Фирмите-ќерки на ЕСМ за снабдување, дистрибуција и производство на топлинска енергија доставиле барања до Регулаторна комисија за енергетика за поскапување на сметките за парно греење за околу 35 отсто.

Ваквиот потег зачудува ако се знае дека во јануари РКЕ веќе дозволи едно поскапување за оваа услуга за  5,03 отсто а како причина за зголемувањето на цената беше наведено дека во меѓувреме поскапел природниот гас на светските берзи и намалено било производство на АД ТЕ-ТО кое наместо 60 отсто учествувало со 51 процент во производството на топлинска енергија.

Овој месец се чека каков потег ќе повлече регулаторот, кој веќе најави дека цената може да се зголеми само ако се намали бројот на потрошувачи. Инаку ако се види кај завршната сметка кај ЕСМ Продажба, која го снабдува природниот гас, ќе може да се види дека лани имало помали количини на таква набавка, додека на самата веб страница во ЕСМ Санбдување со топлина во извештајот за 2024 наведено е дека наплатата била поголема од 95 отсто, што се смета за солидно остварување.ЕСМ Дистрибуција поднесе барање до РКЕ за поскапување на услугата за 38,83 отсто, ЕСМ Производство бара повисока цена за 35,47 проценти, а ЕСМ Снабдување очекува 52,11 проценти поголема наплата. Овие три барања се поднесени изминатите денови.

Од ЕСМ Снабдување со топлина не добивме конкретен одговор за колку очекуваат да поскапи загревањето за скопјани, туку само не известија дека имаат право и обврска да поднесат такво барање согласно прописите.

Согласно подзаконските акти најдоцна до 31 мај, овие компании имаат обврска да ги достават трошоците за производство и испорака на топлинска енергија со цел одредување на регулираниот максимален приход и контрола на цената на топлинската енергија за тековната година.

Врз основа на регулативата, РКЕ ги анализира доставените финансиски и технички податоци, ги следи клучните елементи потребни за одобрување на регулираниот максимален приход и цената на топлинската енергија и ги утврдува тарифните ставови по кои се фактурира испорачаната топлинска енергија до крајните потрошувачи, гласи одговорот од ЕСМ.

Тагови: ЕСМ поскапува парното Регулаторната комисија за енергетика

Ирската авиокомпанија „Рајанер“ објави дека ќе им наплати на патниците кои се отстранети од авион за нивното однесување минимум 600 евра, објавија британските медиуми.

Како што изјави оваа најголема европска компанија, ова ќе бидат минимални казни, а патниците кои се отстранети од лет поради „неприфатливо однесување“ исто така ќе треба да платат надомест, објави „Гардијан“.

Компанијата изјави дека се надева дека оваа нова политика ќе придонесе за елиминирање на несоодветното однесување од патниците.

Патниците кои се груби, агресивни или пијани можат да го нарушат летот, а во најекстремните случаи, да претставуваат ризик за безбедноста на авионот, како и да доведат до негово пренасочување.

Според компанијата, која превезла повеќе од 200 милиони патници во периодот 2024-25 година, ваквите инциденти се изолиран феномен што им се случува на сите авиокомпании и се предизвикани од мал број груби патници.

Патниците кои предизвикуваат проблеми би можеле да се соочат со висока казна, кривично гонење, па дури и затворски казни, според „Гардијан“.Управата за цивилно воздухопловство (CAA) соопшти дека на таквите патници би можело да им се наплати и трошокот за пренасочување на нивниот лет, кој лесно би можел да надмине 11.791 евра.

Оние кои ќе бидат прогласени за виновни за пијаност во авион би можеле да се соочат со максимална парична казна од 5.895 евра и до две години затвор, додека патниците кои ќе предизвикаат посериозно дело и ќе го загрозат авионот би можеле да се соочат со до пет години затвор.

Извршниот директор на „Рајанер“, Мајкл О’Лири, претходно побара ограничување од два пијалоци за патниците на аеродромите, со цел да се помогне во спречувањето на зголемувањето на несоодветното однесување во авионите.

Тагови: авио сообраќај авиокомпанија „Рајанер“ Гардијан

Во текот на денот не очекува сончево и топло време, со појава на слаба локална облачност. Ќе дува слаб до умерен ветер, а дожд на Повардарието повремено ќе се засилува од северен правец.

Во Скопје ќе преовладува сончево и топло време. Ветерот ќе биде умерен, а во одделни делови од котлината повремено ќе се засилува, главно од север.

Временска прогноза за Скопје. За другите градови кликни ТУКА.

