Во однос на трети земји, вон Европската унија, Грција има цел да се придржува кон каталогот составен од ЕУ, додека, пак, до 15 јули нема да бидат дозволени директни летови од Велика Британија и Шведска, соопштуваат од кабинетот на грчкиот премиер, по состанокот што Кирјакос Мицотакис го одржа со надлежните министри од неговата Влада во пресрет на отворањето на туризмот на 1 јули.

Според каталагот на ЕУ, граѓаните на Македонија како што објави и „Еуроњуз“ нема да може да патуваат в земјите дел од Европската Унија.

Мицотакис посочил дека „целиот процес на отворање е динамичен и континуирано ќе се оценуваат податоците“.

Станало збор за начините на кои ќе се спроведува тестирањето на посетителите, за протоколите, како и за задолжителната обврска на туристите, 48 часа пред пристигнувањето во Грција да го имаат пополнето специјалниот образец.

Заедничка констатација, како што соопштија од кабинетот на Мицотакис, било дека е направена правилна подготовка на сите нивоа, за да постои максимална безбедност и за посетителите и за локалното население.

На состанокот присуствувале министрите за здравство, за туризам, за дигитална политика, за поморство и островска политика, замениците-министри за здравство, цивилна заштита, за координација на работата на владата, како и претседателот на Националната организација за јавно здравје и професорот епидемиолог надлежен за Ковид-19.

извор - лидер.ком.мк

Радмила Шекеринска, заменик претседателката на СДСМ најави дека о четвртиот пакет економски мерки предвидено е картичките за купување на домашни производи да опфатат уште две категории на граѓани и тоа невработени лица кои не се пријавувале во агенцијата за вработување и втората категорија ќе бидат сите пензионери, со пензии под 15.000 денари.

Шекеринска најави и зголемување на минималната плата.

„Според сегашното темпо на зголемување на минималната плата и земајќи предвид дека за време на епиде*ијата успеавме минималната плата да ја зачуваме на исто ниво, целта ни е минималната плата во следниот четиригодишен период да порасне на 20.000 денари, изјави носителката на кандидатската листа на коалицијата „Можеме“ во изборната единица 5, заменик претседателката на СДСМ Радмила Шекеринска во Дебар.

Таа додаде дека заедно со минималната плата ќе расте и просечната плата и дека целта е на крајот на мандатот таа да изнесува 34.000 денари.

„За да го постигнеме ова ќе ја зголемиме финансиската помош која што ќе ја насочиме кон наиште компании. Тие ќе можат да сметаат на 600 милиони евра поддршка, од кои 300 ќе влегуваат од државниот буџет, а 300 од европските фондови, а 2,2 милијарди евра ќе се насочат во јавни инвестиции“, нагласи Шекеринска.

Македонските државјани остануваат и понатаму непожелни во земјите членки на ЕУ.Драматичнoто зголемување на бројката на заболени со Ковид 19 во Македонија – ни ги остава спуштени рампите за патување. Според најновата нацрт листа на ЕУ, објавена од „Еуроњуз“ – само 15 држави ќе можат слободно да патуваат во европските земји. Од земјите од Балканот на листата се само Србија и Црна Гора. Покрај нив, во Европа би смееле да влезат и граѓани на –Алжир, Австралија, Канада, Грузија, Јапонија, Мароко, Нов Зеланд, Руанда, Јужна Кореја, Тајланд, Тунис, Уругвај и Кина.

Како што пошува „Еуроњуз“, имало  доста несогласувања меѓу државите околу критериумите за носење на оваа одлука бидејќи дел од нив сметале дека податоците за стапките на заразени со Ковид-19 не се веродостојни.

Истовремено, аеродромите во Скопје и во Охрид се отвораат в среда со летови на „Визер“. Првите туристи во земјава ќе дојдат од Холандија и Полска.

„Она што е најважно за патниците е следното – да пристигнат на аеродромите најмалку три часа пред нивниот лет, да стават заштитна маска пред да влезат во терминалната зграда на аеродромот, да ги дезинфицираат обувките и рацете на самиот влез во зградата и постојано да одржуваат физичко растојание“, – вели Алпер Ерсој – директор на ТАВ – Македонија.

И нашиот јужен сосед Грција, ги отвора сите аеродроми за патници од странство, како и седум копнени гранични премини, меѓу кои и Евзони на македонско-грчката граница, но до утре ќе се знае дали ќе ја отвори границата и за Македонците.

Македонските граѓани без тест и карантин може да патуваат само во Србија, Албанија, Косово и Турција, а кај нас може да влезе странски државјанин без да се тестира и да оди во задолжителна самоизолација. Македонските државјани може да заминат во  Бугарија, Хрватска и Црна Гора, но таму ќе мора да бидат во 14 дневен  карантин.

Поради растечкиот број на невработени во кризата, владејачката ЦДУ/ЦСУ планира да ја намали понатамошната миграција на работна сила. Намалувањето ќе биде извршено на основа на одлуката од 2016 година за олеснување за граѓаните од Западен Балкан.

Работните групи од владејачката фракција се согласиле олеснувањата, кои истекуваат кон крајот на годината, да ги продолжат за две години, но се согласиле и во врска со намалувањето на можноста неквалификуваната работна сила да може да ги користи истите, пишува Welt am Sonntag.

Правилото за работници од Западен Балкан е воведено пред пет години, откако властите ги наведоа земјите од Западен Балкан како безбедни земји на потекло со намера да се намали масовната имиграција преку системот на азил.

Податоците на Eurostat покажуваат дека Германија им е најомилена на македонските државјани кои се решаваат да побараат подобри услови за живот и работа во странство. Па така, на први јануари лани во Германија се регистрирани 102.052 македонски државјани.