Нептун Македонија трета година по ред е стратешки партнер на СОС Детско село и со различни активности ја поддржува мисијата на СОС Детско село – ниту едно дете да не расте само.

Минатата година компанијата ја спроведе големата хуманитарна акција „Заокружи сметка“ која е активност на поддршка, со што им се овозможува на потрошувачите на лесен и едноставен начин да помогнат на оние кои им е најпотребно – децата без родителска грижа. Секој купувач имаше можност да ја донира разликата помеѓу износот на сметката и првиот поголем износ. Како благодарност и поддршка, на собраните средства од своите клиенти, компанијата се приклучи со донирање на 430.000 денари во месец февруари, во рамки на кампањата „Месец на љубовта“.

„Како компанија која ја цени и ја негува традицијата, зачувувањето на семејните вредности е од големо значење за нас. Имаме повеќе од 400 вработени, и семејниот дух, топлината и тимската енергија се присутни во секој наш проект. Оваа донација е дел од континуираната акција на компанијата, резултат на заедничката поддршка и ангажман на нашите клиенти, кои со своите купувања станаа дел од иницијативата за подобро утре. “ - изјави Александра Тасевска, Координатор за корпоративен маркетинг.

Токму преку Хуманитарната акција „Заокружи сметка“ Нептун сака да помогне во зајакнувањето на капацитетите и потенцијалите на згрижувачите и децата, а воедно да постави позитивен пример и мобилизира и други компании во намерата за поттикнување на позитивни општествени промени.

„Како дел од својата долгорочна стратегија за корпоративна одговорност, НЕПТУН редовно спроведува донации и иницијативи со цел да придонесе за подобро општество. Знаејќи колку е тешко да се живее без родители, вложуваме максимални напори да придонесеме кон подобар животот на децата поддржани од СОС Детско село. И, да бидам искрена, пресреќни сме кога гледаме колку значи поддршката од локалната бизнис заедница. " - додава Тасевска.

Радуваат и податоците дека од година во година, потрошувачите покажуваат се поголема солидарност и желба да го „заокружат“ износот на својата сметка, донирајќи за подобра иднина на децата поддржани од СОС Детското село, и заеднички со Нептун Македонија испраќаат силна порака дека не се сами во светот.

Тагови: донација СОС Детско село Нептун Македонија

Куманово, како еден од поголемите градови во Македонија, нуди голем број можности за работа во различни индустрии. Без разлика дали сте млад професионалец, квалификуван работник, или студент кој бара прво работно искуство, пазарот на труд во Куманово нуди разновидни опции за сите профили на кандидати.

Моментално се отворени следниве работни позиции:

Административен асистент - Куманово
Административен работник (шпедитерски техничар) во подружница Табановце
Dispatcher OTR
Раководител на сектор Проектирање
Експерт за кредитирање во филијала Куманово
Кредитен консултант во филијала Куманово
Месар/ка (со искуство)

Се уште невработени?! Сите останати работни позиции можете да ги најдете ТУКА.

Синдикатите во Македонија ги заоструваат барањата за зголемување на минималната плата и повикуваат државата да ја субвенционира разликата. Нивниот нов предлог е минималецот да изнесува 500 евра, наместо претходно предложените 450 евра. Законски, минималната плата ќе се зголеми на 24.500 денари, но ССМ предлага таа да достигне 30.500 денари, при што државата би требала да ја субвенционира разликата од 6000 денари во текот на 12 месеци.

Предлогот ќе биде доставен до Владата и Собранието. Според ССМ, голем дел од бизнисот ја поддржува иницијативата за зголемување на платите. Премиерот Мицкоски изјави дека Владата ќе ја поддржи договорената сума меѓу работниците и работодавачите. Доколку не се постигне договор, Владата ќе се придржува кон постоечкиот закон.

Се очекува дискусијата за минималната плата да продолжи во рамките на економско-социјалниот совет, кој би требало да се одржи во март. Сепак, Владата сѐ уште нема формирано комисија која би ја потврдила репрезентативноста на ССМ, што е неопходно за одржување на средби со работодавачите и синдикатите. Една од темите на дебата ќе биде и пресметката на потрошувачка кошничка, што предизвика контроверзии во владината администрација.

Тагови: Влада на РСМ минимална плата ССМ

Приближувајќи се 8-ми март, многумина се прашуваат кој е идеалниот подарок за да ги израдуваат значајните жени во својот живот. Без разлика дали станува збор за мајка, сестра, партнерка, пријателка или колешка, вистинскиот подарок може да ја изрази вашата благодарност и внимание. Традиционалниот избор, како цвеќе и чоколади, секогаш носи радост, но ако сакате да бидете покреативни, размислете за персонализирани подароци или искуства кои ќе остават траен впечаток.

Козметика и нега се одличен избор за подарок, бидејќи секоја жена сака да се чувствува негувано. Парфем, сет за нега на кожа или релаксирачки спа-ден се подароци кои секогаш се добро прифатени. За оние кои сакаат мода, можете да одберете стилски моден додаток, како чанта, накит или елегантен шал. Ако вашата сакана личност ужива во читање, добра книга со инспиративна порака е секогаш одличен избор.

Доколку сакате да подарите незаборавно искуство, размислете за заедничко патување, вечера во омилен ресторан или билет за концерт или културен настан. Персонализираните подароци, како шолја со мотивациска порака, албум со спомени или специјално дизајниран дневник, можат да имаат уште поголема сентиментална вредност. Без разлика што ќе изберете, најважно е подарениот гест да доаѓа од срце, бидејќи токму тоа ја прави секоја честитка и подарок посебен.

Тагови: 8ми март