Секој работник има право на надоместок на трошоците кои се направени поврзани со работата, а се уредени со Закон за работни односи и колективниот договор. 

Надоместок ви следува за следните трошоци:

1 Дневници за службени патувања во земјата (8% од основицата)

2 Дневници за службени патувања во странство во согланост со уредбата за издатоци за службен пат и селидби во странство

3 Теренски додаток доколку работите на терен (сместување, исхрана и слично)

4 Надомест за одвоен живот од семејството утврден во колективниот договор, но не помалку од 60% од основицата.

5 Ако користите сопствен автомобил ви следува надоместок од 30% од цената на литар гориво што го користи автомобилот за секој изминат км

Законски надоместоци:

• Доколку се селите за потребите на работата, трошоците ги покрива работодавачот
• Регрес за годишен одмор или к-15 во висина од најмалку 40% од основицата

Покрај надоместоците наведени нагоре, на работникот му се исплатува надоместок и:

• Во случај на смрт на работникот, на неговото семејство се исплатува надоместок во висина од три основици
• Во случај на смрт на член на семејството, на работникот му се исплатува надоместок во висина од две основици
• Во случај на потешки последици од елементарна непогода, на работникот му следува надомест во висина од една основица
• За непрекинато боледување подолго од 6 месеци поради повреда на работа или професионално заболување на работникот му следува надоместок во висина на една основица
• За 10 години работа кај истиот работодавач, на работникот му се исплатува јубилејна награда во висина на основицата
• При заминување во пензија на работникот му следува најмалку двократен износ на основицата

Основицата за пресметување на надоместоците на работниците е всушност просечната месечна нето плата по работник во Република Македонија која е исплатена во последните 3 месеци.

Турската компанија „Лимак" денеска ќе почне со градежните работи за изградба на подземната сообраќајница на местото на постојниот Јужен булевар. На потегот меѓу зградата на поранешна „Нова Македонија" и булеварот „Борис Трајковски" во должина од 800 метри ќе се гради подземен булевар со шест коловозни ленти. Булеварот ќе се гради шест години, a ќе чини 250 милиони евра.

Оваа сообраќајница треба да овозможи растоварување на дел од сообраќајниот метеж во строгиот центар на Скопје, но и побрзо патување меѓу населбите Карпош, Кисела Вода и Аеродром.

Турската компанија „Лимак“ уште во март 2012 година го купи градежното земјиште за да гради надземен комплекс со површина од околу 300.000 метри квадратни. Како дел од договорот, тие се обврзаа дека ќе ја изведат сообраќајницата пред да почнат да го градат новиот комплекс.

Петре Шилегов, градоначалникот на Скопје вели дека оваа подземна сообраќајница досега требало да биде изградена и во функција, но инвеститорот пет години бил заглавен во постапки и процедури во градот. „Претходната градска администрација не успеала да го реши тој проблем. На многу поедноставен и полесен начин граѓаните ќе можат да комуницираат од општина Аеродром и Кисела Вода до Карпош, односно центарот ќе може да биде бајпасиран на многу поедноставен начин отколку што сега се чини дека е“, вели Шилегов.

Фирмата „Чакар партнерс“ го изработи основниот проект и основниот сообраќаен проект за изведба на подземната сообраќајница.

Од денеска утре во наредните шест години ќе биде воведен привремен сообраќаен режим на булеварот „Македонија“ (зад Музејот на Град Скопје и ТЦ „Рамстор“) поради изведување градежни активности за изградба на подземна сообраќајница од страна на компанијата „Лимак“. Поради градежните зафати ќе се изврши и промена на трасата на автобуската линија „9“, а ќе се дислоцира и една автобуска постојка.

Од ЈСП Скопје информираат дека автобуското стојалиште на булеварот „Македонија“, кое е во непосредна близина на катната гаража (наспроти седиштето на „Макпетрол“), привремено ќе се премести на улицата „Јордан Мијалков“ (поранешна улица „Железничка“), после пешачкиот премин кој води до „Урбан парк“.

Променета ќе биде и трасата на движење на автобуската линија „9“, во насока од Клиничкиот центар кон Скопје Север. Автобусите од посочената линија на крстосницата меѓу улицата „Јордан Мијалков“ (поранешната улица „Железничка“) и улицата „Герман“, нема да вртат лево кон булеварот „Македонија“, туку, ќе продолжат да се движат право и истите подоцна ќе се приклучат кон булеварот „Македонија“ преку привремена улица пред натпатникот на улицата „Павел Шатев“, при што ќе продолжат да се движат по постојната траса на линијата „9“.

Новиот предлог-закон за изменување и дополнување на Законот за игри на среќа, меѓу другото, предвидува казината и обложувалниците каде што се приредуваат игри на среќа, задолжително да бидат оддалечени најмалку 500 метри од факултети, универзитети, институти, библиотеки, детски градинки, домови за згрижување деца без родители и сл.

Оддалеченоста на просторијата до објектот каде се одржуваат игри на среќа се утврдува од границата на градежната парцела на која е изграден објектот (која е најблиску до деловната просторија) и влезот на деловната просторија во која се приредуваат игрите на среќа како најкратката хоризонтална оддалеченост, односно воздушна линија.

Потврда за оддалеченоста на просторијата до најблискиот објект каде се одржуваат игри на среќа издава општината на чија територија се наоѓа деловната просторија, во рок од 15 дена од денот на поднесување на барањето.

Со законските измени се врши промена на висината на средствата кои се издвојуваат од буџетот за финансирање на спортот, а кои се собираат како резултат на уплатите на приредуваите на игрите на среќа. Се регулира и должноста на Владата да го информира Собранието за висината на собраните средства по основ на уплати од приредувачи на игри на среќа и на кој начин тие средства се користат.

Овие измени се поставени како точка на собраниската седница на 29 август, следната недела во прво читање. Подносители се пратениците од ДУИ, Ејуп Алими и Реџаил Исмаили.

Денеска завршува големата анкета на Европската унија која треба да даде увид на тоа што мислат граѓаните за укинувањето на сезонското поместување на стрелките на часовникот.

Дека сезонското сметање ќе биде укинато, скоро е извесни, пишува Дојче веле додавајќи дека не се знае кога тоа ќе се случи и дали ќе се задржи зимското или летното сметање на времето.

Дали е ова почеток на нова ера? – прашува Дојче веле.

Пратеникот на германските Либерали во Бундестаг, Михаел Тојрер е убеден во тоа.

-Сигурен сум дека префрлањето од зимско сметање на летно и обратно ќе биде укинато. Само уште не е сигурно кога – вели Тојрер кој претходно, за време на маднатот во Европскиот парламент, се залагал за укинување на сезонското сметање на времето.

Тој е уверен дека со укинувањето ЕУ може само да има добивка.

„Оваа иницијатива би можела да го зајакне единството во внатрешноста на Унијата. Некоординирани промени на времето во ЕУ се штетни за заедничкиот пазар, но и патувањата и комуникацијата. Кога секоја нација за себе би одлучила дали сака промена или не, тоа би вродило со хаос“, смета либералниот политичар.

Останува да видиме како ќе одлучи ЕУ.