Во автобусите на ЈСП „Скопје“ почна лепење напепници на седиштата на кои е забрането седење. Исто така налепници се поставуваат и низ подот на автобусите, со цел да се обележат местата каде треба да стојат патниците, доколку нема место за седење. Налепниците се лепат на секои второ седиште, и патниците не можат да седат еден зад друг, туку цик-цак.

На влезните врати и внатре во автобусот се поставуваат и налепници со кои се информираат граѓаните дека задолжително треба да носат маски при користење на јавниот превоз. Досега контролирање на бројот на патниците во автобусите и дали се почитуваат препораките за користење маски, го вршеа контролите на ЈСП „Скопје“.

„Утре контролорите од претпријатието заедно со полицајци од СВР Скопје ќе имаат вонредна контрола во автобусите дали патниците носат маски. За жал и покрај апелите и секојдневните контроли на контролорите на терен има граѓани кои одбиваат да носат маски. Вакви акции заедно со полицијата ќе има и во наредниот период“, велат од ЈСП „Скопје“.

Граѓаните кои ќе бидат затекнати без маски во автобусите ќе бидат казнети со 20 евра. Од претпријатието велат дека акцијата со полицијата ќе има и едукативен карактер односно на граѓаните ќе им се делат заштитни маски.

извор - sdk.mk

Рокот за поднесување приговор до Генералниот секретаријат на Владата истекува  денеска напладне, а досега над  30 илјади приговори доставиле незадоволните граѓани кои ги нема на листата на добитници на платежни картички од 3 и 9 илјади денари.

Во моментов во државните институции е хаос. За само неколку дена треба да ги поправат направените грешки, новите податоци да се достават до банките кои пак ќе треба да ги направат картичките.

Многу поплаки има од студентите, а особено од средношколците кои ги нема на листата. 10 илјади граѓани веќе ги имаат добиено картичките, а до крајот на неделата се очекува да се дистрибуираат уште 100 илјади.

Аналитичарите изминатиот период постојано алармираа дека делењето на картички и ваучери е предизборен поткуп на купување гласови.

Токму поради ваквите сомнежи, Антикорупциската комисија отвори предмет по кои критериуми се доделувала помошта за исплата на 14.500 денари по работник. Комисијата се сомнева дека државна поддршка добиле и финансиски стабилни фирми. Под лупа на Антикорупциска повторно ќе се најде и екс Вицепремиерот Кочо Анѓушев. Дискутабилно е како негови фирми добиле помош, а истовремено тој е член на Советот кој дискутира за владините мерки.

Сообраќајот на државните патишта се одвива непречено, по суви коловози.

Според информација од МВР, за македонски државјани, граничните премини за излез од државата се отворени со потпишување на соодветна изјава, која ја издава МВР на самиот премин. Со таа изјава, секој граѓанин се обврзува дека нема да бара помош од државата, во случај на проблем во странство.

При влез во државата, секој граѓанин мора да приложи направен валиден PCR тест, не постар од 72 часа, кој е негативен. Потоа на граничниот премин потпишуват „Изјава за задолжителна самоизолација во траење од 14 дена“. Доколку таков тест не е приложен, или е приложен невалиден PCR тест, тогаш задолжителен е државен карантин во траење од 14 дена.

Владата донесе протокол за транзит на странски државјани на нашата територија. Истиот овозможува транзит само преку граничните премини: Табановце, Деве Баир, Богородица, Ќафасан, Блаце и аеродром Скопје. Транзитот на овие лица подразбира влез на еден граничен премин и излез на друг, со обврска при транзитот да не се напушта соодветниот автопат или локален пат, и тој да се реализира во рамките на најмногу 5 часа, а истото ќе се потврдува со изјава која странските државјани треба да ја пополнат на влез, а на излез треба да се предаде на граничната полиција со цел да се контролира времeтраењето на транзитот.

Интензитетот на сообраќај на патните правци надвор од градските средини е умерен.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

На шестата година од постоењето на haPPy лојалната програма, „Нептун Македонија“ одбележува јубилејна бројка од 300.000 издадени haPPy картички. По тој повод „Нептун Македонија“ овој јуни го посветува на сите овие домаќинства и лојални купувачи со голема кампања во која се претставени дел од купувачите и тие се оние кои ги презентираат месечните категориски промоции.

Под мотото “Постоиме за нашите haPPy купувачи” Нептун претстави повеќе категориски промоции во кои се опфатени најквалитетни уреди од најпознатите светски брендови по одлични цени за сите оние кои имаат haPPy картичка или пак ќе постанат дел од лојалната програма. Носители на тие промоции се токму haPPy лојални купувачи кои и се добро познати на јавноста. Познати личности од телевизијата, спортисти, актери, модели, инфлуенсери, гејмери, влогери и блогери се само дел од лицата кои ги претставуваат промоциите на Нептун овој месец. Погледнете ги промотивните производи онлајн на https://www.neptun.mk/ или пак во Нептун продавниците ширум државата.