KARIERA.mk имаше чест да биде дел од настан организиран од ABSL North Macedonia и South East European University (SEEU). Голема благодарност до организаторите и целиот тим за поканата и одличната организација.
Настанот обедини претставници од реномирани компании, како и професионалци од различни индустрии, а фокусот беше ставен на темата „Global Digital City 2026“ – визија за дигитален развој, иновации и иднината на пазарот на трудот. Присутните имаа можност да дискутираат за трендовите во дигиталната трансформација, потребните вештини за иднината и улогата на младите кадри во модерната економија.
Меѓу компаниите што земаа активно учество беше и KARIERA.mk, со цел да им се приближи на студентите и младите професионалци и да им помогне полесно да го направат првиот чекор кон својата кариера.
Во рамки на настанот се одржа и кариерна работилница, каде студентите имаа можност да се запознаат со MojaKARIERA картичката преку кратка презентација, како и да поставуваат прашања и да добијат конкретни совети поврзани со нивното CV и процесот на вработување.
Студентите активно се вклучија во дискусијата околу тоа како да се издвојат на пазарот на трудот.
Што добивате со активирање на МојаКАРИЕРА картичката?
🔹 BASIC – Препорака до компании
Вашето CV ќе биде директно препорачано до компании каде што вашиот профил соодветствува на нивните потреби. KARIERA.mk има изградено одличен партнерски однос со бројни компании во државата, што значително ја забрзува вашата потрага по идеалното работно место.
🔹 PRO – Професионална проверка на CV
Со PRO картичката добивате персонализирана проверка на вашето CV од страна на професионалниот тим на KARIERA.mk, кој секојдневно анализира голем број апликации. Ќе добиете конкретни сугестии и корекции со цел вашето CV да биде јасно, професионално и конкурентно претставено пред потенцијалните работодавци.
Погледнете дел од атмосферата
Во продолжение ви пренесуваме дел од атмосферата од настанот преку галерија од фотографии.
KARIERA.mk останува посветена на поддршка на младите таленти и градење мост помеѓу студентите и компаниите.
Тагови: ABSL North Macedonia Global Digital City 2026 South East European University (SEEU) вештачка интелигенција студенти