Наместо властите да се знимаваат и да размислуваат за воведување што повеќе патарини, подобро ќе биде да ги засукаат ракавите и да го направат она што уште пред многу години требаше да се направи – да се воведе еднократен паушален надомест за користење на автопатите без ограничување, кој овозможува тоа да го правите за време од 7 или 10 дена, еден месец или цела година, како што е во Швајцарија, велат од Граѓанско-демократската унија.

Овој систем го има и во Словенија, Унгарија, Чешка, Словачка, Бугарија. Сличен систем има и во Австрија. Надлежните најавуваат пет рампи од Скопје до Гевгелија наместо досегашните три. Граѓанско-демократската унија смета дека моделот на плаќање е веќе застарен, но и премногу скап, особено за оние што секојдневно локално патуваат. Остро реагираме на ваквите најави и бараме плаќање како во Европа. Во спротивно, ако ништо не се промени, покрај останувањето на сите криманални недостатоци на досегашната наплата и возење по уништени автопати, Македонија ќе стане и светски рекордер по број наплатни рампи на жител порачаа од ГДУ.

ГДУ предлага да се воведат месечни, неделни и годишни претплати со налепници, со што граѓаните ќе заштедат, а метежот и чекањето на нашите патарини во критичните периоди ќе стане минато.

Денес во Европа има неколку начини на плаќање на патарините на автопатиштата, но само во Македонија на секои 20-30 километри се инсталирани наплатни рампи и времето што го штедиме во возење по автопат го трошиме во застанување на патарини. Ова мора да се промени!
Само со европски мерки сме поблиску до Европа! се додава во соопштението на Граѓанско-демократската унија.

Бизнисот за обложувалниците станува невозможен. Асоцијацијата на спортски обложувалници (АСОМ) реагира на измените од Законот за игри на среќа, тврдат дека новите одредби ќе ги натераат да стават клуч на најмалку третина од објектите, а околу 1000 вработени ќе останат без работа.

На текстот со измените во законот кој беше објавен во декември, Асоцијацијата испрати куп забелешки. Во верзијата од текстот објавена минатата недела, само незначителен дел од барањата на обложувалниците е вметната. Обложувалниците ќе треба да бидат оддалечени најмлаку 100 метри од училиштата, а не 300 како претходно. Прифатено е и лиценцата наместо три да важи шест години. Другите забелешки кои се финансиски силен товар за бизнисот, не се прифатени.

Па така, наместо 300.000 евра сега обложувалниците за лиценца за секои 50 уплатни места ќе треба да имаат половина милион евра банкарска гаранцијам што значи дека големите обложувалници кои имаат стотина уплатни места ќе треба да чуваат над милион евра како гарација. Им се зголемува и месечниот паушал кој го плаќаат кон државата. Освен 23% од бруто приходот кој го плаќаат сега и кој беше меѓу највоските во Европа, им се воведуваат дополнителни 1600 евра т.н минимален праг за секое уплатно место.

На прашање на Сител кои од забелешките на Асоцијацијата се прифатени, предлагачот на законот, МФ, не одговори. Велат дека ќе очекуваат сугестии до крајот на месецот на текстот кој беше објавен минатата недела.

Вестите се најатрактивната содржина за македонските граѓани на телевизија, а радиото го избираат во најголем дел за музика, покажуваат резултатите од последната анкета на Агенцијата за аудио и аудиовизуелни медиумски услуги (АВМУ), спроведена на примерок од 2.400 во период од 10 до 20 часот. 

На прашањето „Дали вчера во текот на денот гледавте телевизија?“,  71,7 проценти дале потврден одговор, а 19,8 проценти рекле дека претходниот ден слушале радио. 

Прашани што гледале на телевизија на државно ниво преку сателит или преку јавна електронска комуникациска мрежа во текот на претходниот ден, 40,5 проценти одговориле дека гледаат вести, по кои следи информативна програма со 21,6 проценти, а на трето место се сериските филмови со 8,8 проценти. 

Образовна и документарна програма навеле дека гледаат 8,4 проценти од испитаниците, игран филм 7,5 проценти, забавна и/или музичка програма 5,9 проценти, спортска програма 3,4 проценти, утринска програма 3,3 проценти, програма за деца 0,6 проценти. 

Вестите биле најчест избор и на испитаниците кои биле прашани какви содржи најчесто гледаат на регионалните и локалните телевизии, односно таков одговор дале 27,1 процент од нив.

По нив следат 15,3 проценти испитаници кои рекле дека гледале игран филм, па со 13,7 проценти односно 13,3 проценти оние што одбрале забавна и/или музичка програма, како и информативна програма, а со 11 проценти сериски филм. 

Програма за деца и утринска програма биле избор на 2,7 проценти од анкетираните лица во истражувањето на АВМУ. 

Според анкетата, најголем дел од испитаниците, 64,6 проценти, на прашањето „Какви содржини слушавте на радио вчера?“ го дале одговорот музичка програма, 11,7 проценти забавно контактна програма, 8,1 процент најчесто слушаат вести,  а 6,9 проценти утринска програма. 

Избраниот примерок за анкетата е изработен врз основа на официјалните податоци на Државниот завод за статистика од последниот спроведен попис на населението, домаќинствата и становите во 2002 година. 

