Францискиот производител на автомобили Рено најави укинување на до 2.000 инженерски и работни места за поддршка во својата земја, како дел од смената кон производството на електрични автомобили.

Раководството наскоро ќе започне преговори со синдикатите за новите планови, објави Рено.

Францускиот автомобилски гигант работи со загуба и веќе најави намалување на бројот на работни места во својата матична земја за околу 4.600 како дел од драстичното преструктуирање на бизнисот.

Вкупно, како што најавија, ќе отворат 500 нови работни места, откако ќе вработат 2.500 работници на други работни места.

Нивната цел, велат тие, е во Франција да монтираат девет нови модели на автомобили.

Како и конкуренцијата, така и Рено се обидува да ја зголеми понудата на електрични автомобили, па затоа велат дека ќе ангажираат нови работници во области како што се наука за податоци и хемија за да стекнат експертиза во производството на батерии.

Директорот на Хрватскиот институт за јавно здравје, Крунослав Чапак, во петокот на прес -конференција објави дека Хрватска ќе набави нова, протеинска вакцина, произведена од француската фармацевтска компанија Санофи / ГСК.

Тој посочи дека оваа вакцина е различна и поевтина од mRNA вакцината.

"Нарачавме околу 300.000 дози од иновативната вакцина. Досега имавме вектор вакцина (AstraZeneca) и mRNA (Pfizer и Moderna). Ова е протеинска вакцина и според најавите ќе биде многу ефикасна. Таа е многу поевтина од mRNA вакцината. Сепак чекаме и на сите детали од ЕМА, рече Чапак.

Додаде дека нарачки прават и други земји, досега најмногу Германија. 

Санофи развива вакцина базирана на слична технологија што ја користи компанијата при изработка на вакцини против сезонски грип. Оваа вакцина, исто така, е насочена кон протеинот С за кој вирусот САРС-КоВ-2 служи за врзување и влегување во клетките. Кога влегува во клетките, вирусот се реплицира и се шири низ телото. Инфекцијата го стимулира одбранбениот систем на телото да развие антитела кои ќе го блокираат вирусот. Вакцината С-протеин ќе предизвика одговор на одбранбениот систем без да предизвика инфекција, бидејќи содржи само С протеин, а не целиот вирус.

За ова вакцина вчера пишуваше д-р Нико Беќаровски, директор на Клиниката за токсикологија. Цитираше сознанија за ефикасноста на вакцината.

Треба ли Македонија да побрза и да нарача од овие вакцини?

Еве како функционира оваа вакцина

Растот на цените пред се на прехранбените производи не треба да ги загрижува граѓаните, вели вицепремиерот за економија Фатмир Битиќи при денешната посета во Битола со цел увид во активностите на потпроектот „Зголемена туристичка понуда на Пелагонискиот регион преку реставрирање и адаптирање на Офицерски дом заедно со партерното уредување”.

Тој посочи дека ситуацијата е под контрола, и нема посериозни зголемувања на цените. Додаде и дека владата не сака да реагира со евентуални мерки за ублажување на ценовниот шок, се со цел пред избори да не биде погрешно разбрана.

Како што вели тој, според увидот на завршените работи во архитектонската убавина и импозантност во Битола треба да бидеме горди дека има ваков репрезентативен објект на кој многу можат да ни завидуваат.

Оваа инвестиција е само дел од реализираните активности при Проектот за локална и регионална конкурентност кој има за цел да ги подобри туристичките потенцијали во 10 различни дестинации во земјава. Реконструкцијата на објектот и неговата околина чини вкупно 58.792.610,00 денари, од кои 52.913.349,00 денари беа обезбедени од Проектот за локална и регионална конкурентност додека Општина Битола учествуваше со 5.879.261,00 денари, информираше Битиќи.

До неодамна беше можно да се купи пристоен компактен автомобил за околу 13.000 евра, а денеска се значително поскапи и базните модели.

Германскиот “Automobilwoche” проверил колку навистина поскапеле автомобилите. Според нивната пресметка, просечната цена за семеен компактен автомобил од 2002-ра до 2020-та година пораснала за неверојатни 63 проценти, додека во Б-сегментот растот е незначително помал, и натаму огромни 59 проценти. Вистина, автомобилите се помоќни, поопремени и побезбедни, но се поставува прашањето дали сето тоа го оправдува толкавиот раст на цените.

Според “Jato Dynamics”, просечната цена на компакт од Ц-сегментот, во кој влегуваат, на пример, “Ford Focus”, “Renault Megane” и “VW Golf”, во 2002-ра година била 18.400 евра. Во 2020-ра година тој износ се зголемил на дури 30.000 евра.

Без електрифицирани модели, цените на автомобилите со мотори со внатрешно согорување за овој период се зголемиле за 53%. На сето тоа можеме да ја додадеме и инфлацијата, според која 18.400 евра во 2002-ра година се како 24.576 евра денес. И натаму останува зголемување од 21 проценти, во кое може да се додадат низа фактори, од зголемени цени за развој, до подобра опрема и слично.

На пример, со “Golf” работите стојат вака. Неговата просечна цена од 2002-ра до 2010-та година пораснала за 22 проценти, а од 2010-та до 2020-та за уште 37 проценти. Ова главно се должи на различните хибридни варијанти на моделот, кои се продаваат доста добро, како и верзиите со високи перформанси како што се „GTI“, „GTD“, „GTE“, „GTI Clubsport“ и „R“.

Во иднина можеме да очекуваме и понатамошен раст на цените. Освен што моделите се поголеми и помоќни, факт е дека електрификацијата и се покомплексната опрема имаат се поголем удел во цената на автомобилот која на крајот ја плаќа купецот.