Извршните директори на „Рено“ и „Стеланис“ предупредуваат дека автомобилите станале недостапни поради европските регулативи. 

Двајцата извршни директори велат дека ЕУ е премногу еднострано посветена на електричните автомобили.

Тие повикуваат на радикално и брзо поедноставување на европските прописи, за да можат повторно да понудат прифатливи и популарни автомобили. Тоа укажува на вишок правила што ги прават автомобилите потешки, посложени и поскапи. Според Џон Елкан од „Стеланис“, Европа е единствениот голем пазар кој сè уште не се опоравил на нивоата пред Ковид.

Минатата година во Европа беа продадени 15 милиони автомобили, во споредба со 18 милиони во 2019 година, пишува HAK.

Помеѓу 2015 и 2030 година, цената на автомобил како „Рено Клио“ ќе се зголеми за 40 проценти, од кои 92,5 проценти се должат на регулативите. Малите градски автомобили речиси исчезнаа како резултат на тоа: нивниот пазарен удел падна од 50 проценти на едвај 5 проценти, вели Лука де Мео, извршен директор на Рено.

Де Мео го осудува фактот дека европските правила се дизајнирани за поголеми, поскапи возила, што ги прави малите автомобили речиси непрофитабилни. Задолжителните технологии како што се системите за помош на возачот или заштитата на пешаците водат до високи фиксни трошоци, кои се подеднакво значајни и кај компактните автомобили и кај поскапите модели.

Извршните директори се залагаат за поедноставување на европските правила, како што претходно вети претседателката на Комисијата, Урсула фон дер Лајен. До 2030 година се планирани уште сто нови правила, што би ги зголемило цените на автомобилите за четириесет проценти.

Двајцата извршни директори велат дека ЕУ е премногу еднострано фокусирана на електричните автомобили. Заменувањето на старите, загадувачки автомобили е поважно отколку фокусирањето само на модели со нулта емисија. Според Елкан, други региони, како што се Кина и САД, спроведуваат силни индустриски стратегии, додека Европа е заглавена помеѓу слаби национални буџети и слаба Комисија.

Земјите ширум светот ги заштитуваат своите автомобилски индустрии, освен во Европа – заклучува Де Мео.

Тагови: автомобили Европска Унија Рено

Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

H&M е компанија водена од вредности која сака да го поведе патот кон поинклузивен свет. За нас, Разновидноста и инклузијата се однесуваат на тоа кои сме ние и кои сакаме да бидеме. Придружете ни се во правењето стилот поодржлив, а модата поинклузивна. Во H&M, ве покануваме да бидете свои и ве предизвикуваме да растете и да направите разлика. Добредојдовте во H&M, каде што можете да бидете свои и повеќе.

Моментално вработува:

СОВЕТНИК ЗА ПРОДАЖБА
ОДГОВОРНО ЛИЦЕ ЗА БЛАГАЈНА

Секој член на тимот на Фитнес Хаус е подеднакво вложен во создавање удобна, топла и модерна атмосфера во која може да се ужива во храната од нашето мени. Процесот на подготовка во кујната се одвива според највисоките стандарди, а крајниот резултат секогаш се служи љубезно и пријателски. Убедени сме дека пристапот е подеднакво важен како и квалитетот што го служиме.

Моментално вработува:

КЕЛНЕР/КА - ШАНКЕР/КА - НАС.АЕРОДРОМ
ГОТВАЧ/КА - ПОМОШНИК ГОТВАЧ/КА – АЕРОДРОМ
САЛАТЕР/КА – ЦЕНТАР
САЛАТЕР/КА - ПОМОШНИК ГОТВАЧ/КА – АЕРОДРОМ

Алкалоид AД Скопје е компанија која повеќе од осум децении работи на производство на лекови, преработка на билни суровини и на производство на козметички и на хемиски производи.

Моментално вработува:

ПОСТАР СПЕЦИЈАЛИСТ ЗА УПРАВУВАЊЕ СО ТАЛЕНТИ

Лидл е семеен бизнис заснован на едноставна филозофија: дека клиентите заслужуваат најквалитетни стоки и намирници по цени што секој може да си ги дозволи. Веќе повеќе од четириесет години, уникатниот пристап на Лидл ги менувa и подобрувa заедниците во 30 земји, каде што Лидл се прошири и оперативно работи со околу 12.200 продавници и вработува повеќе од 376.000 луѓе.

Моментално вработува:

ЗАМЕНИК МЕНАЏЕР НА МАРКЕТ

ВДЛ Ван Хоол Македонија е дел од холандската Групација ВДЛ. Компанијата дојде во земјава во 2012 година кога ја изгради и фабриката во Технолошко индустриската развојна зона Скопје2 во Бунарџик, со што ја врати традицијата на автобуската индустрија во земјата.

Сите огласи од Ван Хоол Македонија можете да ги најдете ТУКА.

Cleanex Professional е агенција која се занимава со хигиенско одржување на станбени објекти, заеднички површини на станбени и деловни простории, хигиенско одржување на деловни простории, угостителски објекти, канцеларии и санитарии. Вршиме длабинско чистење на сите видови теписи, теписони, синтелони, тапациран мебел и хемиско чистење на возила. Работиме со најнова технологија и професионални препарати за чистење од програмата на Hagleiter - Austria, TTS, Unger – Germany u Elsea – Italy со проверен квалитет и безбедност во работењето.