Возачот на велосипед кој се вклучува во сообраќајот во случаите должен да го турка возилото. На јавните патишта се ограничува брзината на движење, а возачот не смее да запре или паркира возило особено на премин на велосипедска патека преку коловозот и на оддалеченост помала од пет метри од тие премини.

На велосипедот задолжително треба да има светло во бела боја на предната страна, како и катадиоптeр со црвена боја или рефлектирачка лента на задната страна и по еден катадиоптер со жолта или портокалова боја на секоја страна. Прекршочен платен налог со глоба во износ од 50 евра во денарска противвредност ќе му се издаде на велосипедист кој постапува спротивно на одредбата.

Возачот на велосипед и на велосипед со помошен мотор, мопед е должен да се движи што поблиску до десниот раб на коловозот, а ако постои велосипедска патека – по велосипедската патека односно лента. Ако двајца или повеќе возачи на велосипед и на велосипед со помошен мотор, мопед се движат во група се должни да се движат еден по друг. Ако на патот постои посебно уредена велосипедска патека, возачот на велосипед и на велосипед со помошен мотор, мопед се движи по десната велосипедска патека во однос на правецот на движењето на сообраќајот. На велосипедски патеки уредени и обележани за сообраќај на велосипеди и велосипеди со помошен мотор, мопед во двете насоки, истите се движат по десната страна во правецот на движењето на возилата. Возачот на велосипед и на велосипед со помошен мотор, мопед може да се движи само по оние сообраќајни површини каде што е дозволено движење со такви возила.Возачот на велосипед со помошен мотор, мопед не смее да се движи по велосипедска патека односно лента со брзина поголема од 25 km/h. Прекршочен платен налог со глоба во износ од 50 евра во денарска противвредност ќе му се издаде на возачот кој постапува спротивно од ова. Ова е дел од она што е предвидено во новиот Предлог – Закон за безбедност во сообраќајкот.

Законот вели дека  „возачот на велосипед, на велосипед со помошен мотор, на мопед, на мотоцикл,  трицикл, лесен четирицикл и на четирицикл не смее да ги симнува рацете од управувачот, да се придржува за друго возило, да превезува, влече или турка предмети што можат да го попречуваат во управувањето со возилото или да ги загрозуваат другите учесници во сообраќајот“ И зас ова казната за непочитување њ 50 евра.

Лица на велосипед може да се превезуваат само ако на возилото постојат посебни седишта. Деца до 14 годишна возраст не смеат на велосипед да превезуваат други лица. Во спротивно ќе има казна за родителот, а висината на глобата е 50 евра. Иста е и казната доколку возите велосипед заштитен шлем на главата за време на возењето на патот. Возачот и лицата кои се превезуваат со велосипед ноќе и во услови на намалена видливост треба да носат рефлектирачки елек за време на возењето на патот.

Законот вели дека на магистрален и регионален пат не смее да се врши оспособување на лица за управување со велосипед, велосипед со помошен мотор, мопед, трицикл, лесен четирицикл и четирицикл. На овие возила може да се превезува дете до седумгодишна возраст, ако на возилото е вградено посебно седиште пред возачот.

Законот е дециден – Велосипед на пат може да управува лице кое наполнило десет години возраст. Во истиот закон „Пат“ е дефиниран како сообраќаен објект на кој се врши сообраќај;) Доколку деца до десет години вози велосипед на сообраќајница казната е 250 евра во денарска противвредност која ќе му се издаде на родителот односно старателот.

Еве дел од други законски одредби кои се превидени во новиот закон кој се уште е во предлог верзија:

Член 100

(1) Во сообраќај на патот велосипед, велосипед со помошен мотор, мопед, мотоцикл,  трицикл, лесен четирицикл и четирицикл, смее да влече приколка со две тркала, под услов да биде така прицврстена да не се намалува стабилноста на возилото.

(2) Приколката од ставот (1) на овој член, не смее да биде поширока од 1 m, а на задната лева страна задолжително требада има катадиоптери, пропишани за приклучно возило.

(3) Прекршочен платен налог со глоба во износ од 50 евра во денарска противвредност согласно со одредбите на овој закон, ќе му се издаде на возачот кој постапува спротивно на одредбите од ставовите (1) и (2) на овој член.

 Член 101

(1) На велосипед, велосипед со помошен мотор, мопед, мотоцикл, трицикл, лесен четирицикл и четирицикл како и во приколката што ја влечат овие возила, не смеат да се превезуваат предмети пошироки од еден метар

(2) Прекршочен платен налог со глоба во износ од 50 евра во денарска противвредност согласно со одредбите на овој закон, ќе му се издаде а возачот кој постапува спротивно на одредбата од ставот (1) на овој член.

Член 102

(2) Возач на велосипед, на велосипед со помошен мотор, мопед, мотоцикл, трицикл, на лесен четирицикл и на четирицикл, за времето додека управува со возилото не смее да води животни.

(2) Прекршочен платен налог со глоба во износ од 50 евра во денарска противвредност согласно со одредбите на овој закон, ќе му се издаде на возачот кој постапува спротивно на одредбата од ставот (1) на овој член.

 Член 365

Полициски службеник ќе му забрани на лице да управува со велосипед на јавен пат, ако е очигледно дека лицето не е подготвено за тоа.