Најуспешниот инвеститор на 20 век наполни 90 години. По тој повод неговиот пријател и исто така успешен бизнисмен, основачот на „Мајкрософт“, Бил Гејтс му направи торта. Гејтс преку видео на Твитер  му се обрати на својот пријател Бафет.

„Ворен, среќен 90-ти роденден“, рече Гејтс.

Бафет подели многу свои совети со дипломците за тоа како најлесно да се заработи. Секако овие совети не им вредат само на младите луѓе на почетокот на кариерата, туку може да ги употреби секој кој сака да оствари успех во капиталистичкото општество. Ова се некои од нив…

Не е се во инвестирањето

Првото нешто што луѓето можат да научат од Ворен, се разбира, е како да се размислува за инвестирање. За жал, повеќето луѓе застануваат само на ова, и на тој начин го пропуштаат фактот дека тој има огромно знаење за бизнисот и дека е многу моќен. На пример, тој тврди дека пазарот треба да се игнорира наместо да се следи, само затоа што на тој начин ќе ги искористите недостатоците на пазарот и грешките на компаниите. 

Користете ја својата платформа

Многу бизнис менаџери им пишуваат писмa на своите акционери, но Ворен е со право познат по неговиот стил. Ворен е подготвен да зборува отворено и критикуваат нешта, исто како што не се двоуми да заземе став, како на пример кога даде поддршка на законот за зголемување на даноците за богатите, иако тоа директно се коси со неговите интереси. 

Мораш да бидеш свесен колку е твоето време драгоцено

Без оглед колку пари имате, не можете да купите повеќе време. Секој ден има само 24 часа. Ворен не дозволува неговиот календар да биде исполнет со неважни состанови. Од друга страна, пак, е многу дарежлив со одвојување време за луѓе кои му се вредни.

Никогаш не престанувајте да учите

Според зборовите на Чарли Мундер од „Berkshire Hathaway“, Ворен Бафет ги насочил своите активности на неколку работи, со максимална концентрираност на нив. Работејќи така 50 години, станал експерт во тие нешта, исто како што на пример, Роџер Федерер е мајстор во тенисот. Со други зборови, Бафет сфатил во што е добар и константно работел на тоа усвојувајќи нови знаења.

Клучот е трпеливоста 

Во бизнисот, но и во многу други нешта, трпението е важно, ако не и пресуден фактор. Бафет знаел кога треба да почека, иако е многу лесно да попуштиш на притисокот и да го „притиснеш копчето“. Но наместо избрзани одлуки, тој седел и чекал подобра понуда, која на крајот сепак се појавила. Трпението многу често значи – чекор напред. 

Дадете им признание на своите колеги

Секој успешен претприемач не успеал сам. Секогаш тука биле другите успешни колеги, работници или деловни партнери кои го одработувале својот дел од работата. Ако сакате да ги следите чекорите на Ворен Бафет, никогаш немојте да заборавите да им се заблагодарите или да ги наградите луѓето кои ви помогнале на патот до успехот. 

Фото: Getty images

Заврши исплатата на повратот на дел од ДДВ за сметките кои граѓаните ги скенираа во втроото тримесечје, соопшти Управата за јавни приходи (УЈП).

Оттаму инфорираат дека во месеците април, мај и јуни 2020 годинасметки скенирале  304.472 лица. Скенирани се 41.650.814 фискални сметки со штоби остварен промет од 21.414.380.426 денари.

„За ова тримесечје исплатен е поврат од 268.763.538 денари на 236.493 лица кои скенирале фискални сметки и кои имаат наведено точни податоци во Апликацијата МојДДВ. За корисниците на апликацијата  кои имаа наведено трансакциска сметка од Еуростандард Банка исплатата на повратот беше стопирана, истата ќе се изврши откако ќе ги ажурираат податоците односно ќе наведат трансакциска сметка од друга банка, стои во соопштението.

Управата за јавни приходи апелира и до сите граѓаните корисници на апликацијата МојДДВ да внесат точни податоци како би  се извршила исплатата на повратот на дел  од  ДДВ искажан во фискалната сметка.

Напоменуваат и дека најчести причини поради кои не е извршена исплатата се -  погрешно внесена трансакциска сметка, внесена трансакциска сметка на друго лице, а не на корисникот на апликацијата, или е внесен бројот на платежната картичка наместо број на трансакциска сметка.

Тагови: УЈП

Регулаторната комисија за енергетика и водни услуги донесе одлука со која малопродажната цена на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) не се менуваат, односно остануваат на исто ниво од минатата недела.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 0,50 ден/лит и од вечерва на полноќ ЕУРОСУПЕР БС-95 ќе изнесува 60,00 денари за литар, додека малопродажната цена на ЕУРОСУПЕР БС-98 ќе изнесува 62,00 ден/лит.

Малопродажната цена на Мазутот М-1 НС се зголемува за 0,251 ден/кг и ќе изнесува 26,531 ден/кг.

Со оваа одлука малопродажните цени на нафтените деривати се зголемуваат во просек за 0,52 % во однос на одлуката од 24.08.2020 година .

