Скопје се соочува со висок степен на загаденост утринава, според податоците од мерните станици. Највисоките вредности се забележани во Лисиче, каде нивото на ПМ10 честички изнесува 76, што укажува на висока загаденост.

Други општини како Миладиновци и Центар бележат нивоа од 41 и 40 соодветно, покажувајќи нормална до висока загаденост. Граѓаните се советуваат да избегнуваат надворешни активности и да носат маски за заштита од честичките.

Концентрација на ПМ10 честички во воздухот измерена во 05ч. Дозволена количина 50 µg/m³.

Скопје

Македонија

Гевгелија, Гостивар, и Тетово се трите града со највисоки концентрации на ПМ10 честички во Македонија денес, со измерени вредности од 64, 64, и 63 микрограми на кубен метар соодветно. Овие вредности влегуваат во категоријата на висока загаденост, што ја надминува нормалната граница и укажува на потреба од внимание и претпазливост.

Во други градови забележана е умерена загаденост, како што е случајот во Струмица со 54 и Битола со 48. Остатокот од земјата, вклучувајќи го и Скопје, имаат пониски нивоа на ПМ10 честички, а во Лазарополе гарнција за чист воздух со вредност од само 6 микрограми на кубен метар. Загрижува податокот дека дури и во овие градови, вредностите се близу или над нормалната граница.

Концентрација на ПМ10 честички во воздухот измерена во 05ч. Дозволена количина 50 µg/m³.

Скопје

Македонија

Во текот на вчерашните активности на полициските службеници од сите осум сектори за внатрешни работи при БЈБ на МВР, во рамки на засилените сообраќајни контроли на патиштата низ државава, издадени беа 809 платни налози, додека пак наплатени беа 486 прекршочни платни налози.

Притоа, забележлив е континуитет на актуелниот статистички тренд во поглед на сторените прекршоци согласно Законот за безбедност на сообраќајот на патиштата. Така и натаму најбројни се случаите на непрописно паркирање (264), и прекршоците по основ на движење со брзина поголема од дозволената (232). Во шест случаи откриени се алкохолизирани возачи, 11 возачи минале на црвено светло, а прекршочни пријави заработиле 18 пешаци. Исто така по основ на неносење сигурносен појас изречени се 46 казни, по основ на недозволено говорење на мобилен телефон при возење – 23 прекршоци, а во 56 случаи откриени се возачи што управувале возила без возачки дозволи.

Инаку, за очекување е дека завршувањето на активностите на кои што Министерството работи изминативе месеци – законските измени што треба да овозможат оперативно функционирање на проектот, односно системот за автоматизирано регистрирање сообраќајни прекршоци, односно за нов дигитализиран и автоматизиран механизам во контролата на сообраќајните правила и прописи – „Безбедна држава“ во многу да допринесе за подигање на нивото на сообраќајна култура и сообраќајна безбедност низ патиштата во државата.

Поставувањето на камерите се очекува да биде завршено во текот на оваа 2025 година, а системот ќе регистрира сообраќајни прекршоци како што се минување на затворен сигнал (црвено светло), возење со брзина поголема од дозволената, непрописно паркирање и друго, информираа од МВР. 

Тагови: Министерството за внатрешни работи

Во системот на Управа за јавни приходи, за четвртиот квартал од 2024 година за 5,157 кориснички профили нема точни или ажурирани податоци со што не можат да им бидат исплатени средствата, инфомираше УЈП.

Корисниците на МојДДВ кои немаат исплата насредства за претходни тримесечје, треба да проверат дали во апликацијата имаат оставени точни податоци за трансакциска сметка на нивно име за да може системот на УЈП да ја изврши исплатата, стои во соопштението од каде укажуваат на најчести грешки кои го одложуваат процесот на исплата:погрешно внесена трансакциска сметка, внесена трансакциска сметкана друго лице, наместо трансакциска сметка внесен број на платежна картичка, внесена трансакциска сметка која непостои или е згасната.

УЈП додава дека во тек е исплатата на средствата за скенираните сметки во период октомври – декември кон 496,543 корисници. Според пресметките по основ на МојДДВ.ќе бидат исплатени над 870 милиони денари. Законскиот рок за исплата на повратот за четвртиот квартал е до 28.02.2025 година.

Откако ќе заврши реализацијата на редовниот поврат (четврт квартал), УЈП ќе отпочне и со реализација на средствата за корисниците кои имале неажурирани податоци и немало можност да се исплатат средствата во минатите квартали. 

Тагови: Мој ДДВ УЈП