Моментално вработува:

ВОЗАЧИ - ОХРИД И СТРУГА
ОПШТИ РАБОТНИЦИ - ОХРИД И СТРУГА
ХИГЕНИЧАР/КА - ОХРИД И СТРУГА

ПроКредит Холдинг (ProCredit Holding) е матична компанија на глобалната групација на ПроКредит Банки. ПроКредит Холдинг е посветен на проширување на достапноста на финансиските услуги во земјите во развој и економиите во транзиција, преку основање групација на банки кои се лидери во обезбедување фер и транспарентни финансиски услуги на многу мали, мали и средни претпријатија, како и за целокупната популација во земјите во коишто функционираат.

Моментално вработува:

СОВЕТНИК ЗА КЛИЕНТИ ВО ЕКСПОЗИТУРА СТРУМИЦА

Групацијата Виндија опфаќа 14 компании, од кои 8 се со седиште во Хрватска и 6 во соседните земји. Вработува повеќе од 4.000 луѓе. Беспрекорниот квалитет на производите на Виндија е препознаен на бројни меѓународни саеми, што со гордост ја направи компанијата добитник на бројни награди.

Моментално вработува:

ВОЗАЧ ДИСТРИБУТЕР - Ц КАТЕГОРИЈА

Зегин ДОО е првата приватна компанија во Република С. Македонија регистрирана за продажба на лекови.

Сите огласи од Зегин можете да ги најдете ТУКА.

Се уште невработени?! Сите останати активни работни позиции можете да ги најдете ТУКА.

Европската унија планира да воведе царини за авионите на американската компанија „Боинг“, додека ЕУ се подготвува за нови одмазднички мерки во случај на неуспех на трговските преговори со Вашингтон.

Европската комисија, која управува со трговската политика на ЕУ, има намера да вклучи цивилни авиони на листата на американски увозни производи во вредност од околу 100 милијарди долари годишно, кои би биле предмет на царини, објави „Фајненшл тајмс“, повикувајќи се на два извори запознаени со планот.

Овие мерки, кои членките на ЕУ мора да ги одобрат со квалификувано мнозинство, би стапиле во сила само ако нема задоволителен напредок во преговорите со Соединетите Американски Држави (САД) за намалување на американските царини за европски стоки.

Шефот на европската трговија, Марош Шефчовиќ, објави дека ЕУ не е под притисок да прифати нефер трговски договор со САД. Боинг и Европската комисија сè уште не одговорија на барањата на Ројтерс за коментар.

Европската Унија моментално се соочува со американски царини од 25 проценти за извоз на челик, алуминиум и автомобили, како и со реципрочни царини од 10 проценти за речиси сите други стоки, вклучувајќи ги и авионите, кои би можеле да се зголемат на 20 проценти откако ќе истече тримесечниот мораториум воведен од американскиот претседател Доналд Трамп на 8 јули.

Европските авиокомпании имаат нарачано стотици авиони од „Боинг“, потпирајќи се на растечкиот воздухопловен пазар, но потенцијалните царини би можеле значително да ја зголемат цената на тие авиони. Извори од индустријата велат дека ЕУ сака да го избалансира третманот помеѓу „Боинг“ и европскиот производител „Ербас“ преку одмазднички мерки поради американските царини.

За разлика од претходниот трговски конфликт во 2020 и 2021 година, европските и американските авиокомпании сега се обединети во повикот за укинување на сите тарифи.

Тагови: Европска Унија САД Боинг

Министерот за дигитална трансформација, Стефан Андоновски вчера гостуваше во емисијата „За или против’’ на Алфа телевизија, каде што соопшти една новина, а тоа е првиот налог за забрана на 53 нелегални приредувачи на онлајн игри на среќа.

Би сакал да истакнам една новина, го потпишав првиот налог за забрана на 53 нелегални приредувачи на онлајн игри на среќа. Со ова се забрануваат 53 портали коишто нелегално приредувале игри на среќа во Македонија и на коишто се прикачени македонски играчи на игри на среќа, знаеме дека се од Македонија затоа што се приклучуваат од македонски адреси и ги трошат своите пари, појасни Андоновски.

Министерот додаде дека овие портали кои се нелегални, за краток период ќе бидат забранети.

Овие 53 портали се најактивните, што значи дека имаат најголем број на играчи и најмногу средства, налогот го испративме до АЕК која што во најбрз можен рок, а најдоцна до 7 дена, треба да го препрати до телеком операторите коишто се во Македонија, а тие веднаш да постапат и да ги забранат, додаде тој.

Андоновски исто така објасни дека ова е само прв налог за забрана на портали, бидејќи овие 53 се најкористените од нашите сограѓани и дека во следниот период ќе следат уште портали. Тој дополни дека проблемот е и во тоа што парите и информациите што ги предаваат граѓаните кон овие портали, немаме информација каде одат, а многу лесно може да се искористат на штета на граѓаните.

Имаме група на приредувачи на игри на среќа, коишто потекнуваат од Македонија, но веб страниците се регистрирани на некои други домени, односно не се точка мк, туку точка нет, или точка ком и така натаму, знаеме дека се од Македонија и тука веќе имаме опасност затоа што тука може да се крадат средства. Не знаеме воопшто каде одат средствата на граѓаните, не знаеме каде одат нивните лични податоци коишто тие ги ставаат на тие портали. Затоа и ги таргетиравме најкористените портали,  а веднаш во следниот период, кога ќе помине оваа прва фаза, подготвуваме втор налог и мислам дека во рок од еден месец, ќе стигнеме и до 160 портали, заврши Андоновски.

Тагови: Стефан Андоновски онлајн игри на среќа казино портали