Од 01.09.2020 година максималните цени на  нафтените деривати ќе изнесуваат:

Моторен бензин  ЕУРОСУПЕР БС - 95  60,00(денари/литар)

Моторен бензин    ЕУРОСУПЕР БС -98  62,00(денари/литар)

Дизел гориво  ЕУРОДИЗЕЛ БС (Д-Е V)  52,00(денари/литар)

Масло за горење  Екстра лесно 1 (ЕЛ-1)  51,50(денари/литар)

Мазут М-1 НС  26,531(денари/килограм)

Во изминатиот седумдневен период референтните цени на бензинот на светскиот пазар бележат зголемување за 2,533%, кај дизелот има намалување за 1,317%, кај екстра лесното масло се регистрира намалување за 0,014%, додека кај мазутот има зголемување за 0,737% .

Во истиот период курсот на денарот во однос на доларот е повисок за 0,558%.

Напоменуваме дека ова се максималните цени на нафтените деривати од 00:01 часот на 01.09.2020 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Укинување на сегашното право заминувањето во пензија да се одложи до 67-годишна возраст, најави премиерот Зоран Заев. Во Собранието тој изјави дека уште во првите сто дена од мандатот на новата Влада ќе се донесе закон со кој пензионирањето ќе биде задолжително на 64 години за мажи и на 62 години за жени. Оние кои ќе сакаат ќе можат да се пензионираат и пред време и тоа пет години, но пензијата ќе им биде помала.

Според тие најави лицата кои се пензионираат годинава ќе бидат последните кои ќе ја искористат можноста во пензија да одат на 67 години.

-Законот ќе биде изгласан во првите сто дена, а ќе биде со важност од 1 јануари следната година. Тоа значи задолжително пензионирање на 64 години за мажи и 62 години за жени. Исклучок од тоа ќе бидат здравствените работници, лекарите и медицинските сестри и вработени во високото образование кои се навистина дефицитарни кадри, истакна старо-новиот премиер.

Досега само со поднесување писмено барање до работодавецот, најдоцна до 31 август во годината пред остварување на правото на пензија работникот, можеше да си го продолжи работниот однос за една година. Такви барања кои работодавецот мораше да ги прифати, вработените можеа да понесуваат секоја година сè додека не наполнат 67 години.

Од друга страна, новиот закон ќе биде поволен за оние кои едвај чекаат да се пензионираат.

– Ќе овозможиме флексибилен пензиски систем со воведување можност за предвремено пензионирање до максимум пет години пред остварувањето на правото на пензија, со пропорционално намален износ на редовната пензија, стои во програмата за работа на новата Влада.

Заев уверува дека Фондот за пензиско и инвалидско осигурување може да го издржи тоа.
-Фондот за пензиско осигурување е во добра кондиција, приходите се до осум проценти зголемени во корона-кризата. Пред кризата приходите растеа 12 до 13 проценти. Фондот сега е стабилизиран, истакна тој.

Тој вели дека за сите економски мерки ќе бидат консултирани синдикатите, работниците и коморите.
Исто така, најавено е зголемување на минималната пензија од нешто помалку од 9.000 денари на најмалку 10.700 денари.

Укинување на сегашното право заминувањето во пензија да се одложи до 67-годишна возраст, најави премиерот Зоран Заев. Во Собранието тој изјави дека уште во првите сто дена од мандатот на новата Влада ќе се донесе закон со кој пензионирањето ќе биде задолжително на 64 години за мажи и на 62 години за жени. Оние кои ќе сакаат ќе можат да се пензионираат и пред време и тоа пет години, но пензијата ќе им биде помала.

Според тие најави лицата кои се пензионираат годинава ќе бидат последните кои ќе ја искористат можноста во пензија да одат на 67 години.

-Законот ќе биде изгласан во првите сто дена, а ќе биде со важност од 1 јануари следната година. Тоа значи задолжително пензионирање на 64 години за мажи и 62 години за жени. Исклучок од тоа ќе бидат здравствените работници, лекарите и медицинските сестри и вработени во високото образование кои се навистина дефицитарни кадри, истакна старо-новиот премиер.

Досега само со поднесување писмено барање до работодавецот, најдоцна до 31 август во годината пред остварување на правото на пензија работникот, можеше да си го продолжи работниот однос за една година. Такви барања кои работодавецот мораше да ги прифати, вработените можеа да понесуваат секоја година сè додека не наполнат 67 години.

Од друга страна, новиот закон ќе биде поволен за оние кои едвај чекаат да се пензионираат.

– Ќе овозможиме флексибилен пензиски систем со воведување можност за предвремено пензионирање до максимум пет години пред остварувањето на правото на пензија, со пропорционално намален износ на редовната пензија, стои во програмата за работа на новата Влада.

Заев уверува дека Фондот за пензиско и инвалидско осигурување може да го издржи тоа.
-Фондот за пензиско осигурување е во добра кондиција, приходите се до осум проценти зголемени во корона-кризата. Пред кризата приходите растеа 12 до 13 проценти. Фондот сега е стабилизиран, истакна тој.

Тој вели дека за сите економски мерки ќе бидат консултирани синдикатите, работниците и коморите.
Исто така, најавено е зголемување на минималната пензија од нешто помалку од 9.000 денари на најмалку 10.700 денари.