Во 2025 година, глобалната економија продолжува да се менува, но некои валути остануваат стабилни и високо вреднувани. Вредноста на валутата често се одредува според нејзината куповна моќ, стабилноста на економијата и политичката сигурност на земјата. Според најновите податоци, петте највредни валути во светот се:

Кувајтски динар (KWD)

Највредната валута во светот, со курс од околу 3,25 американски долари за еден динар. Оваа вредност се должи на богатството од нафта и стабилната економска политика на Кувајт.

Бахреински динар (BHD)

Следи со вредност од приближно 2,65 американски долари. Бахреин има развиен финансиски сектор и стабилна економија, што ја одржува високата вредност на неговата валута.

Омански риал (OMR)

Со вредност од околу 2,60 американски долари, Оманскиот риал е трета највредна валута. Оман ја одржува оваа вредност преку стабилна економија и фиксна врска со американскиот долар.

Јордански динар (JOD)

Иако Јордан нема значителни природни ресурси, неговата валута вреди околу 1,41 американски долар. Ова се должи на стабилната монетарна политика и поддршката од странски инвестиции.

Британска фунта (GBP)

Со вредност од приближно 1,25 американски долари, британската фунта останува една од најстабилните и највредни валути, благодарение на силниот финансиски сектор и економската стабилност на Обединетото Кралство.

Овие валути се издвојуваат поради комбинацијата на економска стабилност, ниска инфлација и силна побарувачка на меѓународните пазари. Иако вредноста на валутата не е единствениот показател за економска сила, таа игра значајна улога во меѓународната трговија и финансии.

Тагови: валути

Претседателот на САД, Доналд Трамп, изјави дека планира да ги зголеми царините за увоз на челик во САД од 25 на 50 проценти, зголемувајќи го притисокот врз глобалните производители на челик и ветувајќи дека ќе ја продлабочи својата трговска војна.

Ќе воведеме зголемување на царините од 25 проценти. Ќе ги зголемиме царините за челик во САД од 25 на 50 проценти, што дополнително ќе ја обезбеди челичната индустрија во САД, рече тој на митинг во Пенсилванија.

Во февруари, Трамп ги зголеми царините за челик и алуминиум на рамни 25 проценти „без исклучоци или ослободувања“ во еден од неговите први потези за да им помогне на индустриите кои се борат со странска конкуренција.

Царините ќе се применуваат на милиони тони челик и алуминиум увезени од Канада, Бразил, Мексико, Јужна Кореја и други земји кои извезуваа без царина во САД.

Тагови: Доналд Трамп САД царина челик

Утре (сабота), со почеток во раните утрински часови со делумен прекин на водоснабдувањето ќе бидат населените места Визбегово, бул.„Босна и Херцеговина“, Чаир, Топанско Поле, Автокоманда, висока зона Железара и Бутел 1, поради поврзување на главниот магистрален водовод.

ЈП Водовод и Канализација - Скопје соопшти дека работните актовности се очекува да завршат за помалку од 15 часа, во кои најмногу часови се одвојува за празнење и полнење на магистрален цевковод.

Во сабота (31 мај) со отпочнување во 00:00 часот, планирани се активности за изведба на главен водоводен приклучок и монтажа на игличест регулационен вентил, за која цел е изготвен план со кој се предвидува прецизна постапка со цел брзо и ефикасно завршување на ваквиот потфат. Главна цел на овој Оперативен план е подобрување на водоснабдувањето и притисокот на водата, како и намлување на загубите на вода, се наведува во соопштението.

Со реализација на овој проект, како што информираат од ЈП Водовод и Канализација - Скопје, ќе се подобрат хидрауличките услови во водоводната мрежа, со монтирање на игличест регулационен вентил во ново изведената мерно регулациона шахта со пропратна хидротехничка опрема, како и поврзување на постоечкиот магистрален цевковод ф 1600 мм кај Железара, со постоечкиот магистрален цевковод ф 700 мм на бул.„Александар Македонски“ кој се напојува од градскиот магистрален цевковод ф 1600 мм, преку новопредвидениот магистрален цевковод ф 700мм,кој ќе биде поставен по должинта на новопредвидениот бул.„Хрватска“.

Со ваквото поврзување ќе се создадат услови за формирање на циркуларен прстен за поврзување на двата маистрални цевководи во градот Скопје, посочуваат од ЈП Водовод и Канализација - Скопје.

Согласно Оперативниот План за реализација на активностите, ЈП Водовод и Канализација -Скопје, превзема бројни оперативни активности за подготовка на луѓе, механизација, алат и пумпи.

Во процесот на активности, првично се направи проверка за исправноста на воздушните вентили,испусти и хидранти поставени по должина на магистралниот цевковод ф 1600 мм. По утврдување на состојбата и констатирање на нивната исправност сектор Водовод, со тим од осум екипи носители на работата,ќе обезбеди сигурно празнење и полнење на системот со вода, информираат од ЈП Водовод и Канализација - Скопје. 

Тагови: Скопје ЈП Водовод и Канализација

Микробрановата аблација (MWA) на тироидна жлезда за првпат е изведена во ГОБ „8 Септември“ во Скопје денес од страна на одделот за интервентна радиологија, под прокторство на проф. Булент Чекич од Анталија, Турција, информираше директорот на ФЗО, Сашо Клековски.

„На четирите интервенции претходеа работилница и обука, означувајќи значаен напредок во третманот на тироидни заболувања во Македонија, земја со висока преваленца на овие состојби.

MWA е минимално инвазивна техника со повеќе предности:

• Без хирургија: Не бара општа анестезија и не остава лузни.

• Брзо закрепнување: Се изведува во дневна болница, а пациентите се отпуштаат по неколку часа.

• Зачувување на тироидната функција: Здравиот дел од жлездата останува недопрен, намалувајќи ја потребата од доживотна хормонска терапија.

Оваа метода, заедно со етанолската аблација, ќе биде дел од минимално инвазивните процедури за третман на тироидни нодули во ГОБ „8 Септември“. Воведувањето на MWA е значајно за подобрување на ефикасноста на здравствениот систем и квалитетот на живот на пациентите.

Честитки до тимот на ГОБ „8 Септември“ за овој напредок!“, напиша Клековски на социјалните мрежи.

Тагови: Микробрановата аблација ГОБ „8 Септември“ ФЗО