Од утре земјава и практично станува дел од Единствената област за плаќање во евра (СЕПА) со што граѓаните и компаниите ќе можат да вршат плаќања во евра на ист начин како и во земјите од Европската унија.

Од утре, 7 октомври, плаќањата во евра со земјите од Единствената област за плаќање во евра (СЕПА) ќе бидат околу 6 пати поевтини и побрзи! Плаќање од 500 евра кое досега чинеше околу 1.600 денари, од утре ќе чини околу 260 денари. СЕПА значи побрзи, поевтини и посигурни плаќања во евра за граѓаните и компаниите, напиша денеска гувернерот на Народната банка Трајко Славески на платформата „Х“.

На 6 март годинава Европскиот совет за плаќања ја прифати апликацијата на нашата земја, со што станавме членка на СЕПА, со што им се овозможува приклучување на домашните банки во платежните шеми преку кои се извршуваат плаќањата во евра, во географски опсег од 40 земји членки.

Тагови: ЕУ СЕПА Трајко Славески

Министерството за финансии на САД презентираше нацрт-дизајн за монета од еден долар со ликот на претседателот на Соединетите Американски Држави Доналд Трамп, по повод 250-годишнината од Декларацијата за американската независност, која ќе се прослави во 2026 година.

На предната страна од монетата е прикажан профилот на Трамп, со натпис „слобода“ погоре и „1776-2026“ подолу, додека на другата страна е прикажан претседателот како држи крената стисната тупаница со натпис „борба, борба, борба“ и американското знаме во позадина, објавува CNN.

Дизајнот алудира на неговиот говор откако преживеа обид за атентат минатата година.

Портпарол на Министерството за финансии рече дека дизајнот „го одразува трајниот дух на земјата и демократијата, дури и во услови на огромни пречки“.

Сепак, веќе се разви контроверзност на социјалните медиуми, бидејќи законот од 2020 година и претходните закони забрануваат прикажување на живи лица на американски монети и банкноти. Конечниот дизајн на монетата сè уште не е избран, а Конгресот во 2020 година му дозволи на секретарот на Министерството за финансии да кова монети со посебен дизајн за 250-годишнината од Декларацијата за независност на Соединетите Американски Држави.

Тагови: Доналд Трамп САД монета

Македонскиот воздушен простор на 20 и 24 октомври ќе биде целосно затворен поради штрајк на контролорите на летање, соопштија од Синдикатот на контролори на летање (ССКЛМ).

Менаџментот на М-Нав не ги исполнил дадените ветувања, а Синдикатот бараше директорите на контролата на летање да запре со партиските вработувања во М-НАВ, да добие одобрување од Министерството за финансии за оглас за вработување на контролори на летање и инженери, како и распишување тендер за избор на меѓународна независна агенција која ќе изработи анализа за моменталната состојба и за неопходните кадри за нормално функционирање на друштвото.

Иако првично штрајкот беше закажан за 10 јули, контролорите одлучија да го одложат поради извесни придвижувања во исполнување на барањата. Сепак поради застојот во процесот, тие сега повторно застануваат цврсто зад своите ставови.

Од Синдикатот  велат дека 20 октомври е избран како почетен датум по завршувањето на локалните избори, за да не се дозволи на раководството на М-НАВ да ја искористи ситуацијата и да го етикетира штрајкот како политички мотивиран.

Синдикалците дополнително предупредуваат и на притисоци врз вработените од страна на раководството на М-НАВ, со цел да се спречи нивното учество на претстојните состаноци на синдикатите.

КЛУЧНИТЕ БАРАЊА НА СИНДИКАТОТ

• прекин на партиски вработувања во М-НАВ,
• одобрување за нови огласи за вработување контролори на летање и инженери,
• распишување тендер за избор на независна меѓународна агенција која ќе изготви функционална анализа на потребите на претпријатието.

Тагови: ТАВ Македонија ССКЛМ

Есенската сезона е совршено време да ја освежите гардеробата со стилска, практична и топла јакна. Од класични модели до модерни трендови – оваа есен нуди одличен избор за секој вкус. Ви ги претставуваме 3-те најдобри јакни за оваа сезона.

1. Кожна јакна

Вечен класик што никогаш не излегува од мода. Совршена е за комбинирање со фармерки, чизми или дури и елегантен фустан.

2. Тренч мантил

Елегантен и практичен за дождливите есенски денови. Лесен за стилско комбинирање – било во канцеларија или за вечерно излегување.

3. Пухена јакна

За оние што сакаат удобност и топлина, пухените јакни се задолжителни. Оваа есен се модерни и пократки, урбани модели во живописни бои.

Оваа есен ќе владеат комбинации на класика и модерни трендови. Без разлика дали ќе се одлучите за кожна јакна, елегантен тренч или практична пухенка – важно е да изберете модел што одговара на вашиот стил и потреби. Со вистинската јакна, ќе бидете и топли и стилски во текот на целата сезона.

Тагови: есен мода тренд јакни