Семејството Иванови од Неготино е семејство кое секојдневно се соочува со големи предизвици. Драгица и Стефан се деца на Светлана и Трајче кои имаат дијагностицирана церебрална парализа. Иако во семејството секогаш постои позитивна енергија која несебично ја делат со секој посетител на нивниот дом, секој ден станува се потешко преместувањето на децата од една во друга соба. 

Кран дигалката, која во текот на вчерашниот ден, беше доставена во домот на Иванови, ќе им биде од огромна корист. Со помош на дигалката, децата ќе може слободно да се преместуваат во било која од собите од домот и многу полесно да се извршуваат секојдневните обврски. Како што раскажува мајката Светлана, до сега, секој ден таткото Трајче пред одење на работа морал заедно со неа да ги преместува децата, а сега може слободно и таа самата да го прави ова. 

Иницијативата за донесување на дигалката во домот на Иванови потекнува од повеќе места. Значаен дел има Ристо Стефанов од Неготино, кој е среќниот добитник од наградната игра Ново Лото 7/34 од пред еден месец, кој веднаш по добивката, се упатил кон домот на Иванови за да им донира одредена сума од парите. 

Покрај господинот Стефанов, во целиот процес се вклучени и активистите на граѓанската иницијатива „И ЈАС СУМ“ од Неготино, кои на вчерашниот ден во домот на семејството, беа претставени од активистот Симон Андов. Огромен удел во донацијата имаат и вработените и одговорните во „Медикус Хелп“ кои се вклучиле во донацијата и успешно го доставиле производот на адресата на фамилијата Иванови. 

Хуманиот потег на сите лица вклучени во донацијата е од огромна корист за целото семејство, особено за родителите бидејќи сега околностите се многу полесни за нив. 

Повеќе за оваа вест може да прочитате на следниов линк: http://www.rtk.mk/index.php/kavadarci/2491-semejstvoto-ivanova-od-negotino-dobija-kran-digalka.html

Шефот на Конфедерацијата на турските трговци и занаетчии Бендеви Паландокен ја повика земјата да се откаже од системот на „All Inclusive“, кој е толку посакуван од многу туристи. 

Тој е сигурен дека ова е најефективниот начин да натераат туристите да посветат внимание на знаменитостите. 

Бендеви Паландокен верува дека повеќето туристи ја гледаат Турција само по патот до и од хотелот и немаат информации за природата и културата на земјата. 

Ако се укине системот на „All Inclusive“, туристите ќе го напуштаат хотелот и ќе посетуваат почесто знаменитости и ќе купуваат. Ова ќе овозможи заживување на секторот на занаетите и ќе придонесе на некој начин за подобрување на економијата. тврди тој.

Тагови: туристи

Што се случува со човек кој нема никаква социјална активност? Погледнете го овој интересен експеримент за тоа како се однесува еден човек кој нема никаква комуникација со надворешниот свет, затворен во својот стан - НЕВЕРОЈАТНО!

Кога не ви се допаѓа работата, тоа може негативно да влијае на секој аспект од вашиот живот. Поминувате една третина од денот на работа и штета е доколку сте несреќни за цело тоа време. Што е тоа што може да го направите во врска со ова? 

На располагање ви стојат две опции - може да пронајдете нова работа или да започнете нвоа кариера. Менувањето работни места не е лесно, но промената на кариера е уште потежок процес кој бара долго време на подготовка. Некои прашања кои треба да си ги поставите и она што треба да го дефинирате за себеси, може да бидат следниве: 

• Не го сакате вашето работно место, но уживате во работата

Одлично време за промена е кога се уште си ја сакате работата која ја работите, но вашиот претпоставен не е во добри односи со вас, имате соработници кои ви ја отежнуваат работата или едноставно, премногу време трошите во сообраќајот. 

• Не ви се допаѓа работата, но не сте сигурни зошто

Тешко е го работите она што го сакате ако не знаете дали коренот на вашиот проблем е тоа што не сте задоволни од вашиот работодавач или воопшто од одговорностите кои ги имате. Ако се уште не можете јасно да одговорите на оваа дилема, пробајте да побарате нова работа пред да направите било што. Промена во кариерата е огромен чекор, посебно ако за новата позиција потребен е дополнителен тренинг. 

• Задоволни сте од вашиот претпоставен и вашата работа, но имате проблем

Во основа, она што го работите ви се допаѓа, не ви создава дополнителна нервоза, меѓутоа нешто не се вклопува сосема, решението можеби да е токму во пронаоѓање на нова работа. На пример, ако работите во продажба и ви е доста интересна интеракцијата со потрошувачите, но ви е здосадено од производот/услугата која ја продавате, различниот производ за продажба може да доведе ново ниво на задоволство во вашиот живот. 

• Многу сте среќни од вашите колеги и шефот, но не и од вашиот избор на кариера

Ако не сте задоволни со вашата кариера, промената токму таму е она што ви е потребно. Доколку сте во добри односи со вашите претпоставени и соработници, сепак, не мора да брзате. Може да останете на таа работа додека не сте подготвени да продолжите, но искористете го паметно тоа време. Истражете се себеси и дефинирајте кои кариери најмногу ви одговараат. Потоа истражете ги оние кои најмногу ве интересираат, за да може да научите за нив. Следен чекор е потрага на тренинг или обука за соодветната позиција која сте ја одбрале, додека се уште сте вработен на првото работно место.