Европската комисија (ЕК) го објави почетокот на процесот на намалување на роаминг тарифите помеѓу Европската унија и земјите од Западен Балкан, објави прес-службата на претставништвото на ЕК во Бугарија.

Лидерите на шесте партнери од Западен Балкан вчера потпишаа изјава во Софија за поддршка на започнувањето на Дигиталната агенда за Западен Балкан. Како дел од оваа посветеност, тие се согласија да ја подобрат инвестициската клима за реализација на дигитални проекти во регионот и да придонесат за стабилни, предвидливи и конкурентни пазари во телекомуникацискиот сектор. Тие се согласија да соработуваат со Европската комисија за воспоставување и спроведување на заеднички регулаторен дијалог за ИКТ кој ќе ги поддржи реформските процеси во регионот.

Како основен елемент од изјавата за поддршка за започнувањето на Дигитална програма за Западен Балкан комесарот за прашањата на дигиталната економија и општество Марија Габриел објави патоказ за намалување на тарифите за роаминг помеѓу Европската унија и Западен Балкан.

Патоказот воведува процес на мониторинг кој ќе се врши од Органи на европските регулатори во областа на електронските комуникации (БЕРЕК) и телекомуникациски регулатори на Западен Балкан за пазарите на големо и на мало, па да се оцени на место, реалното намалување на цените на роаминг.

Ова лето корисниците ќе видат нови намалени комерцијални понуди кои се однесуваат на роаминг, почнувајќи со пакетите на податоци. Операторите ќе продолжат да преговараат за нивните билатерални роаминг договори, па од летото на 2019 година може да видиме цени на мало на роаминг меѓу ЕУ и Западен Балкан не повисоки од 70 евроценти за мегабајт, при користењето на податоци.

Ја поздравувам посветеноста на телекомуникациските оператори во регионот да ги намалат роаминг тарифите за своите клиенти за ЕУ ​​ова лето. Ние гледаме напред и очекуваме да видиме како цените ќе продолжат да се намалуваат, слично на процесот во рамките на ЕУ, рече Марија Габриел.

За време на самитот во Трст во јули 2017 година, шефовите на земјите од Западен Балкан ја одобрија дигиталната интеграција како еден од четирите компоненти на повеќегодишниот план за акција за регионален економски простор.

Заклучоците на самитот за Западен Балкан од 17 мај 2018 година ја поддржуваат идејата за стартување на Дигитална програма за Западен Балкан што ќе биде објавен во детали на крајот на јуни за време Дигиталното собрание во Софија.

Изјавата за поддршка на дигиталната програма за Западен Балкан беше потпишана во рамките на самитот на ЕУ и Западен Балкан во Софија на 17 мај 2018 година од страна на претставниците на партнерите на земјите од Западен Балкан (Албанија, Босна и Херцеговина, Косово, Република Македонија, Црна Гора, Србија).

Една од клучните активности ќе биде намалувањето на давачки за роаминг меѓу самите земји од Западен Балкан и меѓу регионот и Европската унија.

Четворица пешаци и еден сопатник на мотоцикл се здобиле со тешки телесни повреди, седум лица со лесни телесни повреди во единаесет од 14 сообраќајни несреќи регистрирани на подрачјето на СВР Скопје. Во три сообраќајки причинета е материјална штета. 

Сообраќајната полиција санкционирала 34 возачи кои се движеле со поголема брзина од дозволената, а исклучила од сообраќај 26 возачи од кои 10 под дејство на алкохол, 14 пред да се стекнат со право на управување моторно возило и двајца возачи почетници. 

Од сообраќај се исклучени шест нерегистрирани возила, едно неисправно возило, 69 автомобили биле непрописно паркирани, а 44 возила биле подигнати со „пајак“. 

Седум возачи поминале на крстосница на црвено светло, двајца не дале првенство на минување на пешаци, четворица неправилно се престроиле, тројца неправилно престигнувале, додека пак заштитен шлем со мотор, мопед и мотоцикл не користеле тројца возачи.

Одделението за Превенција при СВР Скопје денеска ќе реализира  едукативни работилници во објектите „Сончоглед и Темјанушка“ на градинка  „Детска Радост“ во општина Гази Баба.

Многу компании, особено поголеми корпорации, практикуваат да поставуваат цели за вработените за три, шест или дванаесет месеци. На тој начин, вработениот се учи да ги приоритетизира работните задачи, но и да се труди да ги исполни, а за тоа и да добие соодветна награда. Некогаш, исто така, е добро самите да си ги поставуваме тие цели и на крајот на дадениот рок да направиме евалвација на успешно сработените задачи, но и разгледување на причините за евентуалните неуспешни потези.

