Петок 18 јуни е неработен ден за сите граѓани од православна вероисповед.

Станува збор за празникот Духовден кој верниците го слават во чест на починатите, а по него ни следува споен викенд дури на почетокот на месец август.

Ова се сите неработни денови кои преостанаа во 2021-ва година.

За сите граѓани на РМ

• 02 август (понеделник), Ден на Републиката,
• 8 септември (среда), Ден на независноста,
• 11 октомври (понеделник), Ден на народното востание,
• 23 октомври (сабота), Ден на Македонската Револуционерна Борба,
• 8 декември (среда), “Св. Климент Охридски”.

За граѓаните од православна вероисповед:

• 18 јуни (петок), Духовден, петок пред Духовден,
• 28 август (сабота), Успение на Пресвета Богородица (Голема Богородица).

За граѓаните од католичка вероисповед

• 01 ноември (понеделник), Празникот на сите светци,
• 25 декември (сабота), првиот ден на Божик.

За граѓаните од муслиманска вероисповед

• 20 Јули (вторник), Курбан Бајрам, првиот ден на Курбан Бајрам.

За граѓаните припадници на албанската заедница во РМ

• 22 ноември (понеделник), Ден на Албанската азбука,

За граѓаните припадници на влашката заедница во РМ

• 23 мај (недела), Национален ден на Власите,

За граѓаните припадници на еврејската заедница во РМ

• 16 септември (четврток), Јом Кипур, првиот ден на Јом Кипур,

За граѓаните припадници на бошњачката заедница во РМ

• 28 септември (вторник), Меѓународен ден на Бошњаците,

За граѓаните припадници на турската заедница во РМ

• 21 декември (вторник), Ден на настава на турски јазик.

Министерството за внатрешни  работи  ги  известува државјаните на Република Северна Македонија  дека согласно Законот за изменување и дополнување на Законот за патните исправи на државјаните на Република Северна Македонија објавен во „Службен весник на Република Северна Македонија“ бр. 122/2021 на 03.06.2021 кој стапи на сила на 11.06.2021, а ќе отпочне со примена од  01.07.2021,  важноста на пасошот, дипломатскиот пасош и службениот пасош, чиј рок на важење е истечен, односно истекува по 31 јули 2020 година, се продолжува до 31 декември 2021 година.

Имено, измената на Законот за патни исправи е направена со цел да им се излезе во пресрет на потребите на голем број наши граѓаните кои поради пандемијата, рестриктивните мерки, карантините и другите отежнати услови, во нашава земја, но и надвор од неа, во дијаспората, беа спречени навремено да ги продолжат своите документи. 

Одделението за узработка на пасоши, лични карти, возачки дозволи и други документи  од денеска повторно ќе работи по неколкудневната надградба на софтверот.  Од 11 јуни попладне до денеска не беше во функција системот за прием и издавање на овие документи во Скопје поради надградба на системот.

Од МВР најавуваат дека дневно има 3-4 000 барања за пасоши и затоа ќе се работи со продолжено работно време, во две смени и за викенд. Големиот интерес се должи на  иселениците кои поради пандемсиките услови до сега не можеа да ја продолжат патната исправа.

Оние кои имаа закажано претходно термин до 15 јуни правото за поднесување на барање за личен документ можеа да го остварат до затворањето на одделението.

Министерството за економија ги известува граѓаните дека заклучно со денешниот ден 16 јуни (среда) се затвара јавниот повик за издавање на потврда-ваучер за користење на средства за организиран одмор на работници со ниски приходи чии месечни примања во семејството не го надминуваат нето износот од 30.000 денари.

Јавниот повик беше објавен на 8 јуни и со краен рок за аплицирање 30 јуни. За една недела од објавување на јавниот повик во архивата на Министерството за економија се пристигнати над 2.600 апликации, информираат од оваа институција.

Појаснуваат дека оваа мерка е во рамки на Програмата за домашен туризам за работници со ниски приходи 2021 и предвидува издавање на потврди-ваучери за туризам во вредност од 12.000 денари за лица со ниски примања за да истите ги користат во категоризираните угостителските објекти за сместување (хотели) лоцирани во туристичките центри во Република Северна Македонија кои претходно се пријавени во Министерство за економија.

Според јавниот повик оваа година за реализација на оваа мерка се предвидени 15 милиони денари за вкупно 1.250 ваучери.