Денеска се одбележуваат 54 години од катастрофалниот скопски земјотрес кој кобното јулско утро во 5:17 часот однесе над илјадници животи, во пресрет на тоа и денеска објавуваме потресна приказна од скопските улици.

Една од приказните е и на еден скопјанец кој скокнал од првиот кат на хотелот „Скопје“, по првиот потрес и за среќа, останал неповреден. Покрај ѕидот на хотелот видел мртва жена, а покрај неа мало девојче кое извикувало „Мамо, мамо“. Веднаш отрчал да го земе. Уште не стигнал до него, кога повторно земјата се затресла и урнатините ги покриле обајцата. Но овој вториот удар бил уште посилен. Разделени така еден од друг, останале шест часа под урнатините. Кога војниците конечно го спасиле девојчето и сакале да го поведат, тоа почнало да се трга и на цел глас да извикува „Тука има уште еден чичко, спасете го“. Девојчето не си отишло додека не го извадиле чичкото. Потоа ја извадиле мајка ѝ, мртва. Чичкото го прашал девојчето како се вика нејзиниот татко. Таа на српски јазик бистро одговорила „Јас немав татко, а сега и мама загина“.

Чичкото ја повел со себе и на војниците им рекол „Благодарам што нѐ спасивте. Девојчето ќе го земам, ќе биде моја ќерка, ќе ја посвојам, јас и така немам свои деца“. Заминале заедно како едно семејство.

Скопје денес е сведок на оваа приказна и на уште илјадници други кој ги градат своите приказни на улиците на овој град. Кога се застана љубовта продолжи, да живее Скопје!

На вчерашнатаа седница на Советот за социјална сигурност беа разгледани предлог проекти за подобрување и унапредување на социјалната сигурност и животниот стандард на корисниците на пензија во периодот 2018-2020 година.

На седницата се усвоија следните проекти, чијашто имплементација ќе започне на почетокот на 2018 година:

• ќе се воведе задолжително издавање на преглед за стаж и плати, со потврдени податоци во матичната евиденција, за сите работници, три години пред исполнување на услови за пензија;
• пензиите ќе се усогласуваат два пати годишно, според порастот на трошоците на живот во висина од 50% и порастот на платите во висина од 50%, и ќе се разгледува можноста за дополнително усогласување доколку се бележи раст на економијата;
• ќе се донесе подзаконски акт за утврдување на минимална и максимална цена на сместување во приватните установи за грижа на старите лица, како и зајакнување на контролата во  овие установи;
• ќе се воведат нови пакувања на лекови, како и можност за подигнување терапија на парче за хронично болните пациенти;
• за хронично болните лица ќе се  овозможи подигнување на тримесечна терапија;
• ќе се унапреди соработката со невладиниот сектор  (Сојузот на здруженија на пензионери, Црвениот Крст на Република Македонија) за обезбедување на социјални и здравствени услуги на старите лица;

На седницата, исто така, се утврди потребата од продолжување на проектот за бањско-климатска рекреација за пензионери, со можност за ревидирање на критериумите за упатување на користење на услугата.

Во Советот за социјална сигурност членуваат претставници од: Сојузот на здруженијата на пензионерите, Црвениот Крст на Република Македонија, Министерството за труд и социјална политика, Министерството за здравство, Министерството за финансии, Министерството за економија, Фондот на пензиско и инвалидско осигурување на Македонија, Фондот за здравствено осигурување на Македонија , МАПАС и двете пензиски друштва.

Продуктивноста е една од клучните мерки на економскиот успех.

Ново истражување на групата Expert Market дава светлина врз земјите во кои работниците се најпродуктивни.

Рангирањето е направено, кога БДП на глава од жител е поделен на часовите изработени од еден работник и така се добива резултатот - кои нации прават најмногу пари за најмалку време.

Бројките ја покажуваат вредноста што секој работник ја придонесува за неговата земја за еден работен час (во британски фунти) за 2017 година.

Погледнете ги 19-те најпродуктивни економии во светот:

19. Израел - 15,95 фунти

18. Јапонија - 17,21 фунти

17. Велика Британија - 17,37 фунти

16. Нов Зеланд - 18,07 фунти

15. Франција - 19,51 фунти

14. Канада - 19,72 фунти

13. Финска - 19,85 фунти

12. Австрија - 21,06 фунти

11. Германија - 23,30 фунти

10. Шведска - 23,67 фунти

9. Холанидја - 24,04 фунти

8. Ирска - 25,44 фунти

7. Австралија - 25,47 фунти

6. САД - 25,74 фунти

5. Исланд - 27,63 фунти

4. Данска - 28,87 фунти

3. Швајцарија - 37,89 фунти

2. Норвешка - 39,72 фунти

1. Луксембург - 51,80 фунти

Акциите на европските берзи се во пад поради лошите економски показатели и силното евро кое има две годишен максимум во однос на доларот. 

На азиското тргување на берзата еврото скокна 1,1684 долари, или највисоко од август 2015 година. 

Фунтата скокна на 1,3027 долари. 

Доларот падна на 110,94 јени. 

Успорувањето на активностите во приватниот сектор во еврозоната во јули влијаеше на слабеење на индексот во еврозоната.