ЛУНАР ИНЖЕНЕРИНГ ДОО Скопје го проширува својот тим и бара електротехничар за монтажа, поврзување и изведба на електрични инсталации и енергетски системи.
Нашата компанија работи на проектирање и реализација на енергетски проекти, со посебен фокус на фотоволтаични електрани (PV), системи за складирање енергија (BESS), нисконапонски и среднонапонски системи и електроенергетска инфраструктура. Развиваме сигурни и ефикасни технички решенија, со внимание на квалитетот на изведбата.
Локација: Скопје, со теренска работа на проектни локации согласно потребите на проектите.
Работни задачи и одговорности
- Монтажа, поврзување и тестирање на електрична опрема и инсталации.
- Монтажа и поврзување на фотонапонски системи, системи за складирање енергија и нисконапонски и среднонапонски инсталации.
- Поставување и поврзување на заштитни и управувачки елементи.
- Читање и примена на електротехнички цртежи, шеми и техничка документација.
- Теренска работа и учество во проверка и пуштање на системите во работа.
Потребни квалификации
- Завршено средно стручно образование.
- Познавање на електрични инсталации и опрема.
- Способност за читање и разбирање електротехнички цртежи и шеми.
- Одговорност, прецизност и способност за тимска работа.
- Подготвеност за работа на терен.
- Возачка дозвола од Б-категорија.
Предност ќе имаат кандидатите со:
- Практично искуство во изведба на електрични инсталации.
- Искуство во монтажа на фотонапонски системи и/или системи за складирање енергија.
- Познавање на нисконапонски и среднонапонски инсталации.
- Подготвеност за теренска работа надвор од Скопје.
Што нудиме
- Можност за професионален развој и обука.
- Практично искуство со современи електроенергетски системи и опрема.
- Динамична и поддржувачка инженерска средина.
- Конкурентни услови за работа и надоместок согласно искуството и квалификациите.
Како да аплицирате
Испратете го вашето CV на [најави се за да го видиш е-маилот] , со назнака во насловот на пораката: „Електротехничар“.