Microsoft го оствари следниот чекор кон целосна дигитализација на образовниот систем овозможувајќи нов степен на ефикасност. Со бројните алатки од Office 365 како Sway, One Note Staff, One Note Classbook, One Drive, Skype in the Classroom, MS Team, MS Office professional, Office mix и Forms се отвораат вратите на зголемената продуктивност која може да се воспостави во модерното опшество.

За да се претстават придобивките од користењето на алатките на Microsoft се отвора повик до наставниците од основните и средните училишта во Република Македонија да ги претстават своите искуства како проект или презентација до Microsoft. Истите треба да се однесуваат на  Sway, One Note, One Note Staff, One Note Classbook, One Drive, Skype in the Classroom, MS Team. MS Office Professional, Office Mix и Forms и да се испратат на оценување. 10 пријавени ќе влезат во финалниот круг врз основа на оценките од 3 члена комисија која ќе ги утврди врз основа на 3 сегменти како зголемување на продуктивноста на наставниците со користење на алатките, иновативниот пристап во користењето на истите и нивниот начин на примена. Финалистите ќе ги претстават своите искуства во форма на презентација или проект на ревијален настан на кој ќе им бидат доделени свечени награди.

Microsoft ги повикува заинтересираните да ги поднесат своите презентации на следниов линк: https://forms.office.com/Pages/ResponsePage.aspx?id=v4j5cvGGr0GRqy180BHbR4LqVN53AHVPoEZPrornZ3tUREJURDFJRUdWR0c5OEpLVzNXNlJKN1VXTy4u 

Истите треба да се поднесат до вторник, 26.12.2017, до 13 часот.

Примери за case study може да се најдат на следниов линк:
https://onedrive.live.com/?authkey=%21ANf_1YQ47w3Mp3I&id=6CD101CD55602DF7%211199&cid=6CD101CD55602DF7

Доколку патувате во странство со автомобил, во следните држави ќе можете да возите со македонски возачки дозволи.
Република Македонија има склучено билатерални договори за заемно признавање на националните возачки дозволи со Шпанија, Албанија, Италија и Словенија.

Кога станува збор за другите земји, па дури и соседните, потребна е меѓународна возачка дозвола за патување со сопствено или туѓо возило. Меѓутоа, многумина препорачуваат да се поседува меѓународна возачка дозвола дури и во земјите со кои се има склучено договор.

Меѓународната возачка дозвола се издава од правно лице овластено од Министерството за внатрешни работи и таа има важност до три години. Истовремено, таа никогаш не се издава на лице што е претходно казнувано.

Покрај оваа дозвола, за патување во странство е потребен и зелениот картон за да се покријат потенцијалните штети доколку истите се причинети на трети лица со употреба на моторното возило.

Ако комбињата истовараат роба на улица ќе бидат казнети со 45 евра а ако се паркирани на тротоар со 150 евра.

Возилата нема да смеат да доставуваат роба по дуќаните на потегот од Рузвелтова до железничката станица, од Илинденска до крстосницата кај ТЦ „Мавровка“ односно од булеварот Теодосиј Гологанов до Јужен булевар.

Град Скопје вчера донесе одлука за забрана на дотур на роба од први декември до 31 март во центарот на градот од 7.30 до 18 часот. Одлуката се носи согласно препораките на Владата за воведување итни мерки за намалување на загадувањето на воздухот.

Од Градот велат дека засега мерката ќе важи само до крајот на март, како од дел од проектите за загадувањето, но во меѓувреме ќе се направат анализи да се воведе забрана за дотур на роба во текот на денот, преку цела година.

Секојдневно слушаме за заштита на животната средина, но дали знаеме што всушност тоа значи и како ние можеме да придонесеме?

Во својот дом, наместо обични светилки, поставете ЛЕД или флуоресцентни. Тие можеби се малку поскапи, но ќе ви траат подолго и заштедуваат енергија. Секогаш исклучувајте ги светилките кога ќе излезете од просторијата. Користете јавен превоз, велосипед или одете пеш секогаш кога времето тоа ви го дозволува. Така ќе придонесете кон намалување на штетните гасови во атмосферата. Свој придонес во зачувување на околината можете да дадете и со активирање на услугата „електронска сметка од ‘Вип’“.

Со оваа услуга сметката веќе нема да ја добивате во хартиена форма, туку на имејл-адресата што ќе ја наведете ќе добиете информација за бројот и износот на вашата фактура. Исто така, добивате и линк до детаљниот преглед на сметката. Електронската сметка може да ја активирате преку веб-страницата на „Вип“ преку мобилната апликација „Мојот Вип“ или со испраќање бесплатна СМС-порака со содржина START на 140410, а ви овозможува увид во сметката во секој момент, како и можност за електронско плаќање.

За потсетување, наградната игра на “Вип“, „Екоактивација“, сè уште е во тек, со која „Вип“ ја поттикнува еколошката свест во јавноста. Следното извлекување е во февруари 2018 година, затоа плаќајте ги вашите сметки електронски и бидете еден од среќните добитници на мобилен телефон, лаптоп, таблет или велосипед.