Министерството за економија и труд подготвува нова потрошувачка кошничка во која ќе нема цигари, алкохол и несезонско овошје, најави заменик министерот Марјан Ристески на гостување на ТВ Телма. Оваа иницијатива е дел од напорите за обезбедување квалитетни податоци кои ќе служат за унапредување на животниот стандард на граѓаните.

Кошничката нема да биде инструмент за политиканство, туку ќе служи како база за следните економски политики. Во нејзиното изготвување се вклучени неколку министерства и државни институции. „Не се пресметува за четиричлено, туку за тричлено семејство, со податоци од основни прехранбени продукти“, изјави Ристески.

Ристески додаде дека синдикатите претходно пресметувале цените врз основа на еден маркет, но новата кошничка ќе вклучува цени од повеќе извори, со цел таа да биде реален одраз на потребите на граѓаните. Антикризните мерки веќе покажуваат ефект, инфлацијата е намалена и законските измени се носат за поефикасно справување со нефер трговски практики.

Тагови: алкохолот маркети минимална кошница Министерство за економија цигари

Становите во Скопје забележуваат значителен раст на цените оваа година. Индексот на цени на станови на Народната банка покажува дека во првиот квартал од 2024 година цените се зголемени за 7,2 проценти на квартално ниво, додека на годишно ниво порастот е 19,4 проценти.

За споредба, во првиот квартал од претходната година, цените на становите се зголемија за 4,7 проценти на годишно ниво и забележаа пад од 0,8 проценти на квартално ниво. Овој пад беше прв по подолг период на растување и единствениот пад од еден процент во третиот квартал од 2020 година.

Сепак, овие трендови не траат долго. Во вториот квартал од 2024 година, становите забележаа поскапување од 11,5 проценти на годишно ниво и 8,2 проценти на квартално. Во следниот, третиот квартал, растот на годишно ниво беше осум проценти, а кварталниот пад беше 0,3 проценти. Ова подоцна е надминато со раст од 3,3 проценти на квартално ниво и 10,6 проценти на годишно ниво во четвртиот квартал.

Тагови: стан Народна банка -НБРМ цени на станови

Претседателот на САД Доналд Трамп објави пауза од 90 дена на неговите огромни тарифи, давајќи им на сите земји основната линија од 10 отсто, освен Кина, за која ќе има уште повисоки царини.

Врз основа на недостатокот на почит што Кина го покажа кон светските пазари, со ова ја зголемувам тарифата што ѝ ја наплаќаат САД за Кина на 125%, тоа стапува веднаш на сила, напиша Трамп на Truth Social.

Нагласувајќи дека повеќе од 75 земји побарале преговори за царините, Трамп рече дека „овластил 90 дневна ПАУЗА и значително намалена реципрочна тарифа во овој период, од 10%, што исто така стапува во сила веднаш“.

Тагови: Доналд Трамп Кина САД царински тарифи

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 2,85 % во однос на одлуката од 8.04.2025 година.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 5,268%, кај дизелот за 4,580%, кај екстра лесното масло за 4,570% и кај мазутот намалувањето е за 3,281%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,3532%.

Од 10.4.2025 година од 00:01 часот максималните цени на нафтените деривати ќе изнесуваат:

• Моторен бензин ЕУРОСУПЕР БС – 95 74,00 (денари/литар)
• Моторен бензин ЕУРОСУПЕР БС – 98 76,00 (денари/литар)
• Дизел гориво ЕУРОДИЗЕЛ БС (Д-Е V) 66,50 (денари/литар)
• Масло за горење Екстра лесно 1 (ЕЛ-1) 66,50 (денари/литар)
• Мазут М-1 НС 38,965 (денари/килограм)
• Малопродажните цени на бензинот ЕУРОСУПЕР БС-95, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 2,00 ден/лит.
• Малопродажната цена на бензинот ЕУРОСУПЕР БС-98 се намалува за 2,50 ден/лит.
• Малопродажната цена на Мазутот М-1 НС се намалува за 1,041 ден/кг и сега ќе изнесува 38,965 ден/кг.

Тагови: Регулаторната комисија за енергетика цени на горивата