Владата одобри субвенции за нискобуџетни авиолетови за германската авиокоманија „Луфтханза“ и „Визер“ како резултат на претходно објавениот повик од Министерството за транспорт и врски.

Финансиската поддршка ќе изнесува седум евра во денарска противвредност по патник во заминување превезен од Меѓународниот аеродром Скопје. Сумата која може да се исцрпи оваа година е 1,1 милион евра.

„Луфтханза“ ќе воведе една нова авиолинија - од Скопје до Франкфурт, а „Виз Ер“ четири, - од Скопје до Луксембург, Штутград, Салцбург и до Љубљана, како критериум за исполнување на условот за субвенционирање.

„Луфтханза“ ќе лета од Скопје до Франкфурт од 23 април десет пати неделно, а „Виз Ер“ за новите четири дестинации три пати неделно од 1 ноември годинава. 

Со „Луфтханза“ преку Франкфурт се поврзуваме со повеќе од 200 дестинации. Преку субвенцонирање на авиолинии овозможуваме раст на економијата и на авиосообраќајот, рече Ковачевски на прес-конференција во Владата.

Бочварски потенцираше дека се воведени нови дестинации за кои имало голем интерс од граѓаните и дека има дополнителни средства да се објави нов повик кон крајот на годината со цел да се привлечат нови дестинации, најави Бочварски. 

Почнуваат велигденските празнувања. Граѓаните ги чека продолжен викенд исполнет со традиционалното вапсање на велигденските јајца. Велики четврток е токму денот кога се вапсаат првите јајца.

На овој ден рано наутро пред изгрејсонце, домаќинките ги бојадисуваат првите велигденски јајца. Најпрво каснуваат малку леб, се вртат кон исток, се прекрстуваат и ги бојат првите три црвени јајца. Првото јајце, уште се нарекува божјаче, и откако ке се бојадиса се остава да го „фатат“ првите зраци од сонцето, а потоа се будат децата и со него на лицето им се прави „Црвено-бело“.

Паркирањето во Општина Центар за време на Велигденските празници ќе биде бесплатно за сите граѓани. На 14, 16 и на 17 април - петок, недела и понеделник, граѓаните ќе можат да паркираат без надомест на сите паркиралишта со кои стопанисува ЈП „Паркинзи на Општина Центар“, информираат денеска од ова претпријатие.

Согласно програмата за неработни денови за 2023 година на Министерството за труд и социјална политика, сабота е работен ден и следствено на тоа, паркиралиштата со кои стопанисува претпријатието, ќе работат со вообичаено работно време. Депото на „пајак“ службата ќе работи 24/7 за време на празниците, се посочува во соопштението со честитка за празниците.

Редовната наплата за паркирање на паркиралиштата и издавање на договори во дирекцијата на ЈП „Паркинзи на Општина Центар“ ќе продолжи во вторник со вообичаено работно време.

Ако барате работа каде што би заработиле нешто плус за домашниот буџет или нова деловна идеја, можеби сте размислувале за начини да заработите пари онлајн. Доколку знаете како да го направит тоа, заработувањето пари онлајн е прилично едноставно. Можете да работите со полно или со скратено работно време директно од удобноста на вашиот дом. Кој не би сакал да работи во пижами и да заработи  дополнително?

Во продолжение неколку начини како до заработка онлајн:

• Најдете хонорарна работа. Хонорарна работа е кога работите за себе и ги завршувате проектите на договор.
• Започнете канал на YouTube.
• Започнете со dropshipping бизнис.
• Правете онлајн анкети.
• Направете блог.
• Напишете и објавите е-книга.
• Развијте апликација.
• Станете виртуелен тутор.

Интернетот е полн со можности да заработите пари од дома, вие треба само да го пронајдете начинот кој вас најмногу ви одговара и да внимавате на сомнителни ако не и директни измами каде од вас се бара однапред плаќање или вашиот број за социјално осигурување или какви било финансиски информации, како што е бројот на вашата кредитна картичка.