Промовирани огласи »

Над 7.300 слободни работни места во Агенцијата за вработување

На јавниот портал на Агенцијата за вработување во моментов стојат отворени огласи преку кои македонските компании бараат работници за ангажирање во над 7.300 моментално слободни работни места

На јавниот портал на Агенцијата за вработување во моментов стојат отворени огласи преку кои македонските компании бараат работници за ангажирање во над 7.300 моментално слободни работни места.

Се бараат разни видови на профили на работници, со различен степен на образование, стручност, искуство и во разни стопански и нестопански дејности, од страна на компании кои се лоцирани во различни региони и општини во државата. Финансиски службеници, комерцијалисти, наставници, сметководители, но и возачи, келнери, шивачи, работници во производство, обезбедувачи се само дел од профилите на кадар за кој се објавени огласи од страна на македонските деловни и неделовни субјекти.

Сите овие огласи се јавни и видливи и секое заинтересирано лице може да ги види на веб страната на АВРМ – аврм.гов.мк што претставува исклучително корисна платформа преку која значително се овозможува доближување на понудата и побарувачката на работа.

На оваа веб страна постојано се ажурираат податоците и граѓаните преку неа може да се запознаат со сите слободни работни места за кои се распишани огласи од страна на компаниите за нивно пополнување и е добра можност за лицата кои се невработени или пак кои бараат работа детално да се запознаат со моменталната состојба на пазарот на труд и доколку ги исполнуваат предвидените услови да аплицираат на истите.

Промовирани огласи »

Два часа рекреација на Водно ќе ве чини 150 денари за паркинг

Сто денари за првиот час, а секој нареден час по 50 денари ќе чини паркирање во А0 зоната во Скопје

Два часа рекреација на Водно ќе ве чини 150 денари за паркинг. Ова предвидува вчерашната одлука на Советот на Град Скопје со која се воведува А0 зона за паркирање и која предвидува првиот час да чини сто денари, а секој нареден час по 50 денари.

Сто денари за првиот час, а секој нареден час по 50 денари ќе чини паркирање во А0 зоната во Скопје.

Ова е наведено во Одлуката за дополнување на Ценовникот на ЈП „Градски паркинг“, која на вчерашната седница ја донесе Советот на Град Скопје.

Одлуката е на предлог на скопскиот градоначалник Петре Шилегов, а ќе стапи во сила веднаш по објавувањето.

ЈП „Градски паркинг“ досега немаше А0 зона за паркирање.

Промовирани огласи »

Сведочењето на Марк Закерберг ги дигна на рекорд акциите на Facebook

Што откри шефот на Facebook за злоупотребата на личните податоци на корисниците?

Марк Закерберг, основачот и директор на најпопуларната социјална мрежа Facebook, со неговото сведочење пред комитетите на американскиот Конгрес успеа да ги дигне акциите на компанијата на рекордно ниво во последните повеќе од две години, а притоа и да се одбрани од нови последици по скандалот со контроверзната компанија Cambridge Analytica. 

Закерберг пет часа одговараше на прашањата на американските конгресмени кои поведоа истрага откако се дозна дека Cambridge Analytica имале пристап до податоците на 87 милиони корисници на Facebook добиени од страна на надворешен девелопер со кои правеле политички стратегии за кампањата на претседателот Доналд Трамп.

Според Закерберг, Facebook знаел дека Cambridge Analytica ги има овие податоци и побарале од нив да ги избришат но, не ја известиле јавноста, ниту пак корисниците. Податоците секако биле искористени за политички цели, а веќе се води истрага во Велика Британија каде е лоцираната посочената компанија. 

Закерберг го одбрани Facebook кога е во прашање чувањето на личните податоци на корисниците тврдејќи дека тие никогаш не им ги откриваат на компаниите кои се огласуваат на нивната платформа, туку посакуваните реклами сами ги поставуваат согласно аналитичките податоци.

Шефот на Facebook, сепак не даде директен и конкретен одговор дали социјалната мрежа ги следи корисниците што прават на интернет и откако ќе се одлогираат, ниту пак даде јасно уверување како неговата компанија ќе се бори со ширењето на говорот на омраза освен што вети дека развива алатки со вештачка интелигенција кои ќе бидат достапни за пет до десет години. 

Промовирани огласи »

Светска банка даде зелено светло за прогресивниот данок

Прогресивниот данок доби зелено светло од Светска банка

Светска банка ја поддржа даночната реформа со која се предвидува прогресивно оданочување, бидејќи рамниот данок повеќе не ги дава очекуваните резултати и е на штета на посиромашните слоеви во земјава, рекоа денеска претставници на банката.

Според СБ, министерството за финансии со оваа реформа се движи во исправна насока, но потребни се подетални анализи дали прагот над кој ќе се воведе повисоката стапка од 18 отсто треба да изнесува 1.000 евра. Македонија по Албанија и Косово е трата земја во регионот која има најниски приходи по основ на даноци.

Според извештајот, Македонија лани има и најмал еконмски раст. Поради продлабочувањето и пролонгирањето на политичката криза значитително се намалиле инвестициите, БДП достигнал 0 проценти. Новоотворените 18.000 работни места не помогнале да се реши и проблемот со невработеноста. Ова е главната причина за високата миграција во странство. Од банката очекуваат годинава економијата полека да закрепнува 2018 да се заврши со раст од 3,2 отсто.

Анализите покажуваат дека Македонија би го достигнала европскиот стандард за 60 години, а ако економијата генерира годишен раст од 5 проценти тоа би можело да се случи и за 20 години.

Вчитај повеќе вести...
барај огласи за вработување »