Меѓународно училиште НОВА Скопје е разноврсна заедница со модерен образовен систем каде учениците и професорите доаѓаат од 40 различни земји. Нашето училиште е изборот на заедниците на странци и дипломати во Скопје, како и на локални семејства кои имаат глобален поглед на светот. Училиштето ја спроведува програмата на Организацијата на Меѓународна Матура и ги опфаќа сите ученици, од три години до 18 (International Baccalaureate World Continuum school), каде се спроведуваат Клучните заеднички стандарди (Common Core Standards) што се имплементирани во САД во 41 држава, а чија цел е да обезбедат јасни и конзистенти исходи од учечкиот процес со цел да им помогнат на учениците при аплицирање на универзитет или во потрагата по идна професија. Училиштето е основано во 1997 година, и е првото регистрирано приватно училиште во Северна Македонија. Самиот училиштен кампус се наоѓа во резиденцијална област, блиску центарот на Скопје.