Во Србија веќе се отвори нова страница во пензискиот систем: мајките ќе добиваат „посебен стаж“ кој директно ќе им ја зголеми идната пензија.
Од 2032 година ова право ќе го имаат и оние со едно или две деца, додека мајките со три и повеќе деца ќе може да аплицираат веднаш.

Со тоа, на пример, жена која има 30 години работен стаж, ќе биде третирана како да има 32.

Разликата на хартија изгледа скромно, но во реалноста – тоа значи повисока пензија, повеќе сигурност, па и една доза признание за нешто што одамна требаше да биде вреднувано: мајчинството.

Системот не е измислен во Белград – напротив, Србија само го следи патот на дел од земјите во ЕУ.

Во Германија уште во 2014 година се воведе дополнителен стаж за мајките (и татковците, па и старатели и баби и дедовци) со што милиони жени добија повисоки примања на старост.

Од 2027 година таму дури и ќе се исплаќаат по 20 евра месечно по дете. Слични мерки има и во Австрија, Франција, Шведска…

А кај нас? Македонија одамна ја води истата битка со демографијата – празни села, младите заминуваат, бројот на новороденчиња паѓа од година во година.

Прашањето кое сè почесто се поставува е дали државата ќе има храброст да воведе вакви мерки и кај нас.

Да, тоа би чинело пари. Но ако не се вложи сега, ќе платиме уште поскапо подоцна, кога цел еден систем на пензиско осигурување ќе почне да се ломи под тежината на бројките.

Економистите предупредуваат: буџетот е веќе на раб, но со внимателно моделирање на системот – можеби постепено воведување или ограничување на поволностите само за мајки со повеќе деца – државата би можела да го издржи товарот.

Од друга страна, ова не е само финансиска мерка, туку и јасен сигнал дека мајчинството е општествена вредност.

Ова не е само прашање на финансии, туку на визија. Доколку сакаме да ја стимулираме наталитетната политика и да создадеме чувство на сигурност кај младите родители, мора да им дадеме реална поддршка. Признавањето на мајчинството како работен придонес би било силна порака дека државата ги цени семејните вредности. Да, ќе има финансиски товар, но тоа е инвестиција – а инвестициите во луѓе секогаш се најисплатливи, коментираат експертите.

Ќе има ли слух за тоа? Засега молк. Но како што се движи ситуацијата, се чини дека дебатата неминовно ќе дојде и во Скопје.

И можеби порано отколку што мислиме…

Тагови: пензија Србија стаж

Целосно затемнување на Месечината годинава за сите љубители на астрономијата!

На 7 и 8 септември 2025 година ќе можеме да го видиме редок феномен на „Крвава месечина“. Цели 82 минути, Месечината ќе биде обвиена во темноцрвен сјај, создавајќи спектакл кој ќе биде достапен за скоро 7 милијарди луѓе на планетата.

Најдолгото затемнување од 2022 година

Тоа ќе биде најдолгото целосно затемнување на Месечината од 2022 година и околу 85 проценти од светската популација ќе има привилегија да го набљудува. Спектаклот ќе ги воодушеви сите, особено тие во делови од Азија, централна и источна Африка, како и Австралија, каде што Месечината ќе се гледа во целосно црвена фаза.

Незаборавен призор на глобално ниво

Области од остатокот од Африка, Европа и делови од Австралија, како и источниот брег на Бразил, ќе бидат сведоци на барем дел од овој уникатен спектакл. Не пропуштајте ја шансата да бидете дел од овој небесен спектакл!

Тагови: месечина Крвавата месечина

Нема повеќе безгрижно шетање по улица со слушалки или зборување на мобилен телефон додека преминувате улица – ова е новата реалност која ја поставува Владата преку предложените измени во Законот за безбедност на сообраќајот на патиштата. Овие измени кои сега доаѓаат пред Собранието, ќе наметнат нови, построги правила, не само за пешаците туку и за велосипедистите и возачите на електрични тротинети.

Со новите измени, пешаците кои ќе бидат фатени користејќи електронски уреди додека преминуваат улица или велосипедска патека, ќе бидат казнети со глоба од 40 евра. Мерките се стремат кон зголемување на вниманието и безбедноста на сите учесници во сообраќајот. Ваквите казни се применуваат и на велосипедистите, но со повисок износ од 50 евра, како и за возачите на електрични тротинети.

Овие измени истовремено се совпаѓаат со системот „Безбеден град“, кој најпрвин ќе стартува во Скопје, Тетово и Куманово со можност за проширување низ целата држава до 2026 година. Во контекст на општествената безбедност, ваквите мерки се поддржани и од глобалните истражувања кои укажуваат на сериозни опасности поврзани со користењето на слушалки во сообраќајот.

Тагови: казни Сејф сити - Безбеден град слушалки

Дубаи, симбол на луксуз и едно од најпосакуваните места за британските иселеници, станува сѐ помалку атрактивен поради наглото зголемување на трошоците за живот. Сѐ повеќе странци се враќаат во своите матични земји, а популарната фраза од социјалните мрежи „Habibi, don’t come to Dubai“ станува реалност и надвор од интернетот.

Според финансискиот директор на осигурителната компанија „William Russell“, Рос Ирвајн, Дубаи полека го губи својот сјај. - Години наназад беше рај за иселениците – без даноци на плати, сонце во текот на целата година и динамичен живот. Но, трошоците за живот нагло пораснаа, цените на кириите достигнуваат рекорди, а образованието и здравството се сѐ поскапи. Секојдневните трошоци, од храна до забава, се значително поголеми од порано,  рече Ирвајн.

Чарли Морган, кој се преселил во Дубаи во 2023 година, по две години одлучил да си замине и покрај високата заработувачка. – Проблемот со Дубаи е што сите планираат да си одат. Тоа е град со ротирачки врати, изјави тој.

Многу Британци се жалат дека трошоците се неодржливи, а притисокот да се следи наметнатиот луксуз е преголем.

Дубаи денес е 15-ти најскап град за живот во светот и најскап на Блискиот Исток, со пораст на цените на недвижностите од 21 отсто – повеќе од Тел Авив, Мајами, Чикаго, Париз и Берлин, иако Лондон останува поскап.

Тагови: градови Дубаи најскапи