Германскиот ланец на маркети, Лидл овие денови претстави апсолутна новина на своите полици.

Но, само во Швајцарија. Имено, во швајцарскиот Лидл може да се купи марихуана од домашно производство.

За грам и пол канабис од домашно производство секој заинтересиран ќе мора да издвои 18 швајцарски франци. Пакетчето со три грама канабис ќе чини околу 15 евра, пишува британскиот „Гардијан“.

Популарниот ланец на маркети, со ова ги искористи измените на законот од 2011 година, според кои полнолетните Швајцарци ќе можат да купат канабис со помалку од еден отсто ТХЦ. Производите од Лидл се направени на тој начин да не опиваат, туку само да опуштаат.

Одгледувањето се врши во полуавтоматизирани стакленици.

Се фокусираме исклучиво на одржливо производство и не додаваме хемикалии или синтетички или генетски модификувани супстанци – наведуваат во својата изјава.

Вработените во приватниот сектор, до крајот на годината ќе добијат регрес за годишен одмор попознат како К-15 во износ од минимални 9.610 денари.

Според податоците за движењето на нето/бруто платата по вработен, К-15 за оваа година ќе се движи од 9.610 денари (40 отсто од износот на просечната нето плата во последните три месеци) до 14.090 денари (40 отсто од износот на просечната бруто плата во последните три месеци), пренесе Букефал.

Конкурирате за работа од соништата, ве повикуваат и ви закажуваат интервју. Интервјуто поминува добро според ваше мислење. И тогаш ... те отфрлаат.

Се разбира, можеби имало повеќе квалификуван кандидат од вас. Но, можеби сте одбиени поради правење грешки во интервјуто што не сте ги забележале.

Често се среќавам со навидум соодветни луѓе кои сепак запаѓаат во непотребни, досадни, ирелевантни детали - и така ме губат како слушател, вели Џудит Јансен, експерт по "Човекови ресурси" во Global Platform Organisation (GPO), која има 450 вработени во 19 земји ширум светот.

Според неа, ова е една од најголемите грешки на кандидатите. Наместо општи приказни, тие треба да даваат повеќе конкретни информации за себе и да одговараат точно на прашањата на прашувачот, а не да зборуваат работи кои само на нив им се чинат важни.

Друг вид иритирачко однесување според Јансен е кога кандидатот почне да "навира" во лицето на интервјуерот одреден со дел од биографијата со цел да се истакне. Никој не сака да слуша два часа за вашето патување во Јужна Америка, на пример.

Не кажувајте го само она што мислите дека сакаат да го слушнат. Кога ви постават прашање, одговорете точно и потоа најдете соодветен, паметен начин да вметнете нешто што многу сакате да знаат за вас, додава експертот.

Новиот електричен автобус за кој Градот Скопје пред неполни три месеци потпиша договор со компанијата Chariot Motors за пробно користење, ќе сообраќа на линијата 15 во наредниве 6 месеци. Станиците за полнење на крајните постојки во Ново Лисиче и во Карпош 4 се поставени од ЕВН.

Градоначалникот на Град Скопје, Петре Шилегов, рече дека автобусот е направен во согласност со последните технолошки трендови во оваа индустрија. Станува збор за енергетски ефикасен автобус кој троши минимално количество електрична енергија и е опремен со систем за брзо полнење. Најголемата предност е тоа што воопшто нема емисија на издувни гасови што го загадуваат воздухот, рече Шилегов.

Во Скопје веќе сообраќаат два екоавтобуси на гас, на линијата број 5 и на линијата број 2.

Шилегов рече дека годинава е предвиден буџет за субвенции за набавка на екоавтобуси во висина од 100 милиони денари и за приватните превозници во висина од 20 милиони денари. Свесни сме дека ова не го решава во целост проблемот со загадувањето на Скопје во зимскиот период, но затоа работиме на тоа еден по еден да ги елиминираме причинителите за загадувањето, на долг рок, нагласи Шилегов.