Досега се поднесени 835 барања за користење на мерката за која годинава Министерството за економија обезбеди 30 милиони денари и е наменета за 2.000 семејства чии месечни примања не надминуваат 22 илјади денари нето плата.

По минатогодишниот пилот проект за поддршка на внатрешниот туризам кој даде видливи резултати, Министерството за економија во соработка со приватниот сектор продолжува со истата мерка и оваа година.

За користење на мерката работниците со ниски примања можат да аплицираат до крајот на месецов, врз основа на принципот „Прв дојден-прв услужен”.

Заклучно со 07.05.2018 година автобуската постојка лоцирана во сутерен на ГТЦ каде сообраќа  автобуската линија со број 50 ,повторно ќе биде во функција, информираат од ЈСП.

Привремениот прекин на функционирање на постојката беше заради изведување градежни работи, односно  реконструкција на улицата.

Реконструкцијата беше изведена од страна на ЈП „Улица и патиштата„ кои извршија комплетна обнова на улицата,со поставување на специјален асфалт кој гарантира одлична состојба на улицата во наредните 10 години. 

Иако треба да бидеме одговорни на работа и да ги сфатиме сериозно нашите должности, постојат одредени моменти во кои едноставно треба да се каже не. Човек не може секогаш да се придржува кон тврдењата на другите и не треба да ги занемари неговите начела. Покрај тоа, одбивањето да направи нешто може да покаже карактер и решителност, и на крајот создава подобар впечаток за работникот отколку ако тој по дифолт се согласува со сè.

Од бизнис инсајдер, посочуваат неколку ситуации каде што не треба да се чувствувате виновни кога ќе кажете не.

1. Кога ви се поставуваат несоодветни и неефикасни задачи кои не одговараат на вашата работа.

2. Кога ве тераат да правите нешто што воопшто не е во твоите одговорности и е должност на некој друг.

3. Кога треба да присуствувате на непотребни, непродуктивни и премногу долги состаноци кои ќе ве спречат да ја вршите непосредната работа.

4. Кога ве тераат да бидете "онлајн" 24 часа на ден.

5. Кога те тераат да правиш нешто што е спротивно на твоите вредности.

6. Кога ви поставуваат навистина нереални рокови.

7. Кога ви даваат дополнителна работа, иако веќе сте преоптоварени.

8. Кога ќе ви дадат задача која е посоодветна за друго лице.

Некој ќе ви каже дека тајната на успехот е само напорната работа. Друг - едноставно мора да пробаш повторно и повторно. И трето - треба да станете секое утро во 4 часот или во 3 часот, или воопшто да не спиете.

Мислења секакви. Можеби функционираат за одредени луѓе. Но универзалното правило што важи за сите е - никој не успева сам. Врски, а пред сè, начините на кои ги градите и одржувате се водечки фактор во вашиот раст.

Каде да започнете? Според Inc.com, со едноставно прашање: "Како можам да ви бидам од корист?".

Без разлика дали се среќавате со партнери, разговарате со колегите или претпоставените, секогаш поставете го ова прашање. Всушност, тоа ќе ви помогне, бидејќи преку него ќе ги зајакнете односите и контактите.

Луѓето кои не се социјални и не сакаат да ја понудат својата помош не ги сакаат другите. И луѓето кои реагираат и покажуваат интерес за другите оставаат голем впечаток. Тие создаваат автентични и долгорочни односи и се поактивни.

Вашите добри контакти може да се претворат во нови професионални можности и тоа е главната придобивка за вас сами. Никогаш не знаеш кога ќе мора да побарате помош од некој познаник за информации, совети, помош и многу повеќе.

Но, кога ќе го поставите прашањето, бидете подготвени навистина да помогнете ако побараат од вас. Треба да покажете дека сте одговорни и може да имаат доверба во вас. Не секоја помош е брза и лесна, но сигурно ќе ви исплати назад во иднина.