13.06.2025 Петок   21° / 32° 06:01   21:10

14.06.2025 Сабота   15° / 31° 06:01   21:11

15.06.2025 Недела   15° / 31° 06:01   21:11

Борис Камчев е еден од водечките менаџери на продажниот сектор во TBM Group и моментално ги води тимовите одговорни за спонзорства, како и тимови одговорни за крајните корисници на конференциите и самитите организирани од компанијата. Не интересираше неговиот кариерен развој од првата скала на “sales floor” до еден од клучните луѓе во компанијата.

Борис, што замислуваше дека ќе „станеш“? Која беше твојата идеална професија?

Верувам дека ќе се сложиме ако кажеме дека никој кога растел не растел со желбата да работи во продажба. Напротив, лично замислував кариера во економија. Сепак, после започнувањето со работа во B2B продажба се препознав себе си и најдов нов извор на мотивација и енергија која што ја имам после повеќе од 6 години работа во овој сегмент.

Што работеше досега?

Пред ТБМ имам кратко искуство во делот на настани и логистика. Сепак најголемото искуство каде што изградив дисциплина, фокус, истрајност кои што се клучни во сегашното работење.

Каде работиш сега?

Во моментов работам како Менаџер за продажба кој што води тим од 18 млади и амбициозни луѓе во секторот за продажба. Инволвирани сме во организирање и продажба на B2B средби (конференции) на највисоко ниво во сегментот на инфраструктура, енергетика, фармација, технологија.

Кои се твоите задолженија како Менаџер за продажба во ТБМ?

Мојата задача во ТБМ е менаџирање на тимот кој врши идентификација и регрутација на спонзори – компании што сакаат да се позиционираат како лидери во своите индустрии, преку учество на нашите конференции. Покрај тимот “sponsorship”, со моите колеги создадовме и тимови кои се одговорни за регистрација и конференциско учество на крајни клиенти. Креирање на вредност, преговарање, тренинзи , регрутирање на нови членови на тимот, констатно иновирање за подобрување на сервисот се само дел од секојдневните обврски во компанијата.

Каде беше досега на ТБМ конференции?

Успехот во компанијата ме доведе во положба да патувам насекаде низ Европа и светот. Досега сум патувал во Минхен, Франкфурт и Берлин во Германија, Варшава во Полска, Барселона и Мадрид во Шпанија, Рим во Италија, Будимпешта во Унгарија, Амстердам во Холандија, Тексас во САД итн.

Опиши ни што се случува на конференциите?

Генерално конференциите нудат одличен увид во најновите трендовиите во индустриите и студии на случаи од високо позиционирани луѓе од компании како Мајкрософт, Нвидиа, Астра Зенека, Шел, Сименс и многу други. На сето тоа ако го додадеме вмрежувањето и бенчмаркингот дава можност за B2B можност на највисоко ниво.

Опиши ни го твојот тим...

Се работи за амбициозни, вредни и дисциплинирани млади професионалци од 20 до 35 години кои се желни да се надградуваат и стекнат меѓународно искуство.

Дали се дружите со колегите? (тим билдинг, патувања, свадби, концерти/утакмици)

Да, тоа е дел што го прави TBM поинаков. Имаме тим билдинзи, патувања во странство, спонтани излегувања, славења родендени, па и свадби кај колеги. Атмосферата е пријателска и тоа многу помага за меѓусебна почит и мотвација кај  членовите на тимот.

Како го постигна овој успех?

Конзистентност. Чувството дека секој ден треба да се докажеш и покажеш е сеприсутно и ми дава мотивација да продолжам да растам и да се надградувам. Лесно може да се случат дистракции но треба секогаш да поставуваме цели и да се потсетуваме на нив.

Каква иднина гледаш за себе?

TBM ми отвори меѓународна перспектива, шанса за раст и влијание. Лично сакам да развијам нови формати што ќе го носат TBM на следно ниво. Иднината ја гледам во комбинација од лидерство и иновација.

Што им препорачуваш на младите кои бараат работа? Какви кандидати имаат најмногу шанси за успех во ТБМ?

На оние кои што само што ја започнуваат својата работна кариера цврсто им препрачувам да почнант со работа во продажба. Зошто? Искуството и она што можеш на го научиш во овој сегмент не се стекнува во ниту еден степен на едукацијатата, а искуството и вештините што таа млад човек ќе ги научи ќе му/и служат во целата кариера.

Доколку посакувате да бидете дел од успешниот тим на TBM Group ве повикуваме да ја испратите вашата работна биографија на kamcev@tbmgroup.eu

Тагови: ТБМ Гроуп ДОО