Сите знаат дека платата е важна, но ретко кој сака отворено да зборува за неа. Причината? Страв од споредби, тензии и можеби – нарушена доверба. Но во ера на транспарентност, флексибилност и еднакви можности, се поставува логично прашање: дали премногу тајност околу платите всушност ѝ штети на довербата во компанијата?

Зошто платите се тајна

Повеќето компании ја чуваат платата како приватна информација за да избегнат конфликти, љубомора или притисок. Секој има различен профил: искуство, вештини, одговорности, преговарачки способности. Но токму таа „затвореност“ често создава сомнежи – зошто некој зема повеќе, дали има фаворизирање, дали вредноста на трудот навистина е фер проценета?

Транспарентноста како знак на зрелост

Некои организации веќе практикуваат делумна или целосна транспарентност на платите. Тоа не мора да значи дека секој ја знае точната плата на колегата, туку дека постојат јасни рамки, критериуми и платни опсези по позиции. Таквиот систем ја зајакнува довербата, го намалува чувството на неправда и им помага на вработените да знаат каде можат да растат.

Каде е вистинската граница?

Идеалната точка е балансот меѓу приватност и правичност. Вработените имаат право на приватност, но и на транспарентен систем што покажува дека нивната плата не е резултат на субјективност, туку на вредност и придонес. Кога компанијата отворено комуницира за критериумите и политиките за наградување – довербата расте, дури и ако платите не се јавно објавени.

Заклучок: Платата не е само бројка – таа е огледало на културата на компанијата. Колку повеќе се зборува за фер вреднување, толку помалку ќе има потреба од „тајни разговори“ во кујна. Довербата не се гради со тишина, туку со чесна и отворена комуникација.

Прочитајте и за: Како да препознаете дека сте ја надраснале вашата сегашна позиција

Тагови: HR плата совети за работа

Во КС Групација веруваме дека вистинскиот успех се гради преку луѓето. Токму затоа со голема гордост го одбележуваме јубилејот на четворица наши колеги кои веќе деценија се дел од нашето заедничко патување, придонесувајќи со труд, искуство и посветеност во рамки на Евротип и Голд Слот Клуб.

Љупчо Биневски, со својата експертиза во креирањето на коефициенти во Евротип, секојдневно придонесува за фер и конкурентна понуда во спортското обложување.

Антонио Грујовски, дел од тимот за управување со ризик во Евротип, игра клучна улога во следење и анализа на ризиците поврзани со обложувањето. Со својата аналитичност, прецизност и чувство за баланс, тој обезбедува стабилност во системот и сигурност во работењето на компанијата, при што неговата експертиза помага во одржување на фер и одржливи услови и за клиентите и за компанијата.

Маја Нуткова, операторка во Евротип – Неготино, со професионален пристап и тимски дух создава позитивно искуство за секој клиент.

Александра Бошевска, операторка во Голд Слот Клуб, со својата енергија и насмевка придонесува за атмосферата и имиџот на еден од водечките брендови во забавната индустрија.

Евротип и Голд Слот Клуб, како дел од КС Групација, се препознатливи брендови кои повеќе од една деценија поставуваат стандарди во областа на спортските обложувалници и забавните игри. Нивниот успех е резултат токму на луѓето кои стојат зад нив — посветени професионалци што го носат тимскиот дух како главна вредност.

КС Групацијата, која обединува компании од различни сектори како Агроброд, Евротип, Голд Слот Клуб, Голд Фелиција, Премиум Сејфти Солушн, 77 Софт и 77 Ентертејнмент, со задоволство им честита на нашите колеги за нивната јубилејна награда, со благодарност за долгогодишната лојалност, професионализам и придонес.

Ви благодариме што сте дел од нашата приказна – да продолжиме заедно да растеме, создаваме и инспирираме!

Тагови: КС Групација

Во кариерата, растот не се случува секогаш со нова титула или плата. Понекогаш, едноставно — станувате „поголеми“ од местото на кое сте. Тоа не значи дека сте премногу амбициозни, туку дека сте созреале професионално и личносно. Еве неколку сигнали кои покажуваат дека можеби сте ја надраснале вашата сегашна позиција:

1. Работата веќе не ви претставува предизвик

Ако секојдневните задачи ги извршувате „на автопилот“ и ретко кога чувствувате дека учите нешто ново – тоа е првиот знак. Кога рутината ја заменува желбата за развој, вашата улога веќе не ве „расте“.

2. Имате идеи што одат подалеку од вашата улога

Сè почесто гледате подобри начини како може да се направат нештата, размислувате стратешки, а не само оперативно. Ако почнувате да размислувате како лидер, иако не сте во лидерска позиција – тоа е јасен индикатор за следното ниво.

3. Вашите вредности и амбиции се промениле

Можеби она што некогаш ви било важно – стабилност, сигурност или блискост со тимот – веќе не е доволно. Ако чувствувате дека сакате поголемо влијание, повеќе креативност или поголема автономија, тоа значи дека сте подготвени за нешто ново.

4. Веќе не се чувствувате инспирирано

Кога не сте возбудени од проектите, кога успехот не ве исполнува како порано, и кога мотивацијата ја заменува навиката – тоа е знак дека не сте на вистинското место. Не затоа што нешто не е во ред со работата, туку затоа што вие сте пораснале.

5. Луѓето околу вас ве гледаат како ментор

Кога колегите ви доаѓаат по совет, кога ве вклучуваат во одлуки и ви веруваат дури и без формална титула – тоа покажува дека сте прераснале во неформален лидер. Следниот логичен чекор? Формална позиција што ќе го одразува тоа.

Заклучок: Да ја надраснете вашата работа не е неуспех, туку успех. Тоа значи дека сте ја извлекле нејзината целосна вредност и дека сте подготвени за следната фаза од вашиот професионален раст. Наместо да се прашувате „дали треба да си одам?“, прашајте се „што би можел/а да научам понатаму – и каде?“

Прочитајте и за: Вештини кои ја прават разликата меѓу „добар“ и „одличен“ вработен

Тагови: HR нова работа совети за работа

Електричната енергија е составен дел од секојдневниот живот, а уредите што ги користиме дома често трошат повеќе отколку што замислуваме. Во повеќето домаќинства, најголем „потрошувач“ е грејното тело – дали станува збор за електричен радијатор, клима уред во режим на греење, бојлер или подно греење. Овие апарати трошат многу енергија бидејќи мораат да одржуваат стабилна температура, што значи дека работат подолго и со поголема моќност.

Одма по нив следат бојлерите за вода, кои речиси постојано работат за да ја загреат и одржат топлата вода. Најчеста грешка во домаќинствата е оставање на бојлерот да работи нон-стоп, што значително ја зголемува потрошувачката. Слично влијание имаат и апаратите за ладење, како климите и големите фрижидери/замрзнувачи, кои мораат да функционираат континуирано за да ја задржат посакуваната температура внатре.

Иако често не ги забележуваме, има и „скриени“ потрошувачи — телевизори, компјутери, полначи и сите уреди што сме оставиле во stand-by режим. Тие можеби не трошат колку грејните тела, но со постојана употреба и вклученост, нивната потрошувачка се собира. Затоа, рационалното користење и практиките како исклучување бојлери, намалување на температурата за греење и исклучување на уреди кога не се користат можат значително да ја намалат сметката за струја.

Тагови: домашни апарати трошоци електрична енергија