Цените на нафтата на светските берзи минатата седмица се зголемија петта недела по ред, достигнувајќи највисоко ниво лани од ноември.

На Лондонската берза цената на барел нафта минатата недела порасна за 2,8 отсто на 70,34 долари, додека на Волстрит барелот е со повисока цена од 4,9 отсто и достигна 63,08 долари.

Цените на нафтата, откако во првото тримесечие се зголемија за 30 отсто, пораснаа и во првата недела од вториот квартал, достигнувајќи највисоко ниво од почетокот на ноември минатата година.

Растот на цените е предизвикан и од зголемениот број новоотворени работни места. Во март во САД се отворени 196.000 работни места, повеќе од што се очекуваше и многу повеќе од пред еден месец.

Цените растат и поради очекувањата на инвеститорите дека САД и Кина ќе постигнат трговски договор, со што ќе заврши трговската војна, што минатата година негативно влијаеше на двете најголеми светски економии.

Исто така, зголемувањето на цените е предизвикано и од намалувањето на производството на Организацијата на земјите извознички на нафта (ОПЕК) и Русија, кои се придржуваат на договорот за намалување на производството за 1,2 милиони барели дневно.

Почитувани компании, на ваши забелешки го подобривме дизајнот и корисноста на KARIERA.mk. Сега полесно ќе може да ги најдете апликантите на вашите огласи. Додаден е линк Апликанти во хедерот на сајтот и поставен е линк до апликантите во самиот оглас.

Испраќање на “ладен e-mail” може да ве доведе до нов клиент, вработен или дури до нова работа. Сепак, како што веројатно знаете од искуство, обид да стапите во контакт со некој што можеби никогаш не сте го сретнале, може да биде шут во празно.

За среќа, постојат докажани тактики кои можат да ги зголемат шансите да добиете одговор на таквиот e-mail.

Кит Фераци, автор на најпродаваниот водич за успешна кариера “Never Eat Alone”, открива што “запалило” во неговиот случај. Еве што препорачува Фераци кога испраќате електронска порака од тој тип.

Нека вашиот наслов на меилот го привлече нивното вниманието

Без разлика што пишувате, вашата e-mail пошта нема да биде прочитана ако името на меилот не е интересно.

Фокусирајте се на вашиот адут, без разлика дали тоа е вашиот заеднички контакт или специфичната вредност што можете да ја понудите, пишува Фераци.

Испратете го на почетокот или на крајот од денот

Вработената личност најверојатно нема да ја забележи вашата порака ако ја испратите за време на работното време. Испраќањето на e-mail нека ви биде првото нешто што ќе го направите наутро или оставете го за крајот на работниот ден. Тогаш, најверојатно, лицето со кое се обидувате да контактирате ќе ја провери својата пошта.

Пораката треба да е кратка

Размислете како вие го читате примениот e-mail. Ако не можете да дојдете до поентата во првите неколку реченици, многу е веројатно дека таквата e-mail порака ќе заврши во ѓубре.

Поттикнете го лицето да преземе понатамошни чекори

Направете го вашето прво барање да биде јасно и едноставно, советува Фераци.

Наместо да пишувате нешто како “Би сакал да испиеме кафе” или “Сакам да разговарам со вас преку телефон”, предложете им време и датуми што Вас ви одговараат и напоменете колку долго ќе трае повикот/средбата.

Прочитајте го вашиот e-mail на глас

Само на тој начин ќе проверите како навистина звучи вашиот текст и дали е доволно разбирлив и јасен.

Проверете го правописот и граматиката

Бидејќи на интернет лесно можете да најдете голем број на страници за правопис и граматика, немате изговор да во вашата e-mail порака најдат грешка, што ќе укажува на тоа дека сте немарни или сте во брзање.

извор: Денар.мк

Џек Ма е 54-годишен сопственик на кинеската компанија Алибаба, вомоментов е најбогатиот Кинез и еден од најбогатите луѓе на светот.

Сепак, многумина не го знаат податокот за него, дека тој не бил богат отсекогаш. Џек Ма е роден во многу сиромашно семејство и поради тоа што како мал немал финансии за најосновните потреби, тој бил решен да успее во животот. Но, патот до успехот не му бил воопшто лесен.

Дури десет пати се обидувал да се запише на престижниот Универзитет Харвард, меѓутоа безуспешно. Два пати паднал на приемниот испит на факултетот за просветен работник, па дури во третиот обид успеал да се запише.

Во младоста, Џек Ма имал потешкотии и за пронаоѓање на работа. Тој конкурирал на многу работни позиции, од полиција, администрација до продавач, рецепционер, итн… Конкурирал и во ланецот за брза храна КФЦ, но никаде не добил ниту шанса да започне со работа.

Во неговата Кина ништо не му одело од рака, па тој решил својата среќа да ја побара во Америка, каде што заминал во 1995 година. Во земјата на можностите тој видел што се нуди интернетот, па добил идеја да се врати во Кина и да основа своја фирма за онлајн трговија. Сепак, ниту тоа не му успеало веднаш.

Ма отворил неколку фирми, но сите тие доживеале колапс. Сепак, неговата желба да успее преовладувала, па тој во ниту еден момент не размислувал да се откаже, туку барал начин како неуспехот да го насочи кон успех.

По неколку неуспешни обиди, тој решил во еден стан да покани неколку пријатели и да им ја образложи својата идеја за интернет трговија, која пријателите не ја примиле со воодушевување, туку сметале дека е глупава идеја и само си го потрошиле времето.

Сепак, дел од нив решиле да му дадат поддршка на Џек Маи така во 1999 година е формирана компанијата Алибаба, која сега вреди повеќе од 90 милијарди долари. Таа веќе 20 години е број еден во бизнисот со електронското тргување.

Џек Ма е пример за тоа дека мног неуспеси не значат целосен колапс, туку дека упорноста сигурно ќе ви се исплати и сонот да стане реалност, но никогаш не смееме да се откажуваме од него. Тој е еден од ретките луѓе кои можат да кажат дека сите неуспеси можат да се претворат во еден огромен успех.

Џек Ма со своето искуство сега покрај тоа што е сопственик на една од најголемите компании во светот, тој е мотивациски говорник со цел да ги мотивира сите млади претприемачи да го следат неговиот пример и никогаш да не се откажуваат од својот сон.

Една од неговите најмотивирачки пораки е „Верувајте во себе и кога никој не верува во вас“.