РКЕ по најавената измена или нова методологија за цените на горивата ги намали цените минатиот понеделник.

„Супер 95“ и „Супер 98“ се точат по цена помала за 1 денари или чинат 71,00, односно 73,00 денари.

За два денари РКЕ ја намали цената на дизелот кој се точи за 64,00 денари за литар.

Според помените во РКЕ, се очекува промена на цената на горивата и овој понеделник или секоја недела.

Од Управата за јавни приходи соопштија дека се продолжува рокот за потврда или корекција на Годишната даночна пријава. Граѓаните ќе може да извршат проверка на електронската даночна пријава и во текот на викендот односно уште денес 1. и утре на 2. Јуни.

Ова од причина што крајниот рок за добивање на статус на конечни даночни пријави е во неработен ден, согласно на што на 03.06.2019 (понеделник), Годишните даночни пријави ќе добијат статус на конечни даночни пријави според последниот статус на Годишната даночна пријава – потврдена или коригирана, велат од УЈП.

Пријавите коишто од страна на граѓаните не се ниту потврдени или коригирани ќе бидат службено потврдени.

АМСМ и денес со истото соопштение дека автопатот Миладиновци – Штип, секција Миладиновци – Кадрифаково и Кадрифаково – Миладиновци не е пуштен за сообраќај. 

На автопатот, како што се пишува, се вршат проверки од безбедносен карактер. Апелираме до сите возачи да не го користат автопатот-посочуваат од АМСМ.

Иако најавуваа и Министерот за транспорт и врски, Горан Сугаревски и директорот на ЈПДП Зоран Китанов дека до крајот на месец мај треба да се пушти официјално во употреба автопатот Миладиновци - Штип, сепак тоа не се случи.

Дел од возачите иако не е официјално отворен за возење возат по новиот автопат.

Граѓаните на Романија и Бугарија од денес имаат целосна слобода за влез, вработување и отворање на бизнис во Швајцарија.

Ова ќе важи и за Македонците кои имаат бугарски пасоши.

Како што објави бугарското министерство за надворешни работи, Бугарите и Романците во иднина ќе имаат исти права како и останатите граѓани на Европската унија - освен граѓаните на Хрватска, пренесува бугарската новинска агенција.

Швајцарија не е членка на ЕУ, но со Унијата е блиско поврзана низ билатерални договори, кои и овозможуваат да учествува во единствениот пазар на ЕУ иако не е членка.

Тоа стана возможно откако Швајцарскиот сојузен совет (владата на Швајцарската конфедерација) на 15 мај усвоила одлука со која се укинуваат квотите за бугарските и романските граѓани. Со таа одлука е изменета и службената Регулација на примената на договорот помеѓу ЕУ и Швајцарија за слободно движење на лицата.

Швајцарија, имено, како и некои други членки на ЕУ, воведе транзициски период по прашање на слободата за движење на граѓаните на новите членки на Унијата.

Бидејќи максималното траење на транзицискиот период од 10 години, според договорот помеѓу Швајцарија и ЕУ, е период кој почна на 1 јуни 2009 а завршува на 31 мај 2019.