветеринарното здравство. Трошоците за овие постапки се на товар на сопствениците на кучињата.

Сопствениците на кучиња треба на влезната врата во дворот на видливо место да постават табла со која недвосмислено се укажува на присуство на куче, без разлика дали кучето или кучињата чиј е сопственик се опасни или не. Кучињата кога се на јавно место треба да бидат врзани на поводник освен кога се на јавни места каде е дозволено кучињата слободно да се движат во придружба на нивните сопствeници.

По исклучок ловечки кучиња за време на лов и овчарски кучиња кои придружуваат стадо не треба да бидат врзани на поводник.

Глоба во износ од 10 до 15 евра (за правни лица 100 евра) во денарска противвредност ќе му се изрече за прекршок на на физичко лице, ако:

не гo пријави своето куче еднаш годишно во ветеринарните амбуланти, клиники и болници кои се овластени за спроведување на ветеринарно здравствена заштита од јавен интерес во нивното место на постојан престој:

• не истакне табла со која недвосмислено се укажува на присуство на куче;
• кога се на јавно место кучињата не ги држи врзани
• не го пријави леглото од своите животни во овластена ветеринарна амбуланта, клиника или болница, не ги идентификуваат
• младенчињата пред да ги вдомат и не ги пријават лицата кај кои ги вдомиле;
• одгледувачниците на домашни миленици не водат евиденција за домашните миленици и истата не ја чуваат три години и не е достапна на увид на барање на Агенцијата;

Глоба во износ од 50 до 75 евра ( за правни лица 500 евра ) во денарска противвредност ќе се изрече на физичко лице за прекршок ако:

• не дејствува на хуман и грижлив начин кон животните;
• напушти домашен миленик;
• поттикнува агресивност на животните против други животни;
• осакатува животни и врши хируршки или слични интервенции со кои се врши осакатување на животните заради естетски или други причини
• не обезбеди услови за држење на опасно куче;
• опасните кучиња при движење не се придружувани од полнолетно лице;
• се обложува на борба со животни за било каква намена;

Глоба во износ од 150 до 225 евра ( за правни лица 1.500 евра ) во денарска противвредност ќе се изрече на физичко лице за прекршок ако:

• изведува хируршки интервенции без соодветна употреба на целосна или локална анестезија и предизвикува непотребна болка или страдање на животното;
• врши девокализација,  отсекување на канџи и обеззабување;
• интервенциите не се извршени од страна на доктор по ветеринарна медицина

Глоба во износ од 600 до 900 евра ( за правно лице 6.000 евра)  во денарска противвредност ќе му се изрече на физичко лице за прекршок ако:

• предизвикува болки, патење или повреди, сурово и нехумано се однесува кон животните и ги убива
• е вклучено, поттикнува, организира, рекламира, оддржува и организира обложување на борби со животни за какви било намени.

Жената оди на работа, а мажот го чува бебето. Статистиката на ФЗОМ покажува дека од година в година се зголемува бројот на мажи кои го искористиле оваа законско право, но нивната бројка е сепак мала. Која е причината?

Влатко е татко од Скопје. Тој работи како економист во скопска приватна фирма. Откако стапиле во брак со сопругата Ирена, пет години не можеле да добијат бебе. Откако им се исполнил сонот и веднаш откако им се родила нивната ќерка Миа, на Ирена и била понудена работа, според професијата, да биде професор по англиски во приватна фирма. Ирена никогаш претходно не работела, па се мислела, знаејќи дека дома има штотуку родено бебе. Во консултација со својот сопруг, одлучиле, Ирена да ја прифати работата, а Влатко да земе породилно боледување и тој да го чува бебето. И се било така.

-Кога им кажав на колегите на работа, веднаш почнаа да се смеат. Сите, до еден. И мажи и жени. Тие денови постојано имаше смешки на моја сметка. Секако не им замерував, но знаеја да бидат нападни. И не само тие. Почнаа да се исмејуваат со мене и другарите и роднините и соседите. На сите им беше чудно. Не престанаа да зборуваат цели 9 месеци, додека седев дома. Секако, тоа не допираше до мене, но не е убаво кога знаете дека си мета на озборување, вели Влатко.

-Каде живееме? Во какво општество? Се чудам и не можам да се начудам. Луѓето не си гледаат за себе, едвај чекаат да се случи нешто ново кај некој и веднаш да ги отворат устата, додава Влатко.

-И кај мене на работа ми се чудеа и постојано ме прашуваа не ли се чувствува Влатко глупаво што користи подорилно боледување, раскажува Ирена.

Нивната ќерка денеска оди во градинка, а Влатко се вратил на работа.

Македонскиот закон за работни односи предвидува право на платено отсуство од работа заради бебе или само на мајката или само на таткото. Колкава е платата на корисникот толку пари му исплаќа  државата 9 месеци. Ако таткото сака да ја искористи оваа можност треба да достави  извод на родените за детето и потврда дека мајката се враќа на работа. Но, родилката тоа не смее да го направи во рок пократок од 45 дена по породувањето.

Ова право кое станува тренд и во Македонија повеќе години се спроведува во Западно европските земји, но таму извесен период и двајцата родители добиваат надомест.  Во Исланд дури 90 отсто од татковците одат на породилно, во Шведска тоа го прават 85 проценти, Во Германија 15 насто, а во Велика Британија 8 отсто.

И познати светски личности ја користеле оваа можност. Принцот Вилијам и поранешниот премиер Дејвид Камерон се грижеле за своите деца  во првите месеци од нивниот живот.