Европската комисија соопшти дека од вчера, 22 април, стапуваат на сила нови правила за патување со домашни миленици во Европската Унија, кои предвидуваат построги услови за идентификација, документација и здравствена заштита.

Новите мерки се однесуваат на некомерцијални патувања со кучиња, мачки и порови, со цел да се спречи ширење на болести и да се уедначат контролите на границите.

Според новите правила, задолжителна е идентификација на милениците со микрочип кој ги исполнува ЕУ стандардите, како и важечка вакцина против беснило, која мора да биде евидентирана во европски пасош за миленик издаден од овластен ветеринар.

Без соодветна документација, на сопствениците нема да им биде дозволено да патуваат со своите миленици во ЕУ.

Дополнително, се воведува ограничување од најмногу пет миленици по превозно средство, како и прецизни правила за транзит и можни одбивања на влез.

За одредени земји, како Ирска, Малта и Финска, задолжителен е и антипаразитен третман против Echinococcus multilocularis.

Иако дел од мерките веќе стапуваат во сила, одредени правила ќе се воведуваат постепено. Новите здравствени сертификати ќе бидат задолжителни од 1 октомври 2026 година, додека целосните барања за идентификација и пасоши ќе важат од 1 јануари 2028 година.

Европската комисија посочува дека целта е зголемена безбедност и заштита на јавното здравје, без да се наруши слободното движење во Унијата.

Тагови: документи ЕУ кучиња

Пивара Скопје е една од водечките компании во Македонија, заедничко вложување помеѓу Coca-Cola HBC и Heineken. Успешна приказна уште од 1922 година која е резултат на огромна посветеност, енергија, знаење, искуство и тимска работа вложени од генерации професионалци.

Моментално вработува:

Лидер за дигитални технологии (м/ж)
Возач/дистрибутер
Специјалист за безбедност (м/ж)

Се уште невработени?! Сите останати активни работни позиции ќе ги најдете ТУКА.

Тагови: Пивара Скопје АД

Темата за транспарентност на платите долго време беше табу во деловниот свет. Денес, сè повеќе компании размислуваат за отворање на овие информации како начин за градење доверба и правичност. Но, дали споделувањето на платите навистина води кон еднаквост, или може да предизвика нови тензии во организацијата?

Транспарентноста како алатка за еднаквост

Еден од најсилните аргументи во корист на отворените информации за плати е намалувањето на нееднаквостите. Кога вработените имаат увид во платните структури, полесно се откриваат потенцијални разлики кои не се базирани на перформанси, искуство или одговорности. Ова е особено важно во контекст на родова еднаквост и спречување дискриминација.

Транспарентноста исто така може да ја зголеми довербата во менаџментот. Кога компанијата е отворена за тоа како ги одредува платите, вработените имаат поголемо чувство на фер третман. Ова позитивно влијае врз ангажираноста, мотивацијата и задржувањето на таленти.

Дополнително, јасните платни рамки им помагаат на вработените подобро да ги разберат своите можности за напредок. Наместо да се потпираат на претпоставки, тие имаат конкретни информации за тоа што е потребно за да преминат на повисоко ниво.

Кога транспарентноста создава конфликт

Сепак, отворањето на платите не е без ризици. Една од најчестите последици е појавата на незадоволство кај вработените кои ќе откријат дека нивната плата е пониска од онаа на колеги со слични позиции. Дури и кога постојат оправдани причини (искуство, резултати, специфични вештини), перцепцијата за неправда може да создаде тензии.

Транспарентноста може да поттикне и нездрава споредба. Наместо фокус на личен развој, вработените може да се насочат кон тоа „кој колку заработува“, што ја нарушува тимската динамика.

Дополнително, ако компанијата нема јасно дефинирана и конзистентна платна политика, отворањето на информациите може да открие структурни проблеми што пак бара време, ресурси и сериозни промени за да се решат.

Клучот е во начинот на имплементација

Транспарентноста на платите не е „сè или ништо“ пристап. Успешните компании внимателно го планираат начинот на кој ги споделуваат овие информации. Наместо да ги објават индивидуалните плати, тие често користат платни опсези, јасни критериуми за напредување и структури базирани на перформанси.

Комуникацијата игра клучна улога. Вработените треба да разберат како се формираат платите, кои фактори влијаат врз нив и што можат да направат за да напредуваат. Без оваа контекстуализација, транспарентноста може да создаде повеќе проблеми отколку решенија.

Отворените информации за плати имаат потенцијал да бидат моќна алатка за еднаквост, но само ако се имплементираат внимателно и стратешки. Без јасни правила и комуникација, тие лесно можат да се претворат во извор на конфликт.

За компаниите, вистинскиот предизвик не е дали да бидат транспарентни, туку како да ја искористат транспарентноста за да изградат фер, мотивирачка и доверлива работна средина.

Прочитејте и за: Предности и предизвици на работењето од дома наспроти канцелариското работење

Тагови: плата совети за работа

Туристичко-угостителската комора на Македонија утринава испратила допис до грчкото министерство за туризам во кој побарала македонските туристи за време на летниот период да бидат изземени од биометриската контрола при влез во земјата која е задолжителна по воведувањето на новиот европски ЕЕС (систем за влез/излез), пренесува порталот „Слободен печат“.

Денеска стапивме во контакт со грчката министерка за туризам и побаравме македонските туристи да бидат изземени од овој систем во периодот од 1 јуни до 1 септември. Се надеваме дека минисерката ќе го земе предвид нашето барање и дека деновиве ќе добиеме позитивен одговор – изјавил за „Слободен печат“ претседателот на Туристичката комора, Аркан Керим.

Грчката влада донесе одлука граѓаните на Велика Британија да не мора да се подложуваат на биометриска контрола при влегување во земјата. Причината за таквата постапка лежи во стравот од огромни гужви на границите и аеродромите. Имајќи предвид дека 4,89 милиони британски туристи ја посетиле Грција во 2025 година, целта на оваа мерка е да се намали времето на чекање за најбројните гости да влезат во земјата.

Изземање од биометрикста контрола на грчките граници најавуваат и во Србија.

Тагови: EEC Грција Македонија Србија туристи