Агенцијата за вработување во текот на вчерашниот ден објави јавен повик во кој се повикуваат Единиците на локалната самоуправа и Градот Скопје кои се заинтересирани за организирање на јавни работи преку ангажирање на невработени лица со ниски квалификации да се пријават во работниот клуб на АВРМ – Центар за вработување на чие подрачје е седиштето на ЕЛС.

За спроведување на програмата предвидена е финансиска поддршка во износ од 400 денари по ангажирано лице, со вклучен персонален данок на доход и осигурување во случај на несреќа при работа и професионално заболување.

Максималниот број на поддржани лица по општина е 50, а истите можат да бидат ангажирани од страна на општините и Градот Скопје за период најмногу до 22 дена.

За работен ангажман можат да покажат интерес и приматели на социјална помош бидејќи со овој ангажман нема да им се скрати правото на социјална помош.

Нареден неработен ден за сите граѓани на Република Македонија е 1. мај, Ден на трудот кој паѓа во вторник. После споениот викенд за Велигден во кој уживавме во дури 4 слободни денови, не претстои уште еден таков.

Споен викенд ќе имаме и на 24 мај (четврток) кој е неработен ден за сите граѓани на Македонија, а денот потоа, 25. мај (петок) е Духовден, кој е неработен ден за граѓаните од православната вероисповед.

Со измени на Законот се предвидуваат нови давачки за спортските обложувалници кој за еснафот се порака дека Владата сака да му стави крај на обложувачкиот бизнис во Македонија.

Државата планира со новиот закон да го задолжи обложувалниците покрај актуелните давачки да плаќаат дополнителни 1600 евра за секое уплатно место, што според Асоцијацијата на спортски oбложувалници е огромна давачка која ќе ги зголеми месечните давачки за 35 до 40%.

Паралелно со воведувањето на новата давачка, во предлог-законот се предвидува двојно до тројно зголемување на давачките за лиценци со воведување на принцип на дополнителни лиценци за секои нови 50 уплатно-исплатни места, зголемување на банковите гаранции од 300.000 евра на 500.000 евра, и тоа по поединечна лиценца, двојно зголемување на казнените одредби и жестоки нови надоместоци на име на проценка на ризик од Управата за финансиско разузнавање.

Во урбанистичките планови на градот можат да се најдат десетина маркички за згради меѓу 12 и 62 ката – пишува порталот Скопјеинфо.мк

Па така четирите згради на Џеваир во Аеродром нема да бидат највисоки кули во градот.

Идејата за изградба на облакодери на паркинг просторот спроти хотелот „Холидеј Ин“ повторно се актуелизираше пред неколку години.

Турскиот инвеститор „Окан Јатарм“ сакаше да гради седум висококатници на оваа атрактивна локација во строгиот центар на Скопје.

Самото градежно земјиште се наоѓа во мешовита сопственост, дел од парцелите се во државна сопственост, додека преостанатите локации ги поседуваат приватни лица. Од друга страна, идејата на турскиот инвеститор не завршуваше тука, па така тој би сакал да добие во своја сопственост и дел од земјиштето во Ново маало. – информираат од Скопјеинфо.мк

Водено на местото на Скопски саем ќе се изгради голем трговски центар и повеќе деловно-станбени објекти. Во тек е и зградбата на грандиозен комплекс и тунел кај трговскиот центар Рамстор.