Целите треба да бидат чекори кои работникот може да ги постигне постепено, додека да стигне до крајниот резултат предвиден со планот за работа. На овој начин, вработениот не само што постапува поодговорно со сопствените задачи, туку има и јасен и отворен поглед каде сето тоа треба да води. Затоа, разгледајте ги овие неколку идеи за како да напредувате во кариерата во вашите 30-ти, 40-ти и 50-ти години.

Во вашите 30-ти

Во средните 20-ти и раните 30-ти вие сте личност која штотуку го избрала патот на својата кариера и се искачувате по една скала, преку која ги согледувате сопствените квалитети и таленти, со надеж дека во следните 10-тина години ќе изградите доволна репутација како работник.

Бидете присутни и онлајн и офлајн

Вие сте генерација која следи статистики и создава стратегии за успешна работа. Тоа прави да бидете „програмирани“ дигитално, а во денешно време вашата професионална Интернет репутација е важна исто колку и реалната. Вашите 30-ти години треба да ги поминете во градење одлична кратка биографија, да присуствувате на настани поврзани со вашата професија и да добивате јасна визија каде сакате да бидете во следните 10 години. Пополнувајте го вашето резиме или ЛинкдИн профил со сите достигнувања во кариерата редовно, но не заборавајте и на вашето дејствување во офлајн-светот. Ширете познанства во областа на вашата работа, волонтирајте, организирајте настани и градете ја вашата репутација помеѓу колегите од сличните професии.

Зададете си предизвик за успех во иднината

Како што поминуваат годините, така парите стануваат сè поважни. Имајте план за штедење, за здравствено осигурување и заштита, за пензиски фондови, за подмирување на сите долгови, накратко, за целокупната финансиска состојба. Користете ги парите кои ги имате на располагање и не навлегувајте во непотребни задолжувања. Но, ако веќе мора, бидете редовни со отплаќањето на ратите од кредитот.

Во вашите 40-ти

За многумина професионалци, во 40-тите доаѓа моментот кога треба да балансирате меѓу семејството и кариерата и ниту еден од овие параметри не смее да биде запоставен. Но, бидејќи веќе имате доволно искуство, ќе знаете како со овие предизвици да се носите достојно и ментално и физички. Не губете го натпреварувачкиот дух, дури и кога се „мерите“ со младите луѓе кои сега започнуваат со градење на кариерата.

Збогатете го искуството со курсеви и обуки

Во 40-тите, согледајте ги сите промени кои настанале во вашата професија во текот на годините. Научете некои од нив и со тоа зацврстете ја својата позиција на професионалец кој не се плаши од нови предизвици.

Посетувајте трибини за лидери

Да се биде лидер не мора да значи и дека ќе имате менаџерска позиција. Вистинскиот лидер ќе дојде до израз дури и ако е на најниското ниво на систематизација на работните места. Дури и да мислите дека не сте родени за лидери, обидете се со посета на некоја трибина или лидерски самит на кои сигурно ќе научите нешто ново, што некогаш ќе можете и да го примените во вашата работа.

Во вашите 50-ти

Доаѓате во период во животот кога веќе вашето семејство е посамостојно, а патот кон ефективно поентирање во кариерата е сè појасен. Највозбудливите промени на професионално поле веќе поминале, а вие сте доволно искусни за да можете да се носите со секоја новонастаната ситуација. Сепак, имате и уште доволно време да се докажете и да останете запаметени по вашиот придонес за компанијата.

Со измените на Законот за трговија ќе се укине само временското ограничување за продажба на алкохол. 

Во Собранието пристигна предлог-законот за измени на законот за трговија кој има за главна цел укинување на ограничувањата во законот кои беа воведени во 2008 година, а кои се однесуваат на ограничувањето на времето на продажба на алкохолни пијалоци во трговијата на мало и на малопродажните објекти во кои истата се забранува. 

Со предлог - законот се предвидува: продажбата на алкохолни пијалоци во трговијата на мало и понатаму да се врши во лиценцирани продажни објекти, но при тоа нема да се бараат исполнување на минимално-технички услови во продажниот објект за продажба на алкохолни пијалоци.

Исто така со законот се предвидува да не се ограничуваат малопродажните објекти во кои ќе се врши трговија со алкохолни пијалоци, односно се предвидува да се дозволи продажбата на истите да се врши и во киосците.

Предлог - законот исто така предвидува да не се ограничува времето за продажба на алкохолни пијалоци во малопродажните објекти во трговијата на мало. 

Предлог - законот за изменување на Законот за трговија содржи 8 членови. Со членот 1 од Предлог - законот се интервенира во членот 23-а така што се бришат ставовите 4 и 5 со кој беше предвидено продажбата на алкохолни пијалоци трговецот да се врши само во посебен продажен објект за продажба на алкохолни пијалaци или во посебно издвоен дел од продажниот објект кој е соодветно обезбеден.

Исто така со овој член се брише обврската за исполнување на минимално технички услови за продажба на алкохолни пијалоци за продолжување на лиценцата.