Откако ќе го завршите вашето CV и ќе аплицирате за некое работно место, потребно е да се подготвите за предизвиците кои пред вас ќе ги постави интервјуто за работа. Нема да ви биде тешко да се подготвите за одговарање на прашањата, но треба да размислувате и за самодовербата која ја покажувате додека разговарате со интервјуирачот.

Една од најважните работи на кои треба да обрнете внимание е говорот на телото, бидејќи тоа може да одлучи дали ќе ја добиете работата или не.

Кога ќе се претставите на интервјуирачот, многу е важно да одржувате контакт со очите. Ова можеби ви личи премногу очигледно, но одржувањето на контакт со очите е една од најважните работи кај работодавците бидејќи тоа дава до знаење дека го почитувате соговорникот. Сепак, тоа не значи дека треба да претерувате со одржување постојан контакт бидејќи тоа може да изгледа морничаво. Наместо тоа, повремено погледнувајте кон други делови од лицето на соговорникот.

Експертот за говор на тело, Пети Вуд, вели дека тоа треба да изгледа како да танцувате со другата личност во текот на разговорот, бидејќи ако сте некоординирани целата ситуација ќе биде многу незгодна. Не се плашете да го копирате говорот на тело на соговорникот, па така ако тој се навали нанапред, и вие направете го тоа. Во најголем дел од случаите соговорникот нема ни да забележи дека го правите тоа.

Исто така, внимавајте што правите со рацете. Покажувањето на дланките асоцира на искреност и посветеност, додека прекрстувањето на прстите на двете раце покажува самодоверба. Од друга страна, тапкање со прстите по масата покажува дека сте нетрпеливи, па пробајте да го избегнете тоа.

Климањето со глава е добар знак кој му покажува на соговорникот дека го слушате. На тоа додадете и насмевка, за соговорникот да знае дека сте возбудени и среќни што сте добиле шанса да добиете интервју за работа во таа компанија.

Тагови: интервју за работа

Без оглед на тоа колку обврски имаме во текот на денот, сепак мораме да се држиме до некаков план и распоред за да можеме успешно да ги завршиме сите планирани работи. Сепак, често имаме навики кои не одалечуваат од целта и не прават непродуктивни, а често не сме ни свесни за нив.

Премногу обврски

Често се нафаќаме на повеќе одошто можеме да завршиме и се соочуваме со ограничувања, стрес и нервоза. Не морате да ги прифаќате сите обврски доколку не можете да постигнете. Дајте си малку простор и за да дишете.

Управувани сте од технологијата

Наместо вие да ја управувате технологијата, дозволувате таа да ве управува вам. Постојано сте загледани во телефонот во сите нотификации кои пристигнуваат. Продуктивните луѓе не минуваат часови на Фејсбук и не дозволуваат известувањата и звуците од нивниот телефон да им пречат во извршувањето на обврските.

Немате план

Неуспехот да се направи план носи неуспех за секоја задача. Без план, не можете да постигнете многу бидејќи само експериментирате и си ја трошите енергијата. Пробајте да направите план и да видите колку полесно ќе ви оди извршувањето на обврските.

Недостаток на фокус

Постојаното префрлање од една работа на друга е сигурна формула за неуспех. Фокусираната личност поставува приоритети и се држи до нив.

Недоволно спиење

Мислите дека не ви е потребно многу спиење бидејќи сакате да ги завршите сите работи? Се лажете. Добриот и квалитетен сон е неопходен за секоја личност. Освен тоа, така ќе имате и повеќе енергија, концентрација и фокус во текот на денот.

Започна нова акција на исцртување на 3D пешачки премини кои преку оптичка илузија треба да ги предупредат возачите да ја намалат брзината, а со тоа и да се намали ризикот од прегазување на пешаци, по големиот број на несреќи во изминатиот период. 

Почнавме од улицата кај Музејот на современа уметност како пилот проект, да видиме како ќе функционираат. Во наредниот период ќе се бележат уште неколку помали улици, за да го усовршиме начинот на бележење а потоа ќе продолжиме на булеварите. Градот ќе добие нов имиџ. Работите со механизацијата на претпријатието, како дел од тековните активности што значи дека немаме дополнителни трошоци. За 3-Д пешачки премини не требаат многу пари а се многу ефективни. Во голем број европски градови на овој начин се регулира безбедноста на улицата. Преминот создава чувство кај граѓаните дека на улицата има подигнат премин што ги наведува да ја намалат брзината, вели Сенад Смаиловиќ, директор на ЈП „Улици и патишта“.

Според планот предвидено е тридимензионален пешачки премин да се нацрта на улицата Борис Сарафов во населбата Ѓорче Петрoв, каде мината недела беше прегазено 10 годишно дете, како и низ други улици и булевари каде се вози со голема брзина и се црни точки во Скопје.

Од 2001 година, вкупно 71.524 државјани на Република Македонија добиле бугарско државјанство.

Отсега многу полесно до бугарски пасош – се менуваат правилата, илјадници македонци веќе добиле документи – пишува порталот Sky.com.mk

Од почетокот на мандатот на претседателот Румен Радев, кој започна во јануари минатата година, 1.184 Македонци добиле бугарско државјанство.

Од Бугарија доаѓаат и информации дека земјата ќе го олесни режимот за стекнување на бугарско државјанство.

Во најскоро време ќе се олесни целата процедура за добивање на бугарски пасош.